နှစ်ဘက်လက်ခံနိုင်ဘွယ်အရေးအသားများဖြင့် အမျိုးသားလူ့အခွင့်အရေးကော်မရှင်၏ သမ္မတထံပေးပို့သော ဒုတိယမြောက် အိတ်ဖွင့်ပေးစာ

ပြည်ထောင်စု သမ္မတ မြန်မာနိုင်ငံတော်- နိုင်ငံတော် သမ္မတ ဦးသိန်းစိန်ထံ မြန်မာနိုင်ငံ လူ့အခွင့်ရေး ကော်မရှင်က မေတ္တာရပ်ခံ တင်ပြသည့် အိတ်ဖွင့် စာတစ်စောင်ကို ယနေ့ရက်စွဲဖြင့်(၂၀၁၁ ခု နိုဝင်ဘာလ ၁၂ ရက် ) ပေးပို့ခဲ့သည်။ အဆိုပါ အိတ်ဖွင့်စာ အပြည့်အစုံမှာ အောက်ပါ အတိုင်း ဖြစ်သည်-

 

အသေးစိတ်ဖတ်ရှုနိုင်ရန်ပုံပေါ်သို့နှိပ်ပါ

 

သံတမန်ဟောင်းကြီးများဖြင့်ဖွဲ့စည်းထားသော မြန်မာနိုင်ငံအမျိုးသားလူ့အခွင့်အရေး ကော်မရှင်၏ မေတ္တာ ရပ်ခံစာသည် နှစ်ဘက်လက်ခံနိုင်ဘွယ်သောအသုံးအနှုန်းများကို ဂရုတစ်စိုက်ရွေးချယ်သုံးနှုံးထားလေ၏ ။ မေတ္တာရပ်ခံစာဟူသည့်အမည်နှင်လိုက်လျောညီထွေစွာပင် မိမိတောင်းဆိုလိုသည်ကို တစ်ဘက်ကလိုက်လျောချင်ဘွယ်ဖြစ်အောင် မေတ္တာအရင်းခံ၍ တစ်ဘက်၏အတ္တမာနကို မထိခိုက်စေပဲ တောင်းဆို၏ ဤသည်ကို နိုင်ငံတော်အစိုးရမှ လက်ခံသဘောကျ၍သာ အစိုးရပိုင် သတင်းစာများတွင် ဖေါ်ပြထားခြင်းဖြစ်နိုင်၏ ။

"သမ္မတက ဘာလို့ဒီလောက်တွန့်တိုနေရတာလဲ သူ့အိပ်ထဲက စိုက်ပေးရတာလဲမဟုတ်ဘဲနဲ့ " ဆိုသော ထောင်ထွက်ဂတုံး ဇာဂနာ၏ တောင်းဆိုပုံစကားနှင့်အကွာကြီးကွာ၏ ၊ မြစ်ဆုံရပ်လိုက်လို့ နှုတ်ခမ်းမွှေးရိတ်လိုက်ပြီ နိုင်ငံရေးအကျဉ်းသားတွေ အားလုံးလွတ်လာရင် ဆံပင်ပါညှပ်မယ် ဟူသောအရူး မောင်ကျော်သူ၏ စကားနှင့်လည်း အကွာကြီးကွာပြန်လေ၏ တစ်ဖန် နိုင်ငံရေး လုပ်တတ်လှပါပြီဆိုပြီး သူတို့ကိုယ်သူတို့ ၀ါရင့်နိုင်ငံရေးသမားကြီး များအမည်ခံထားသူများ ၊ ပြည်တွင်းပြည်ပမှ မြန်မာအတိုက်အခံဆိုသူများ၏ တောင်းဆိုပုံများနှင့်လည်း ကွာခြားလှပါပေ၏ ။

ရိုးသားဖြောင့်မတ်မှန်ကန်သောနိုင်ငံရေးသဘောထားဖြင့် ဝိုင်းဝန်းတည်ဆောက်ကြပါစို့

(အစိုးရအဖွဲ့အတွင်း သဘောထားပျော့ပျောင်းသူ အုပ်စုနှင့် သဘောထားတင်းမာသူအုပ်စု ဟူ၍ အုပ်စု ၂ စု ကွဲပြားနေကြောင်း သတင်းများထွက်ပေါ်လာပြီးနောက် အစိုးရသတင်းစာတွင် ဖေါ်ပြလာသော ငါးမင်းဆွေ၏ ဆောင်းပါးဖြစ် သည် ၊ ဆောင်းပါးရှင်ငါးမင်းဆွေသည် ဒေါ်စုကြည် လွတ်လာပြီးနောက်ပိုင်းတွင် ဒေါ်စုကြည်အား ပြင်းပြင်းထန်ထန် ဝေဖန်တိုက်ခိုက်ခဲ့သည့်ဆောင်းပါးများကိုရေး သားခဲ့သူဖြစ်သည် ။)

ယခုတလော ပြည်ပအသံလွှင့် ဌာနတို့က မြန်မာ့နိုင်ငံရေး လောကတွင် သဘောထား တင်းမာသူ (Hard Liner) များနှင့် သဘောထား ပျော့ပျောင်းသူ(Soft Liner)များဟူ၍ နှစ်ဖွဲ့ရှိနေကြောင်း၊ မည်သည့် ပုဂ္ဂိုလ်တို့သည် သဘောထား တင်းမာသူများ ဖြစ်ကြောင်း၊ မည်သည့်ပုဂ္ဂိုလ်တို့သည် သဘောထား ပျော့ပျောင်းသူများဖြစ်ကြောင်း အမည်နာမနှင့်တကွ ပြောဆို လာကြသည်။ သဘောထား တင်းမာသူကို သဘောထားမှားယွင်းသူ၊ သဘောထားပျော့ပျောင်းသူကို သဘောထား မှန်ကန်သူဟု မီဒီယာများက ရှုမြင်ဇောင်းပေး ရေးသားလေ့ရှိကြပါသည်။

 

ပါလီမန် ဒီမိုကရေစီ နိုင်ငံရေးခေတ်က သန့်ရှင်း ဖဆပလ ခေါင်းဆောင် ဦးနုအား သဘောထား ပျော့ပျောင်းသူဟု ရှုမြင်ခဲ့ကြသည်။ ဦးနုသည် မဲဆန္ဒရှင် အများစုဖြစ်သော ဗုဒ္ဓဘာသာဝင် မြန်မာပြည်သူတို့၏ ထောက်ခံမှုကို ရရှိစေရန် မြန်မာနိုင်ငံကို ဗုဒ္ဓဘာသာ နိုင်ငံအဖြစ် သတ်မှတ်ပေးမည်ဟု ပြောဆိုခဲ့သည်။ ထိုသို့ ပြောဆိုခဲ့ခြင်းကြောင့် ပြည်သူလူထု အများစုက ဦးနုကို ထောက်ခံခဲ့ကြသည်။ ပမညတ ခေါင်းဆောင် ဦးသိန်းဖေမြင့်က မြန်မာနိုင်ငံ ကို ဗုဒ္ဓဘာသာနိုင်ငံအဖြစ် သတ်မှတ်ခြင်းသည် အခြားဘာသာများ ကိုးကွယ် သော တိုင်းရင်းသားတို့နှင့် ပဋိပက္ခဖြစ်ပေါ်စေပြီး တိုင်းရင်းသားစည်းလုံး ညီညွတ်ရေးကို ထိခိုက်စေခြင်းကြောင့် မြန်မာနိုင်ငံအား ဗုဒ္ဓဘာသာနိုင်ငံ အဖြစ် သတ်မှတ်ခြင်းကို လက်မခံခဲ့ပါ။ ထိုစဉ်က ဦးသိန်းဖေမြင့်ကို သဘော ထားတင်းမာသူ အဖြစ်သတ်မှတ်ပြီး ပြည်သူအများစုက ထောက်ခံမှု မပေးခဲ့ကြပါ။ စာရေးဆရာကြီး ဦးသိန်းဖေမြင့်သည် သာသနာ တည်တံ့သန့်ရှင်းရန် ရည်ရွယ်ပြီး ''တက်ဘုန်းကြီး'' ဝတ္ထုကို ရေးသားခဲ့သောကြောင့် ရဟန်းရှင် လူအများစုက ဆရာကြီး ဦးသိန်းဖေမြင့်ကို မုန်းတီးခဲ့ကြသည်။ ရွေးကောက်ပွဲတွင် ဦးနုခေါင်းဆောင်သော သန့်ရှင်း ဖဆပလပါတီက အပြတ်အသတ် အနိုင်ရရှိခဲ့ပြီး ဦးသိန်းဖေမြင့် ခေါင်းဆောင်သော ပမညတ ပါတီသည် အကြီးအကျယ် ရှုံးနိမ့်ခဲ့ပါသည်။

 

ဦးနု၏ မြန်မာနိုင်ငံကို ဗုဒ္ဓဘာသာနိုင်ငံအဖြစ် သတ်မှတ်ပေးမည် ဆိုသော ပြောကြားချက်ကြောင့် ခရစ်ယာန် ဘာသာဝင်များ ဖြစ်ကြသော ကချင် တိုင်းရင်းသားအချို့ လက်နက်ကိုင် တောခိုသွားခဲ့ကြသည်။ သို့အတွက် ကြောင့် ကချင်တိုင်းရင်းသားတို့၏ လက်နက်ကိုင်သောင်းကျန်းမှု စတင် ပေါ်ပေါက်ခဲ့ရသည်။ ဤဖြစ်ရပ်ကြောင့် တိုင်းရင်းသား ပြည်သူတို့၏ အသက် အိုးအိမ်များစွာ ဆုံးရှုံးခဲ့ရသည်မှာ ယနေ့ထိတိုင်အောင် ဖြစ်ပါသည်။ ဤဖြစ်ရပ်ကို ကြည့်လျှင် သဘောထား ပျော့ပျောင်းသည်ဟု ထင်မှတ်ခဲ့သော ဦးနု၏ နိုင်ငံရေး သဘောထား လုပ်ဆောင်မှုသည် မှန်ကန်ခြင်းမရှိခဲ့ပါ။ သဘောထား တင်းမာသည်ဟု ထင်မှတ်ခံခဲ့ရသော ဦးသိန်းဖေမြင့်၏ နိုင်ငံရေး သဘောထား လုပ်ဆောင်မှုသည် ရိုးသား ဖြောင့်မတ်မှန်ကန်သည်ဟု အသေအချာ ပြောဆိုနိုင်ပါသည်။

 

ဗိုလ်ချုပ်အောင်ဆန်း၊ ဦးသိန်းဖေမြင့်နှင့် သခင်သန်းထွန်းတို့သည် လွတ်လပ်ရေးကြိုးပမ်းမှု ကာလတွင် ဗမာပြည် ကွန်မြူနစ်ပါတီကို ဖွဲ့စည်းတည်ထောင် ခဲ့ကြသည်။ လွတ်လပ်ရေး ရပြီးသောအခါ သခင်သန်းထွန်းသည် ဗမာပြည် ကွန်မြူနစ်ပါတီ အာဏာရရှိစေရန် လက်နက်ကိုင်တော်လှန်ရေး လမ်းစဉ်ကို ကျင့်သုံးခဲ့သည်။ ဦးသိန်းဖေမြင့်က ငြိမ်းချမ်းသော၊ အကြမ်း မဖက်သော နိုင်ငံရေးနည်းလမ်းဖြင့် ကြိုးပမ်း လုပ်ကိုင်ခဲ့သည်။ သခင်သန်းထွန်း က ဦးသိန်းဖေမြင့်အား ရွှေပြည်အေး ကိုယ်တော်ဟု ခေါ်ဝေါ် သမုတ်ခဲ့သည်။ သခင်သန်းထွန်းသည် သဘောထား တင်းမာသော ကွန်မြူနစ်ဝါဒီဖြစ်ပြီး ဦးသိန်းဖေမြင့်သည် သဘောထား ပျော့ပျောင်းသော ကွန်မြူနစ်ဝါဒီဖြစ်သည်။ နောက်ဆုံးတွင် သခင်သန်းထွန်း၏ သဘောထားတင်းမာသော လက်နက်ကိုင် တော်လှန်ရေး လမ်းစဉ်သည် မအောင်မမြင်ဖြစ်ခဲ့ပြီး သခင်သန်းထွန်းသည် ပဲခူးရိုးမတောတွင်း တစ်နေရာတွင် တပည့်ဖြစ်သူ၏ လုပ်ကြံသတ်ဖြတ်ခြင်းကို ခံခဲ့ရသည်။ ထိုပြည်တွင်း သောင်းကျန်းမှုများကြောင့် နိုင်ငံနှင့်လူမျိုးလည်း များစွာအထိနာခဲ့ရသည်။ တင်းမာသော သဘောထားရှိသည့် သခင်သန်းထွန်း၏ နိုင်ငံရေး သဘောထားသည် ရိုးသားဖြောင့်မတ် မှန်ကန်ခြင်း မရှိခဲ့ပါ။ ညီညွတ်ရေးနှင့် ငြိမ်းချမ်းရေးလမ်းစဉ်ကို ကျင့်သုံးသော သဘောထား ပျော့ပျောင်းသည့် ဦးသိန်းဖေမြင့်၏ နိုင်ငံရေး သဘောထားသည် ရိုးသားဖြောင့် မတ်မှန်ကန်ခဲ့သည်ကို ကျွန်တော်တို့ရှင်းလင်းစွာ တွေ့မြင်သင်ခန်းစာ ရခဲ့ကြပြီး ဖြစ်ပါသည်။

လွှတ်တော်အရေးတွေးမိသမျှ (၃)

ဒုတိယအကြိမ် ပြန်လည် ကျင်းပတဲ့ လွှတ်တော် အစည်းအဝေးတွေ ရက်ပေါင်းငါးဆယ် နီးလာသလို အတော်လေးလည်း အသက်ဝင် လာပါတယ်။ ဥပဒေကြမ်း အတော်များများ အတည်ပြုနိုင်ခဲ့သလို ဥပဒေကြမ်း တစ်ချို့နဲ့ ပတ်သက်ပြီး အမျိုးသား လွှတ်တော်နဲ့ ပြည်သူ့လွှတ်တော် ကြားမှ သဘောထား ကွဲလွဲမှုတွေ ရှိလာလို့ အခြေခံဥပဒေမှာ ပြဋ္ဌာန်းထားတဲ့ အတိုင်း ပြည်ထောင်စု လွှတ်တော်မှာ စုံညီထိုင်ပြီး ဆုံးဖြတ်ခဲ့ရတာ ကိုလည်း တွေ့ရပါတယ်။ 

 

နိုဝင်ဘာ ၂ ရက်နေ့ တုန်းကတော့ မြန်မာ့နိုင်ငံရေးကို စောင့်ကြည့်နေသူများ ကြားမှာရော၊ မီဒီယာ များမှာပါ အတော် ဂယက် ရိုက်သွားတဲ့ သတင်းတစ်ပုဒ် ပေါ်ထွက် လာပါတယ်။ အဲဒါကတော့ အောက်တိုဘာ ၂၈ ရက်နေ့ ပြည်ထောင်စု လွှတ်တော် နာယကလည်းဖြစ်၊ အမျိုးသားလွှတ်တော် ဥက္ကဌလည်း ဖြစ်တဲ့ ဦးခင်အောင်မြင့်က နာယက အနေနဲ့ ပြည်ထောင်စု လွှတ်တော်က အတည်ပြုပြီး ဒါမှမဟုတ် အတည်ပြုသည်ဟု မှတ်ယူရမယ့် ဥပဒေကြမ်းတွေကို သမ္မတ ဆီကို လက်မှတ်ထိုးဖို့ မပေးပို့မီ ဖွဲ့စည်းပုံ အခြေခံဥပဒေ ဆိုင်ရာ တရားရုံးကို ပေးပို့ရန်ဆိုပြီး သူကိုယ်တိုင် အဆိုတင်ပြီး အပြန်အလှန် ဆွေးနွေးခွင့် မပေးဘဲ မဲခွဲခဲ့ပါတယ်။ 

 

နောက်ပိုင်းမှာ ပြည်သူ့လွှတ်တော် အမတ်တွေက ဒီလို ဆုံးဖြတ်မှုဟာ အခြေခံဥပဒေနဲ့ မညီဘူး ဆိုပြီး ကန့်ကွက်တဲ့ ဆုံးဖြတ်ချက်ကို ချမှတ်ခဲ့တယ်။ အမျိုးသား လွှတ်တော်ကလည်း ထပ် အစည်းအဝေး ထိုင်ပြီး ပြည်ထောင်စု လွှတ်တော်မှာ အတည်ပြု ခဲ့တဲ့ ထပ်အတည်ပြု ပြီးတဲ့နောက် လွှတ်တော်နှစ်ရပ် သဘောကွဲလွဲမှုကို ပြည်ထောင်စု လွှတ်တော်မှာ ပြန်ဆွေးနွေးဖို့ ဖြစ်လာပါတယ်။ ဖြစ်စဉ် အသေးစိတ် ကတော့ မီဒီယာတွေမှာ ပါပြီး ဖြစ်ပါတယ်။ 

 

ဒီဖြစ်စဉ်အပေါ် သုံးသပ်ချက် နှစ်မျိုး ထွက်လာပါတယ်။ ပထမ သုံးသပ်သူများ ကတော့ ဒါဟာ လွှတ်တော်တွေ တကယ် အသက်ဝင် လာတာကို ပြတာဖြစ်ပြီး မြန်မာနိုင်ငံ အသွင် ကူးပြောင်းရေး အတွက် အလားအလာ ကောင်းပဲလို့ ဆိုတယ်။ ဒုတိယ သုံးသပ်သူများ ကတော့ ဟိုတုံးက စစ်အစိုးရနဲ့ ပတ်သက်လာရင် ပြောလေ့ ရှိသလိုပဲ အကွဲအပြဲ ပုံစံခွက်ထဲ ထည့်ကြည့်ပြီး ဦးရွှေမန်းနဲ့ ဦးခင်အောင်မြင့် အာဏာလုပွဲ၊ တနည်းပြောရရင် အပျော့နဲ့ အမာကြား အားပြိုင်ပွဲ အဖြစ် ပုံဖော်ကြည့်ကြသည်။ 

 

တကယ်တော့ အားပြိုင်ပွဲ ဖြစ်တယ် ဆိုရင်တောင် ဒီအားပြိုင်မှုဟာ လွှတ်တော်ဥက္ကဌ နှစ်ယောက်ကြား အားပြိုင်မှု မဟုတ်ဘဲ လွှတ်တော် နှစ်ရပ်မှာ ပါဝင်တဲ့ အမတ်များရဲ့ သဘောထား ကွဲလွဲမှုသာ ဖြစ်ပါတယ်။ ဒါဟာ လွှတ်တော် နှစ်ရပ်ရဲ့ သဘော သဘာဝ ကွာခြားမှုကြောင့် ဖြစ်တယ်လို့ လည်း ဆိုနိုင်ပါတယ်။ 

 

လွှတ်တော်နှစ်ရပ်ကို လုပ်ပိုင်ခွင့် အာဏာတန်းတူ ပေးထားတဲ့ စနစ်ကို အမေရိကန် အခြေခံဥပဒေမှာ စတင် ကျင့်သုံးခဲ့တာ ဖြစ်ပါတယ်။ ၁၇၇၆ မှာအမေရိကန် နိုင်ငံ လွတ်လပ်ရေးရတော့ Articles of Confederation စာချုပ်အရ ကွန်ဖက် ဒရေးရှင်း ပုံစံနဲ့အုပ်ချုပ်ပြီး လွှတ်တော် တစ်ရပ်ပဲ ထားတယ်။ ပြီးတော့ ကွန်ဖက်ဒရေးရှင်း ပုံစံအတိုင်း ဗဟိုအစိုးရကို အာဏာ နည်းနည်းလေးပဲ ပေးထားတော့ ပြည်တွင်း ရေးရာရော၊ ပြည်ပရေးရာပါ ဘာမှလုပ်လို့ မရဘူး။ ပြည်နယ်ချင်း အငြင်းပွား ရင်လည်း ဗဟိုက ဖြေရှင်းပေးနိုင်တဲ့ အစွမ်း မရှိဘူး၊ ဗဟိုက ဥပဒေ ကိုလည်း ပြည်နယ်တွေက လိုက်နာချင်မှ လိုက်နာတယ်။ ဒါ့ကြောင့် ၁၇၈၇ မှာ အခြေခံဥပဒေ ရေးဆွဲရေး ညီလာခံ ပြန်လုပ်ပြီး အခု တွေ့နေရတဲ့ အခြေခံ ဥပဒေကို ဆွဲပါတယ်။ ဆွဲတဲ့အခါ ပြဿ နာလေးတွေရှိတယ်။ ပထမဆုံးပြဿနာက လူဦးရေကို အခြေခံပြီး ရွေးတဲ့ လွှတ်တော် တစ်ခုပဲရှိရင် လူဦးရေများတဲ့ ပြည်နယ် ကြီးတွေက လူဦးရေ နည်းတဲ့ ပြည်နယ်တွေကို လျစ်လျူရှုပြီး သူတို့ လုပ်ချင်ရာ လုပ်မှာ စိုးရိမ်တဲ့ ပြဿနာပါ။ နောက်ပြဿနာ ကတော့ အင်္ဂလိပ် လက်အောက်က လွတ်လပ်ရေး တိုက်ယူထားတဲ့ အမေရိကန် တွေက အင်္ဂလိပ် ပါလီမန် ပုံစံ အုပ်ချုပ်ရေးကို မကြိုက်ဘူး၊ နောက်ပြီး အင်္ဂလိပ် အထက်လွှတ်တော် House of Lords မှာ ရွေးချယ် မခံဘဲ သူကောင်းမျိုးတွေ အမတ် လုပ်တာမျိုး ကိုလည်း မလိုချင်ဘူး။ 

ဗုဒ္ဓစွယ်တော်မြတ် သမိုင်းအကျဉ်း

လူ့ဘ၀သည် ရခဲလှပါ၏။ လူ့ပြည်နှင့် နတ်ပြည်မှ အပ်နှစ်စင်းတို့ ထိပ်တိုက်တွေ့ရန်ထက် ခက်ခဲလှသည်ဟု ဆိုပါသည်။ ထို့ထက် ဗုဒ္ဓဘုရားရှင် ပွင့်တော်မူသော ကာလနှင့် ကြုံကြိုက်ရန် ပို၍ခဲယဉ်းလှပါသည်။ မြတ်စွာ ဘုရားရှင်နှင့် မကြုံကြိုက် သည့်တိုင် ဘုရားသာသနာ ထွန်းကားချိန်တွင် လူဖြစ်ရလျှင်ပင် လူဖြစ်ကျိုး နပ်လှပါသည်။ ယခုအခါ ထေရ၀ါဒ ဗုဒ္ဓသာသနာ အမွေအနှစ်နှင့် အလေ့အကျင့်တို့ ထိန်းသိမ်းတည်တံ့ ထွန်းကားရာ ပြည်ထောင်စု သမ္မတ မြန်မာနိုင်ငံသို့ ဗုဒ္ဓမြတ်စွယ်တော် သည် စတုတ္ထအချီ ဒေသစာရီ ကြွချီ လာပြီဖြစ်ပါသည် ။

နိုင်ငံတော် သမ္မတကြီး ၂၀၁၁ခုနှစ် မေလက သွားရောက်ခဲ့သော တရုတ်ပြည် ချစ်ကြည်ရေး ခရီးစဉ် အတွင်း မြန်မာပြည်သူများ အတွက် ပုဗ္ဗစေတနာ သဒ္ဓါထက်သန်စွာဖြင့် အစပျိုးစီစဉ်ခဲ့ခြင်း ဖြစ်သည်။ တရုတ်-မြန်မာ နှစ်ပြည်ထောင် ချစ်ကြည်ရေးကို အကြောင်းပြု၍ မိုင်ပေါင်း ရာထောင်ချီပြီး ဝေးကွာလှသည့် အရပ်မှ တန်ဆောင်တိုင် ခါတော်မီ ကြွချီလာမည့် မြတ်စွယ်တော်နှင့် ပတ်သက်၍ ကြိုတင်ကြည်ညို သဒ္ဓါပွားများ နိုင်ကြစေရန် ဤဆောင်းပါးဖြင့် ဓမ္မဒါနပြု တင်ပြအပ်ပါသည်။

 

သဗ္ဗညုတ ဉာဏ်တော်ရှင် ဗုဒ္ဓဘုရားသခင်၏ မြတ်စွယ်တော်ကို ကိုယ်တိုင်ဖူးမြော် ကြည်ညိုရသည့်အခါ သက်တော် ထင်ရှား သုံးလူ့ရှင် ဘုရားရှင် ကိုယ်တော်မြတ်ကြီးအား စိတ်ဝယ်ထင်ထင် ယုံကြည်ကြိမ်ကြိမ် သဒ္ဓါရှိန်ဖြင့် အာရုံပြုနိုင်ရန်လည်း ရည်သန်ပါသည်။ မျိုးဆက်သစ် လူငယ် လူရွယ်များကိုလည်း ပထမ တစ်ကြိမ်ပင် ဖူးမြင်ရခြင်း ဖြစ်လင့်ကစား၊ အသိဉာဏ် ထက်မြက်သော အရွယ်တွင် ဗုဒ္ဓဂုဏ်တော်ကို နှလုံးသွင်း၍ နှလုံးသားဝယ် ဘုရားတည် နိုင်ကြစေရန်နှင့် ဗုဒ္ဓအဆုံးအမ (Buddha Thoughts) များကို နှလုံးသွင်း နိုင်ကြစေရန်လည်း ရည်သန်နှိုးဆော် အပ်ပါသည်။

 

ဗုဒ္ဓစွယ်တော်မြတ် သမိုင်းအကျဉ်း

လူ နတ် ဗြဟ္မာ သတ္တဝါ အပေါင်းတို့၏ ပူဇော်အထူးကို ခံယူတော် မူထိုက်သော ဗုဒ္ဓမြတ်စွာ ဘုရားသခင်သည် ၄၅ ၀ါပတ်လုံး လောက(၃)ပါးအား တရားဖြင့် စောင့်ရှောက်ပြီး နေစဉ် သက်တော် ၈၀ အရောက် ကဆုန် လပြည့်နေ့တွင် ကုသိနာရုံပြည် မလ္လာမင်းတို့၏ အင်ကြင်းဥယျာဉ်၌ ပရိနိဗ္ဗာန် စံဝင်တော် မူခဲ့ပါသည်။ မြတ်စွာ ဘုရားပရိနိဗ္ဗာန် စံဝင်၍ တေဇောဓာတ်လောင် ကျွမ်းပြီးနောက် မကွဲမပြား တစ်သားတည်း တည်သော အသမ္ဘိဓာတ်တော်များ ဖြစ်သည့် စွယ်တော်လေးဆူ၊ ညှပ်ရိုးတော် နှစ်ဆူ၊ နဖူးသင်းကျစ်တော်တစ်ဆူ စုစုပေါင်း ခုနစ်ဆူနှင့် ဓာတ်တော်မွေတော်များ ကျန်ရစ်တော် မူခဲ့ပါသည်။

 

ကြွင်းကျန်ခဲ့သော စွယ်တော် အရွယ်ပမာဏမှာ ၁၉၅၉ ခုနှစ်တွင် ဆရာတော် ဦးအာလောက ရေးသားသော တစ်ဆယ့် ခြောက်ဌာန ဘုရားရှိခိုးတွင် အောက်ပါအတိုင်း ဖော်ပြထားပါသည်-

- စွယ်တော်လုံးပတ်၊ မြဲ မှတ်ကြစေ၊ အချင်းထိပ်ဦး၊ ခြောက်မူးခန့်ပေ၊ နှစ်ကျပ်မူးယွန်း၊ အ၀န်းမှန်ပေ၊ အလျားမှတ်၊ နှစ်ကျပ်မတ်တင်းနေ။

- အမြစ်လုံးပတ်၊ ငါးမတ် ခန့်သာ၊ အောက်ထိပ် အမှူး၊ သုံးမူးပမာ၊ ရောင်ခြည်လောဟိ၊ နီဘိဖြူဝါ၊ နီဖန်များ၊ နည်းငြားဖြူအဝါ။

တေဇောဓာတ် လောင်ကျွမ်းသဖြင့် ရရှိလာသော ဓာတ်တော် မွေတော်များအား ရယူလိုသဖြင့် တိုင်းပြည်(၈)ပြည်ထောင်မှ ဘုရင်များ စစ်တပ်ချီ၍ စုဝေး ရောက်ရှိခဲ့ကြသည်။ မြတ်စွာဘုရားသခင်၏ ဓာတ်တော်များအား ငြိမ်းချမ်းစွာဖြင့် အညီအမျှ သုံးပုံစုပုံပြီး လူ့ပြည်၊ နဂါးပြည်၊ နတ်ပြည်တို့ ခွဲဝေယူခဲ့ကြသည်။ လူ့ပြည်အတွက် ဝေစုကို ရှင်ဘုရင် ရှစ်ပါးတို့ အညီအမျှ ထပ်မံခွဲဝေ ယူကြရာတွင် စွယ်တော် နှစ်ဆူလည်း ပါဝင်သည်။ ကျန်စွယ်တော် နှစ်ဆူမှာ နတ်ပြည်နှင့် နဂါးပြည်တို့သို့ ပင့်ဆောင်သွားခဲ့ကြကြောင်း မှတ်သားရ ပါသည်။ လူ့ပြည်ရှိ စွယ်တော် နှစ်ဆူအနက် တစ်ဆူမှာ သီရိလင်္ကာ နိုင်ငံသို့ ပင့်ဆောင်သွားခဲ့ပြီး ကျန်တစ်ဆူမှာ တရုတ်နိုင်ငံ လင်ကွမ်းကျောင်းတော်၌ မူရင်းအတိုင်း စံပယ်လျက် ရှိပါသည်။ သီရိလင်္ကာရှိ စွယ်တော်မှာ လက်ဝဲအောက်စွယ်တော် ဖြစ်ပြီး တရုတ်နိုင်ငံရှိ စွယ်တော်မှာ လက်ဝဲအထက် စွယ်တော် ဖြစ်ပါသည်။

စိတ်ပျက်မိတယ် စတုတ္ထမဏ္ဍိုင်ရယ်

ဒီနေ့မနက်ပိုင်းမှာ မြန်မာ-တရုတ် နှစ်နိုင်ငံ ညှိနှိုင်းဆောင်ရွက်ချက်ချက်အရ မြန်မာလူမျိုးတို့ ကိုးကွယ်ရာ ဗုဒ္ဓမြတ်စွာ ရဲ့ စွယ်တော်မြတ်ဟာ နေပြည်တော်ကို ဒေသစာရီကြွချီတော်မူလာပါတယ် ... ၊ ဗုဒ္ဓဘာသာဝင် မြန်မာလူမျိုးတွေအတွက် ၀မ်းမြောက်ဝမ်းသာစရာ သတင်းကြီးပါဘဲ... ၊ ဘုန်းတော်အန္တ ၊ ကံတော်အန္တ ၊ ဥာဏ်တော် အန္တ နဲ့ ပြည့်စုံတော်မူတဲ့ မြတ်စွာဘုရားရဲ့ မြတ်စွယ်တော်ကြီး ကြွချီတော်မူလာတာ မဟုတ်ပါလား ။

ဒီအချိန်မှာ ဇာဂနာလွတ်တုန်းက ထောင်ဝကနေ စက္ကန့်နဲ့အမျှ သတင်းတွေတင်နေကြ အင်းစိန်ထောင်ဝကနေ ဟိုနိုင်ငံရေးအကျဉ်းသားနဲ့တွေ့ဆုံခန်း ဒီနိုင်ငံရေးသမားနဲ့ ဗျူးခန်းတွေ ပလူပျံခဲ့ကြတဲ့  ပြည်တွင်းဖြစ်  ခပ်ညံ့ညံ့ မီဒီယာတွေကတော့ စွယ်တော်ကြွလာတာ သူတို့အရေးဟုတ်ဟန်မတူပါဘူး စွယ်တော်ကြွလာလို့ တစ်နေကုန်တဲ့အထိ ဘယ်မီဒီယာမှ ဘာသတင်းမှ သတင်းတက်မလာပါဘူး ။

ဒီလိုပြောရင် စွယ်တော်ပင့်ဆောင်ရေးကော်မတီက သူတို့မီဒီယာသမားတွေကိ တလေးတစားမဖိတ်လို့ ဆိုတဲ့ဆင်ခြေမျိုးပေးတတ်ကြတယ် ၊ ဖိတ်မှသွားမယ်ဆိုရင် သတင်းသမားမလုပ်နဲ့တော့ အကျဉ်းသားတွေ လွှတ်တုန်းက ခင်ဗျားတို့ကို အင်းစိန်ထောင်ရှေ့ ဘယ်သူဖိတ်လို့သွားတာလဲ လေယာဉ်ကွင်းတွေကို ဘယ်သူဖိတ်လို့ သွားကြတာလဲလို့ ပြန်မေးမိလိမ့်မယ် ။

 မြန်မာအစိုးရဟာ တရုတ်အစိုးရနဲ့ပူးပေါင်းဆောင်ရွက်ရင် မြစ်ဆုံကိစ္စမှမဟုတ်ဘူး စွယ်တော်ပင့်တာလည်း ခင်ဗျားတို့ သဘောမတွေ့ကြဘူးမဟုတ်လား.... ၊ စိတ်ဓါတ်တွေသိပ်ပေါ်တယ်ဗျာ ။ 

အကယ်၍သာ အခုဒေသစာရီ ကြွချီတော်မူလာတဲ့  စွယ်တော်မြတ်ဟာ ဒေါ်အောင်ဆန်းစုကြည်က ကမကထပြုပြီး အမေရိကန်နိုင်ငံကသာ ကြွလာမယ်ဆိုရင် ဒီလူတွေဒီလို အေးတိအေးစက်နေမယ် မထင်ပါဘူး ။ ဘုရားကြွလာတာတောင် တရုတ်နဲ့ အစိုးရပေါင်းလုပ်တာမို့ မထောက်ခံဘူး ဘုရားကိစ္စဖြစ်နေလို့သာ ထပြီးမကန့်ကွက်တာ ဆိုတဲ့ အတွင်းစိတ်ခံတွေက ဒီနေရာမှာ အထင်းသားလာပေါ်နေတယ်  ။


ဒါဆိုရင် မြစ်ဆုံကိစ္စဟာ သဘာဝပတ်ဝန်းကျင် တို့ ဘာတို့ဆိုတာ အကြောင်းပြတာသက်သက်ဖြစ်နေမလား မြန်မာအစိုးရနဲ့ တရုတ်အစိုးရပေါင်းလုပ်တာမို့ မီဒီယာတွေက တစာစာကန့်ကွက်နေကြတာလား ဆိုတာ သံသယ ဖြစ်စရာဖြစ်လာတယ် ။ပြည်သူတစ်ယောက်အနေနဲ့ မေးခွန်းထုတ်စရာဖြစ်လာတယ် ။ မကောင်းတာလုပ်ရင်မကောင်းဘူး လို့ ပြောရဲပြီး ကောင်းတာလုပ်ရင်တော့ ကောင်းတယ်လို့ ပြောဘို့ ၀န်လေးနေရင် မီဒီယာသမားလုပ်မနေနဲ့တော့လို့ ပြောရတော့မှာပါပဲ ။

ဗိုလ်နှုတ်ခမ်းမွှေး ငြိမ်းချမ်းရေးလက်မှတ်ရေးထိုးပြီ

 

 

ကရင်ပြည်နယ် ငြိမ်းချမ်းရေး ဖော်ဆောင်ရေး အဖွဲ့နှင့် ကလို့ထူးဘောတပ်ဖွဲ့ (ယခင် DKBA )တို့သည် ၂ဝ၁၁ခုနှစ် နိုဝင်ဘာ ၃ ရက်တွင် ဘားအံမြို့၌ နှစ်ဦးနှစ်ဖက် တွေ့ဆုံဆွေးနွေး ညှိနှိုင်းမှုများ ပြုလုပ်ကြပြီး ငြိမ်းချမ်းရေး တည်ဆောက်ရန် အတွက် ပဏာမ ငြိမ်းချမ်းရေး သဘော တူညီချက် (၅)ချက်ကို လက်မှတ် ရေးထိုးကြသည်။ 

 

ကရင်ပြည်နယ် အစိုးရအဖွဲ့ လုံခြုံရေးနှင့် နယ်စပ်ရေးရာ ဝန်ကြီးဌာန ဝန်ကြီး ဗိုလ်မှူးကြီး အောင်လွင် ခေါင်းဆောင်သော ကရင်ပြည်နယ် ငြိမ်းချမ်းရေး ဖော်ဆောင်ရေးအဖွဲ့မှ အဖွဲ့ဝင် လေးဦးနှင့် ကလို့ထူးဘောတပ်ဖွဲ့၏ ဒုတိယခေါင်းဆောင် ဦးစောမူရှေး ခေါင်းဆောင်သော ငြိမ်းချမ်းရေး ဖော်ဆောင်ရေးအဖွဲ့မှ အဖွဲ့ဝင် လေးဦးတို့ နှစ်ဖက် တွေ့ဆုံဆွေးနွေး ညှိနှိုင်း ကြပြီး

 

(၁) ကရင်ပြည်နယ်အတွင်း မြန်မာ့တပ်မတော်နှင့် ကလို့ထူးဘော တပ်ဖွဲ့တို့သည် (၆-၁၁-၂ဝ၁၁)ရက်နေ့မှစ၍ အပြန် အလှန် ပစ်ခတ် တိုက်ခိုက်မှုများကို ရပ်ဆိုင်းထားရန် သဘောတူသည်။ 

 

(၂) ပစ်ခတ်တိုက်ခိုက်မှုများ ရပ်ဆိုင်းထားစဉ်ကာလအတွင်း ကလို့ထူးဘောတပ်ဖွဲ့သည် ဆုံဆည်းမြိုင်နေရာ ပတ်ဝန်းကျင်တွင် ယာယီအခြေပြု နေထိုင်ရန် သဘောတူသည်။ 

 

(၃) နှစ်ဦးနှစ်ဖက် အပြန်အလှန် ပြောဆိုဆက်ဆံ ဆွေးနွေးမှုများ ပြုလုပ်နိုင်ရန်အတွက် ကလို့ထူးဘော တပ်ဖွဲ့အား မြဝတီမြို့တွင် ယာယီ ဆက်ဆံရေးစခန်း ဖွင့်လှစ်ရန် သဘောတူသည်။ 

 

(၄) ပစ်ခတ် တိုက်ခိုက်မှုများ ရပ်ဆိုင်းထားစဉ် ကာလအတွင်း နှစ်ဦးနှစ်ဖက် သဘောတူညီထားသော နယ်မြေများမှအပ နယ်မြေကျော်လွန်၍ လက်နက်ကိုင်ဆောင် သွားလာမှုများကို နှစ်ဦးနှစ်ဖက် ကြိုတင်ညှိနှိုင်းပြီးမှ ဆောင်ရွက်ရမည်။ 

နိုင်ငံရေးပါတီများ မှတ်ပုံတင်ခြင်း ဥပဒေကို ပြင်ဆင်သည့် ဥပဒေပြဋ္ဌာန်း

နိုင်ငံရေးပါတီများ မှတ်ပုံတင်ခြင်း ဥပဒေကို ပြင်ဆင်သည့် ဥပဒေ

(၂၀၁၁ ခုနှစ်၊ ပြည်ထောင်စုလွှတ်တော်ဥပဒေအမှတ် ၁၁။)

၁၃၇၃ ခုနှစ်၊ တန်ဆောင်မုန်းလဆန်း ၉ ရက်

(၂၀၁၁ ခုနှစ်၊ နိုဝင်ဘာလ ၄ ရက်)

 

	ပြည်ထောင်စုလွှတ်တော်သည် အောက်ပါဥပဒေကို ပြဋ္ဌာန်းလိုက်သည်။
၁။	ဤဥပဒေကို နိုင်ငံရေးပါတီများ မှတ်ပုံတင်ခြင်းဥပဒေကို ပြင်ဆင်သည့် ဥပဒေဟု ခေါ်တွင် စေရမည်။
၂။	နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၆၊ ပုဒ်မခွဲ(ဂ)ကို အောက်ပါအတိုင်း အစားထိုးရမည် -
	“(ဂ) ပြည်ထောင်စုသမ္မတ မြန်မာနိုင်ငံတော် ဖွဲ့ စည်းပုံအခြေခံဥပဒေကို လေးစား လိုက်နာရေး၊”
၃။	နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၁၀၊ ပုဒ်မခွဲ(င)ကို ပယ်ဖျက်ပြီး ပုဒ်မခွဲ (စ)ကို ပုဒ်မခွဲ (င)၊ ပုဒ်မခွဲ (ဆ) ကို ပုဒ်မခွဲ(စ)၊ ပုဒ်မခွဲ(ဇ) ကို ပုဒ်မခွဲ(ဆ)၊ ပုဒ်မခွဲ(ဈ)ကို ပုဒ်မခွဲ(ဇ) အဖြစ် ပြောင်းလဲသတ်မှတ်ရမည်။
၎။	နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၁၂(က)(၁)တွင် အောက်ပါ ရှင်းလင်းချက်ကို ဖြည့်စွက်ရမည်-
	“ရှင်းလင်းချက်။	လွှတ်တော်သက်တမ်း တစ်ရပ်စီအတွက် အထွေထွေ ရွေးကောက်ပွဲ ကျင်းပပြီးသည့် နောက်ပိုင်းတွင် မှတ်ပုံတင်ခွင့်ရရှိသော ပါတီသည် ယင်း လွှတ်တော်သက်တမ်းအတွင်း ကျင်းပ ပြုလုပ်သော ကြားဖြတ် ရွေးကောက် ပွဲများ၌ ၀င်ရောက်ယှဉ်ပြိုင်မှု မပြုနိုင်လျှင် ဖြစ်စေ၊ မဲဆန္ဒနယ် သုံးနယ်ထက် မနည်း ကျင်းပပြုလုပ်သော ကြားဖြတ် ရွေးကောက်ပွဲ များ၌ အနည်းဆုံး မဲဆန္ဒနယ် သုံးနယ်တွင် ၀င်ရောက်ယှဉ်ပြိုင်မှု မပြုနိုင်လျှင် ဖြစ်စေ ယင်းသို့ ၀င်ရောက် ယှဉ်ပြိုင်မှု မပြုခြင်းသည် ဤပြဋ္ဌာန်းချက်နှင့် အကျုံးဝင်စေ ရမည်။
	ပြည်ထောင်စုသမ္မတ မြန်မာနိုင်ငံတော် ဖွဲ့ စည်းပုံ အခြေခံဥပဒေအရ ကျွန်ုပ် လက်မှတ် ရေးထိုးသည်။
		သိန်းစိန်
		နိုင်ငံတော်သမ္မတ
		ပြည်ထောင်စုသမ္မတ မြန်မာနိုင်ငံတော်

ပြည်ထောင်စုလွှတ်တော်နာယက ဦးခင်အောင်မြင့်နှင့် တွေ့ဆုံခြင်း

 

အမျိုးသားလွှတ်တော်ဥက္ကဋ္ဌဖြစ်ပြီး ပြည်ထောင်စုလွှတ်တော်နာယကကြီးအဖြစ် တာဝန်ယူဆောင်ရွက် လျက်ရှိသည့် ဦးခင်အောင်မြင့်ကို ရန်ကုန်မီဒီယာဂရု(ပ်)လီမိတက်ဥက္ကဋ္ဌ ဦးကိုကို(ကိုကို-စက်မှုတက္ကသိုလ်)က အမျိုးသားလွှတ်တော် ဥက္ကဋ္ဌရုံးခန်းတွင် အောက်တိုဘာ ၃၁ရက်နေ့ မွန်းလွဲ ၃း၀၀နာရီခန့်က သွားရောက်တွေ့ဆုံကာ လက်ရှိဖြစ်ပေါ်နေသော နိုင်ငံရေြး ဖစ်ပေါ်တိုးတက်မှု များနှင့်ပတ်သက်၍ တွေ့ဆုံမေးမြန်းခဲ့ပါသည်။ ယင်းတွေ့ဆုံမေးမြန်းမှုအပြည့်အစုံကို ဖော်ပြအပ်ပါသည်။

ရန်ကုန်တိုင်းမ်    -    ယခုတစ်ကြိမ်ကျင်းပနေတဲ့ လွှတ်တော် အစည်းအဝေးတွေက အရင်အစည်းအဝေးထက် ပိုကြာနေ ပါတယ်။ အဲဒါဘာကြောင့်လဲဆိုတာ ရှင်းပြပေးစေလိုပါတယ်။

 

ဖြေ    -    ပထမအကြိမ်တုန်းကတော့ လွှတ်တော် တွေမှာ ဥက္ကဋ္ဌတွေရွေးပြီးနောက် လွှတ်တော်တွေကနေ နိုင်ငံ တော်သမ္မတ၊ ဒုတိယသမ္မတတွေ ရွေးပေးတယ်။ အကျဉ်းချုပ်ပြောရရင် အုပ်ချုပ်ရေးအဖွဲ့အစည်းတွေ အတည်ပြုပေး လိုက်တယ်။ အဲဒီနောက် တရားစီရင်ရေးအဖွဲ့အစည်းတွေ အတည်ပြုပေးလိုက်တယ်။ ဒီလိုအားဖြင့် ဒီမိုကရေစီလမ်း ကြောင်းပေါ်ကို ရောက်လာတယ်။ Seven-Step Roadmap ရဲ့ နောက်ဆုံးအဆင့်ကို ဖြတ်သန်းတာပေါ့။ အဲဒီအချိန်မှာ ဥပဒေကြမ်းတွေတင်ဖို့က အဆင်သင့်မဖြစ်သေးပါဘူး။ ဒီ  ကြားထဲ နားနေတဲ့ကာလမှာ ကျွန်တော်တို့က Capacity building တွေလုပ်ပါတယ်။ နိုင်ငံတော်မှာ တည်ဆဲဖြစ်တဲ့ ဥပဒေတွေထဲက ပယ်ဖျက်သင့်တာတို့၊ ပြင်ဆင်သင့်တာ တို့၊ ရုပ်သိမ်းသင့်တာတို့၊ အသစ်ပြဌာန်းသင့်တာတို့ကို လေ့ လာပါတယ်။ လေ့လာရင်းနဲ့ ဒုတိယပုံမှန်အစည်းအဝေးကို ခေါ်ပါတယ်။ အဲဒီအခါ ဥပဒေကိစ္စတွေ ပါလာပါပြီ။ တစ် ဖက်က ဥပဒေကြမ်းကိစ္စတွေ ဆွေးနွေးနေရင်းနဲ့ တစ်ဖက် ကလဲ လွှတ်တော်ကိုယ်စားလှယ်တွေက သူတို့ရဲ့ဒေသက ပြည်သူတွေရဲ့ အသံတွေဖြစ်တဲ့ မေးခွန်းတွေ၊ အကြံဥာဏ် တွေ၊ အဆိုတွေ ဒါတွေကိုလုပ်ပါတယ်။ ပထမဦးဆုံးတော့ အခွန်တို့၊ တံဆိပ်ခေါင်းတို့နဲ့ပတ်သက်တဲ့ ဥပဒေငါးရပ်ကို ပြည်ထောင်စုလွှတ်တော်က အတည်ပြုဖြစ်သွားပါတယ်။ ဒီ  နောက်မှာ ဥပဒေတော်တော်များများပြီးပါတယ်။ ဘာဖြစ် လို့ အခုကြာနေသလဲဆိုရင် ဒီဥပဒေတွေကို အကျေအလည် ဆွေးနွေးကြတယ်။ ပြီးရင် လွှတ်တော်မှာ ဥပဒေကြမ်းကော်မ တီက သူတို့တွေ့ရှိချက်ကို တင်ပြတယ်။ ဒါတွေကို ထပ်ပြီးဆွေး နွေးတယ်။ လုံးဝ အားလုံးသဘောတူဖြစ်တဲ့အထိ ဆွေးနွေး ကြပါတယ်။ ကျွန်တော်တို့အမျိုးသားလွှတ်တော်မှာဆိုရင် မဲခွဲရတဲ့အဆင့်ကို လုံးဝမရောက်ဘဲ သဘောတူညီမှုတွေ ရရှိခဲ့ကြပါတယ်။ ဒီအထဲမှာဆိုရင် နိုင်ငံရေးပါတီများ မှတ်ပုံ တင်ခြင်းဥပဒေကို ပြင်ဆင်တာတို့၊ ရွေးကောက်ပွဲဥပဒေကို ပြင် ဆင်တာတို့နဲ့ အခြားကိစ္စတွေပါပါတယ်။ မပြတ်သေးဘဲနဲ့ ဆောင်ရွက်ဆဲတွေလဲရှိတယ်။ လာမယ့်နိုဝင်ဘာ ၁၀ရက် အတွင်းမှာတော့ ပြတ်ကောင်းပြတ်မယ်။ ဥပဒေပြုတဲ့ကိစ္စ တွေက ဘယ်နေ့ပြတ်ပါမယ်လို့ ပြောလို့မရဘူး။ အခြားနိုင် ငံတွေမှာကြည့်ရင်လဲ တစ်နှစ်ကို ၉လလောက် လွှတ်တော် ထိုင်ကြတာတွေ့ရတယ်။

ရန်ကုန်တိုင်းမ်    -    အချို့ကလဲ ပြောကြတယ်။ တိုင်းဒေသကြီး နဲ့ ပြည်နယ်အဆင့်မှာ မေးသင့်တဲ့မေးခွန်းကို အခုလွှတ်တော် တွေမှာ မေးနေလို့ ပိုကြာနေတယ်လို့လဲ ပြောကြပါတယ်။ အဲဒီအပေါ် ဘယ်လိုမြင်ပါသလဲ။

ဖြေ    -    တိုင်းဒေသကြီးနဲ့ ပြည်နယ်လွှတ်တော်ကိုယ် စားလှယ်တွေက မြို့တိုင်းမှာရှိတယ်။ ပြည်သူ့လွှတ်တော်ကိုယ် စားလှယ်တွေလဲ မြို့တိုင်းမှာရှိတယ်။ အမျိုးသားလွှတ်တော် ကိုယ်စားလှယ်တွေကျတော့ မြို့တိုင်းမှာမရှိဘူး။ လွှတ်တော် ကိုယ်စားလှယ်တွေဟာ သူတို့ရဲ့မဲဆန္ဒနယ်က ပြည်သူတွေ ရဲ့အသံကို နားထောင်ပြီး တင်ပြဖို့တာဝန်ရှိပါတယ်။ ဘယ် ဟာကို ဘယ်လွှတ်တော်မှာတင်ပြသင့်တယ်ဆိုတာမျိုး သတ် မှတ်ထားတာမရှိပါဘူး။ တင်ပြခွင့်ရှိပါတယ်။ ဒီမိုကရေစီ သက်တမ်းလဲ သိပ်နုတယ်။ လွှတ်တော်သက်တမ်းလဲ သိပ်နု တယ်။ တဖြည်းဖြည်းနဲ့တော့ အချိန်ကြာမြင့်လာတာနဲ့အမျှ တစ်ကြိမ်နဲ့တစ်ကြိမ် ပိုပီပြင်လာပါလိမ့်မယ်။

ပွင့်နေသောတံခါးများ

 

 

ဒီကနေ့ နိုင်ငံရေး အခြေအနေကို လက်မခံနိုင်သေးသူ တွေကတော့ အာရပ်နွေဦးကို မြန်မာပြည်ကို တင်ပို့နိုင်ဖို့ ကြိုးစားနေကြတုန်းပဲ။ ဒါပေမယ့် အီဂျစ်လို၊ လစ်ဗျားလို ဖြစ်လာဖို့ ဆိုတာကတော့ အလှမ်းဝေးတယ်လို့ ဆိုရမှာပါ။ ဘာ့ကြောင့် မဖြစ်ရမှာလဲလို့ မေးလာရင်တော့

ပထမဆုံး အချက်က ဗိုလ်ချုပ်မှူးကြီး သန်းရွှေနဲ့ နိုင်ငံရေးအရ ဆုံးဖြတ်မှု မှန်ကန်ခဲ့တဲ့ အတွက် ဖြစ်ပါတယ်။ ဒီလိုပြောတာကို ကြိုက်ချင်မှ ကြိုက်ပါမယ်။ ဒါပေမယ့် ဗိုလ်ချုပ်မှူးကြီး အနေနဲ့ အခြေခံ ဥပဒေအရ ပေါ်ပေါက်လာတဲ့ လွှတ်တော်နဲ့ အုပ်ချုပ်ရေး အဖွဲ့မှာသာ တစ်ချို့ ခန့်မှန်း ထားသလို ဆက်ပြီး အကြီးအကဲ တာဝန်ယူခဲ့မယ်၊ ဒါမှမဟုတ် အသစ်ပေါ်လာတဲ့ အစိုးရကို နောက်ကွယ်ကနေ ဆက်ပြီး ကြိုးကိုင်ကာ အရင် မူဝါဒတွေ အတိုင်းပဲ ဆက်ပြီး သွားနေမယ် ဆိုရင်တော့ လူထုအနေနဲ့ အပြောင်းအလဲတွေကို နအဖ ဆွဲတဲ့ အခြေခံဥပဒေ ဘောင်ထဲကနေ လုပ်လို့ မရနိုင် တော့ဘူးလို့ ယူဆသွားမှာ ဖြစ်ပါတယ်။ အဲဒီလို ထွက်ပေါက်ပိတ်တဲ့ စိတ်ခံစားမှုမျိုး ဖြစ်လာရင်တော့ လူထု အုံကြွမှုကြီး ဖြစ်လာ နိုင်တာပေါ့။

ဒါပေမယ့် အတိုက်အခံတွေ တွက်ဆနေတာနဲ့ ပြောင်းပြန်ဖြစ်အောင် ဗိုလ်ချုပ်မှူးကြီးက လုပ်ပြ သွားခဲ့ပါတယ်။ လီကွမ်းယူက နိုင်ငံရေး ခေါင်းဆောင် တစ်ဦးအတွက် အရေးအကြီးဆုံး အချက်က ဘယ်အချိန်မှာ ဇာတ်ခုံပေါ်က ဆင်းပေးရမယ် ဆိုတာကို သိဖို့ပဲလို့ ပြောပါတယ်။ အဲဒါက ဗြိတိန်နိုင်ငံမှာ မာဂရက်သက်ချာ သုံးကြိမ်မြောက် သက်တမ်းအတွက် ဝန်ကြီးချုပ် လုပ်ခဲ့ပြီးနောက် လူကြိုက်နည်းကာ သက်တမ်း အပြည့် မနေရပဲ ရာထူးက နှုတ်ထွက်ပေးရတဲ့ အဖြစ်နဲ့ ပတ်သက်ပြီး ပြောခဲ့တာ ဖြစ်ပေမယ့် သမိုင်း သင်ခန်းစာ တွေကို လေ့လာရင် နိုင်ငံခေါင်းဆောင် အားလုံးအတွက် မှန်တယ်လို့ ပြောရမှာပါ။

အခုလည်း ဗိုလ်ချုပ်မှူးကြီး အနေနဲ့ သူ့လုံခြုံရေးကို အာမခံနိုင်ဖို့နဲ့ တပ်မတော်ရဲ့ အခန်းကဏ္ဍကို တစ်စုံတစ်ရာ အရေးပါတဲ့ အခန်းကရှိအောင် ထိန်းထားနိုင်ဖို့ ဆိုတာ အာဏာကို လုံးဝ ချုပ်ကိုင်ထားတဲ့ နည်းလမ်းနဲ့ လုပ်လို့မရဘူး ဆိုတာကို မြင်ခဲ့ပြီး တဆင့်ပြီးတဆင့် ပြောင်းနိုင်ဖို့ အတွက် လုပ်သွားခဲ့တာ ဖြစ်ပါတယ်။ တနည်းအားဖြင့် Timing မှန်မှန် ရွေးသွားခဲ့တာ ဖြစ်ပါတယ်။ နောက်ပြီး သူ့ကို မကြိုက်ရင်တောင် အသိအမှတ် ပြုသင့်တဲ့ အချက်က မြန်မာနိုင်ငံမှာ လွတ်လပ်ရေး ရပြီးထဲက ပထမဆုံး အကြိမ် အဖြစ်နဲ့ ခေါင်းဆောင် တစ်ဦးက တစ်ဦး၊ စနစ်တစ်ခုက တစ်ခုကို အခြေခံ ဥပဒေအရ အေးအေးချမ်းချမ်းနဲ့ အာဏာလွှဲပြောင်း ပေးသွားခဲ့တယ် ဆိုတဲ့ အချက်ပဲ ဖြစ်ပါတယ်။ တကယ်လို့ ဒေါ်အောင်ဆန်းစုကြည် တို့သာ ပါတီ မှတ်ပုံတင်ပြီး နိုင်ငံရေး ဖြစ်စဉ်ထဲမှာ ပြန်ပါလာပြီ ဆိုရင်တော့ သမ္မတ ဦးသိန်းစိန်ကိုသာ မကပဲ သမ္မတ ဦးသိန်းစိန်နဲ့ လက်ရှိခေါင်းဆောင်တွေကို လွတ်လွတ်လပ်လပ် လုပ်နိုင်အောင် လွှဲပေးခဲ့တဲ့ ဦးသန်းရွှေရဲ့ အခန်းကဏ္ဍ ကိုလည်း အသိအမှတ် ပြုရမှာ ဖြစ်ပါတယ်။

BBC (Anna Jones) ၏ နောက်ကွယ်မှ ......

အခုဖော်ပြမယ့်အကြောင်းအရာတွေကို ရိုဟင်ဂျာဆန့်ကျင်ရေးကို လက်ခံသူကော လက်မခံသူအားလုံးကော သေသေချာချာ လေ့လာဝေဖန်သုံးသပ်စေလိုပါတယ်..။ ရိုဟင်ဂျာအမည်ခံ တစ်ဖက်နိုင်ငံက ဘင်္ဂလီနွယ်တွေနဲ့ နည်းအမျိုးမျိုးနဲ့ ခေါင်းစဉ်မျိုးစုံတတ်ပြီး ပိုက်ဆံယူနေတဲ့ ဒီမိုလုပ်စားအဖွဲ့အစည်းတွေရဲ့  2010 ရွေးကောက်ပွဲ မတိုင်ခင် ပိပိရိရိ ကြိုတင်ကြံစည်ထားတဲ့ မှတ်တမ်းတွေ ဖြစ်ပါတယ်..။ အဲဒီကိစ္စတွေမှာ မီဒီယာတွေလည်း ပါဝင်ပတ်သတ်နေကြပါတယ်..။ အဲဒါတွေကို စုဆောင်းတင်ပြထားပါတယ်..။

ပထမဆုံ  လေ့လာတွေ့ရှိချက်ကို ပြောချင်ပါတယ်..။ bbc သတင်းထောက် Anna Jones ရဲ့ မြေပုံပါတဲ့ ဆောင်းပါးကို သေသေချာချာဖတ်ကြည့်တော့ .. Mark Farmaner of UK-based charity Burma Campaign, describes failure to grant ethnic groups greater autonomy as "the root cause of the instability in Burma".  လို့ သွားတွေ့ပါတယ်…။ အဲဒီတော့ Burma Capmaign UK အဖွဲ့က ပါဝင်ပတ်သက်နေတာ သေချာနေပါပြီ..။

 

မူရင်းစာသားပါတဲ့ လင့်ကို အောက်မှာ ကြည့်ပါ..။


http://www.bbc.co.uk/news/world-asia-pacific-11595983
အဲဒီတော့ online မှာ ဟိုရှာဒီရှာလုပ်ကြည့်တော့ ဒီပုံကို သွားတွေ့ပါတယ်..။

နောက်တွပ်ရပ်နေသူမှာ Mark Farmaner (Director of Burma Campaign UK) ဖြစ်ပြီး ရှေ့တွင် အမျိုးသမီးများနှင့် တွဲရပ်နေသူမှာ Burmese Rohingya Organisation UK  ရဲ့ ခေါင်းဆောင်ဖြစ်သူ ထွန်းခင် ဖြစ်ပါတယ်..။

အဲဒီပုံကို ကြည့်ခြင်းအားဖြင့် Anna Jones ရဲ့ နောက်ကွယ်က လက်သည်ဟာ ဘယ်သူဆိုတာ .အလွယ်တကူ မှန်းလို့ရပါတယ်..။

Burma Campaign website မှာ လေ့လာရင်းနဲ့ ရွေးကောက်ပွဲနဲ့ဆိုင်တဲ့ သတင်းတစ်ခုကို သွားတွေ့ပါတယ်.. ။ သတင်းက ဘူးသီးတောင် မောင်တောမှာ 2010 ရွေးကောက်ပွဲဝင်နေတဲ့ အမျိုးသားဖွံဖြိုးတိုးတက်ရေးဒီမိုကရက်တစ်ပါတီ (NDPD) ရဲ့ ပံ့ပိုးသူတွေကို မဲဆွယ်ကာလမှာ မြန်မာ နယ်စပ်ဒေသလုံခြုံရေး နစက မှ ဖမ်းဆီးပြီး ရိုက်နှက်တဲ့ သတင်းပါ…။ နစက ဖမ်းတာ မထူးခြားပါဘူး.။ ထူးခြားတာက အဲဒီသတင်းမှာ NDPD ပါတီကို Burma Campaign website မှာ Rohingya Party လို့ သုံးနှုန်းထားပါတယ်..။

မူရင်း စာသားပါတဲ့ လင့်ကို အောက်မှာ လေ့လာကြည့်ပါ..။

http://www.burmacampaign.org.uk/index.php/news-and-reports/news-stories/rohingya-party-supporters-arrested-and-beaten/8

အဲဒီတော့ အဲဒီပါတီဟာ ရိုဟင်ဂျာတွေ  မျက်နှာဖုံးစွပ်ပြီး ၀င်ပြိုင်တဲ့ပါတီဖြစ်တယ်လို့ နားလည်လိုက်ပါတယ်..။ 

 

ထူးခြားမှု နောက်တစ်ခုက အဲဒီ ပါတီနဲ့ပတ်သက်သူတွေ အဖမ်းခံရတဲ့  သတင်းကို DVB RFA နဲ့ နိုင်ငံတကာအခြေစိုက် မြန်မာဘာသာလွှင့်တဲ့ မီဒီယာတော်တော်များများက မြိုင်ဆိုင်စွာ ထုတ်လွှင့်သွားတာကို နားထောင်ခဲ့ဖူးလို့ပါပဲ..။ ဒါပေမယ့် လွှင့်သွားတဲ့အချိန်မှာ အဲဒီပါတီဟာ ရိုဟင်ဂျာပါတီဖြစ်ကြောင်း မပါဝင်ပါဘူး..။ အဲဒီပါတီဟာ ဒီမိုကကရေစီ အရေခြုံဝင်လာတဲ့ ရိုဟင်ဂျာပါတီမှန်း မသိပဲ ကျွန်တော်တို့ Blogger တော်တော်များများကလည်း အဲဒီသတင်းကို share လိုက်ကြပါသေးတယ်..။ ဒီမိုနံမည်ပါတော့ ဒီမိုပါတီလို့ ထင်တာကိုး..။