အမေရိကန်နိုင်ငံခြားရေးဝန်ကြီး ဟီလာရီကလင်တန် လာတဲ့အခါ ကျွန်တော်သိပ်ချစ်တဲ့မြန်မာနိုင်ငံကို ကိုလိုနီခေတ်က နယ်ချဲ့တွေခေါ်သွားတဲ့ Burma ဆိုတဲ့အသုံးကိုပဲသုံးပြီး ပြောသွားဆိုသွားပါတယ် ၊ ပြည်တွင်းကဒေါ်အောင်ဆန်းစုကြည်ကလည်း Burma ဆိုပြီးတော့ပဲသုံးသွားတာကို သတိပြုမိပါတယ် အစိုးရက မြန်မာလို့သုံးစေချင်မှန်းသိလို့ တမင် Burma လုပ်သွားကြတာပါ ဒီလိုအချိန်အခါမှာ ဒေါ်အောင်ဆန်းစုကြည်ကို အကောင်းမြင်ချင်သလိုလို ဖြစ်လာတဲ့ ကျွန်တော့်စိတ်ကို မျိုးချစ်စိတ်က ပြန်လည်အနိုင်ယူသွားခဲ့ပါတယ် ဗိုလ်ချုပ်အောင်ဆန်း ရေးခဲ့တဲ့
အခြေခံဥပဒေက စပြီး ဖြစ်လာတဲ့ မြန်မာဆိုတဲ့ နိုင်ငံအမည်ကို
ဒေါ်အောင်ဆန်းစုကြည်က အစ Myanmar လို့ပဲ ပြောတာ ကြားချင်ပါတယ်။ ( ဒေါက်တာဆိတ်ဖွား )
ပြဿနာအစ
ဒီကနေ့
မြန်မာ့နိုင်ငံရေး ပြဿနာတွေထဲမှာ မြန်မာနိုင်ငံရဲ့ အမည်ကို အင်္ဂလိပ်လို
ရေးတဲ့၊ ပြောတဲ့အခါ Myanmar လား Burma
လား ဆိုတဲ့ ကိစ္စဟာလည်း အတော် ရှေ့တန်း ရောက်ပါတယ်။ ဒီပြဿနာဟာ န၀တ
လက်ထက်မှာ မြန်မာစကား အသံထွက်များကို အင်္ဂလိပ်လို အသံထွက်နဲ့ ရေးထားတဲ့
စာလုံးပေါင်းတွေ ပြင်တယ်။ ဒီအခါမှာ အင်္ဂလိပ်က Burma လို့ ရေးတာကို မြန်မာ
အသံထွက်နဲ့ အညီဖြစ်အောင် Myanmar လို့ပြင်တယ်။ ဒီလိုပဲ ရန်ကုန်ကို အင်္ဂလိပ်က
Rangoon လို့ စာလုံး ပေါင်းခဲ့တာကို Yangoon လို့ပြင်တယ်။ အဲဒီလို
ပြင်လိုက်တဲ့ မြို့အမည်၊ နေရာဒေသ အမည်တွေ အများကြီးပါပဲ။ ဒီအခါမှာ ဒေါ်အောင်ဆန်းစုကြည်က စစ်အစိုးရက ဒီလိုပြင်တာကို လက်မခံဘူး၊ သူကတော့ Burma လို့ပဲ သုံးမယ်လို့ လူသိရှင်ကြား ပြောခဲ့တယ်။
နိုင်ငံတကာ သတင်း ဌာနတွေနဲ့ တွေ့တဲ့ အခါမှာလည်း Burma လို့ပဲ သုံးပြီး
ပြောတယ်။ အဲဒီ အခါမယ် ဒေါ်အောင်ဆန်းစုကြည်ကို ထောက်ခံတဲ့ အမေရိကန်နဲ့
အနောက်အုပ်စု နိုင်ငံများ၊ သြစတေးလျ၊ ကနေဒါလို နိုင်ငံများကလည်း Burma
လို့ဆက်သုံးပြီး စစ်အစိုးရကို အသိအမှတ် မပြုဘူးဆိုတဲ့ Political Message
ကို ဖော်ထုတ်လာ ကြတယ်။ ဒီလိုနဲ့ Myanmarလား Burma လား ဆိုတာဟာ စစ်အုပ်စုကို ထောက်ခံသလား၊ ဆန့်ကျင်သလား ဆိုတဲ့ ပေတံတစ်ခု ဖြစ်လာခဲ့တယ်။
အသံထွက်ပြဿနာ
ကျွန်တော်ဟာ
ဘာသာစကား ပညာရှင် မဟုတ်သလို၊ သမိုင်း ပညာရှင်လည်း မဟုတ်ဘူး။ ဒါ့ကြောင့်
Myanmar လား Burma လား ဆိုတဲ့ကိစ္စကို လက်တွေ့ လက်လှမ်းမီတဲ့ အခြေအနေနဲ့
လက်တွေ့ကျတဲ့ ရှုထောင့်ကပဲ သုံးသပ်ချင်ပါတယ်။ တကယ်တော့ Burma ဆိုတာဟာ အသံထွက် ပြဿနာသာ ဖြစ်ပါတယ်။
ကျွန်တော်တို့ တစ်တွေက နိုင်ငံခြား တိုင်းပြည်တွေရဲ့ အမည်တွေ၊
အခေါ်အဝေါ်တွေကို မြန်မာ ဘာသာနဲ့ ရေးတဲ့အခါ ကိုယ်အသံလှယ်ပြီး ထွက်တတ်သလို
ထွက်ခဲ့ကြတာပဲ။ ဥပမာ Paris ကို ပဲရစ်လို့ရေးခဲ့ ( အခုတော့ ပါရီ
ဖြစ်ပြန်ပေါ့) Newyork ကို နယူးယောက် (တကယ့် အသံထွက်က နူးယော့ ဆိုရင်
ပိုနီးစပ်ပါတယ်။) လို့ရေးခဲ့ကြတာပါ။ ဒီလိုပဲ အင်္ဂလိပ် ရောက်လာတော့
ဗမာလူမျိုးကို ကုလားတွေက ဗရမာလို့ခေါ်တာကို စွဲပြီး Burma လုပ်ခဲ့ပါတယ်။
(ဂျပန်ကတော့ ဘိရုမာပေါ့) ဒါ့ကြောင့်လည်း ပုသိမ် ကို Bassein ပဲခူး ကို Pegu
ပြည်ကို Prome ၊ အင်းဝကို Ava စသည်ဖြင့် သူတို့ ခေါ်တတ်သလို ခေါ်ပြီး
မြေပုံတွေ ထုတ်ခဲ့တာပါ။ နောက်ပြီး အုပ်ချုပ်ရေး လုပ်တဲ့အခါမှာ ဗမာလူမျိုး
အများစုနေတဲ့ မြေပြန့် ဒေသတွေကို Proper Burma ( နောင် Ministerial Burma) လို့
ခေါ်ပြီး တောင်တန်း ဒေသတွေကိုတော့ (Frontier Areas) သို့ သတ်မှတ်ခဲ့ပါတယ်။
အဲဒီတုံးက ရုံးသုံး ဘာသာ စကားဟာ အင်္ဂလိပ် ဘာသာစကား ဖြစ်လို့ တရားဝင်
စာတွေမှာလည်း Burma လို့ပဲ သုံးခဲ့ပါတယ်။
မြန်မာနိုင်ငံကို
မသိမ်းခင်ကတော့ အင်္ဂလိပ်တွေက မြန်မာဘုရင်များနဲ့ ဆက်ဆံရာမှာ နန်းမြို့
တည်ရာနေရာကိုပဲ အစွဲပြုပြီး ခေါ်ပါတယ်။ အိန္ဒိယ မဟာရာဂျာ စော်ဘွားတွေကို
ခေါ်တဲ့ပုံစံမျိုးပါ။ ဒါ့ကြောင့် Kingdom of Ava, Kings of Ava, Kingdom of
Amarapura လို့ပဲ သုံးခဲ့တာ တွေ့ရမှာ ဖြစ်ပါတယ်။
ဒါတောင်
တကယ်တော့ မြန်မာနိုင်ငံကို စရောက်ခဲ့တဲ့ ပေါ်တူဂီတွေက စပြီး ကုလားတွေခေါ်တဲ့
ဗရမာကို အခြေခံပြီး ဥရောပတိုက်သားများက ကျွန်တော်တို့ နိုင်ငံကို
ခေါ်ခဲ့ကြတဲ့ စာလုံးပေါင်းများကို အခုလို တွေ့နိုင်ပါတယ်။
၁။ Bermah (Earliest European maps as old as 18th century spelled Burma with an 'e'.)
၂။ Birmah (Charles Thomson map of 1827)
၃။ Brama (Thomas Kitchin's map of 1787)
၎။ Burmah (Samuel Dunn's map 1787)
၅။ Burma (Keith Johnson's map 1803)
၆။ Burmah (Eugene William's map, 1883)
၇။ Burma ကိုတော့ ၁၈၈၅ နောက်ပိုင်း ဗြိတိသျှတို့က သတ်သတ် မှတ်မှတ် သုံးခဲ့ပါတယ်။
မြန်မာဆိုတာ
မြန်မာဘုရင်တွေ
လက်ထက်က ကင်းဝန်မင်းကြီးရဲ့ လန်ဒန်သွား မှတ်တမ်းမှာလည်း မြန်မာ
တိုင်းပြည်နိုင်ငံနှင့် အင်္ဂလိပ် တိုင်းပြည် နိုင်ငံကြား ၊ မြန်မာမင်းမြတ်၊
မြန်မာမင်းနိုင်ငံ စသည့် သုံးနှုန်း သွားခဲ့တာ တွေ့ရပါတယ်။
အဲဒီမြန်မာ
ဆိုတဲ့ စကားဟာ ကိုလိုနီခေတ်မှာတော့ ဗမာ ဆိုတဲ့စကားနဲ့ ရောထွေး
သုံးစွဲသွားခဲ့ပါတယ်။ ဂျီစီဘီအေကို မြန်မာလို ရေးတဲ့နေရာမှာ မြန်မာ့
အသင်းချုပ်ကြီးလို့ ရေးခဲ့သလို ဒေါက်တာ ဘမော်ကလည်း မြန်မာ့ဝံသာနု
အဖွဲ့လို့လည်း သုံးခဲ့ပါတယ်။ ဒါပေမယ့် သခင်များရဲ့ ဒို့ဗမာ အစည်းအရုံး
ပေါ်လာတော့ ဗမာဆိုတဲ့ စကားက ရှေ့တန်း ပြန်ရောက် လာပါတယ်။ ဒါပေမယ့် ဒါဟာ
တကယ်တော့ ဗမာလူမျိုးတွေကိုပဲ ညွှန်းတာလို့ ယူဆနိုင်ပါတယ်။ ဘာ့ကြောင့်လည်း
ဆိုတော့ ကြွေးကြော်သံတွေမှာ ဗမာစာသည် ဒို့စာ၊ ဗမာ စကားသည် ဒို့စကား ဆိုပြီး
ပါနေလို့ပါပဲ။
၁၉၄၇ အခြေခံဥပဒေ
ဗိုလ်ချုပ်
ဦးဆောင် ရေးဆွဲခဲ့တဲ့ ၁၉၄၇ ခုနှစ် အခြေခံ ဥပဒေမှာတော့ မြန်မာ ဆိုတဲ့
စကားလုံးကို တရားဝင် နိုင်ငံအဖြစ်နဲ့ ပြဋ္ဌာန်းခဲ့ပါတယ်။ အခြေခံဥပဒေရဲ့
နိဒါန်းမှာ နယ်စပ်ဒေသများနှင့် ကရင်နီနယ်များ အပါအ၀င် မြန်မာနိုင်ငံတော်၏
နိုင်ငံသားများ ဖြစ်ကြသော ကျွန်ုပ်တို့သည် ××××× လို့ ဖော်ပြထားပါတယ်။
အခြေခံဥပဒေ
အခန်း ၁ ပုဒ်မ ၁ မှာလည်း မြန်မာနိုင်ငံသည် အချုပ်အခြာ အာဏာပိုင်
သမ္မတနိုင်ငံ ဖြစ်သည်။ ထိုနိုင်ငံကို ပြည်ထောင်စု မြန်မာနိုင်ငံဟု
ခေါ်ရမည်ဟု အတိအကျ ပြဋ္ဌာန်းထားခဲ့ပါတယ်။
