သမ္မတအိုဘားမားမရောက်မီတစ်ရက်အလိုတွင် ထုတ်ပြန်သော သတင်းထုတ်ပြန်ရေးအဖွဲ့၏ သတင်းထုတ်ပြန်ချက်

ပြည်ထောင်စုသမ္မတမြန်မာနိုင်ငံတော်
သတင်းထုတ်ပြန်ရေးအဖွဲ့
သတင်းထုတ်ပြန်ချက် (၂/၂၀၁၂)

၁၃၇၄ ခုနှစ် တန်ဆောင်မုန်းလဆန်း ၅ ရက်
၂ဝ၁၂ ခုနှစ် နိုဝင်ဘာလ ၁၈ ရက်

ပြည်ထောင်စုသမ္မတမြန်မာနိုင်ငံတော်အစိုးရအနေနှင့် နိုင်ငံတကာစံနှုန်းများနှင့် အညီ ဖြစ်စေရန် ဆောင်ရွက်နေသည့် လုပ်ငန်းစဉ်များတွင် နိုင်ငံသားများ၏ လူ့အခွင့်အရေးများ ကာကွယ်နိုင်စေရန်၊ ဒီမိုကရေစီအစိုးရတစ်ရပ်ဖြစ်ပေါ်လာစေရန် အောက်ပါကိစ္စများကို ဆောင်ရွက်သွားမည်ဖြစ်ပါသည် -


၁။လူ့အခွင့်အရေးကိစ္စများ
မြန်မာနိုင်ငံအစိုးရအနေနှင့် အပြည်ပြည်ဆိုင်ရာကြက်ခြေနီကော်မတီ (International Committee of the Red Cross- ICRC)နှင့် ပြည်ထဲရေးဝန်ကြီးဌာနတို့အကြား ပူးပေါင်း ဆောင်ရွက်မှုများ တိုးမြှင့်သွားမည် ဖြစ်ပါသည်။ ၂၀၁၁ ခုနှစ်မှစ၍ အပြည်ပြည်ဆိုင်ရာ ကြက်ခြေနီကော်မတီကို အကျဉ်းထောင်များအတွင်း သန့်ရှင်းသော မိလ္လာစနစ်များ၊ ရေနှင့်လျှပ်စစ်မီး ရရှိရေးတို့ကို ပြန်လည်ဆောင်ရွက်နိုင်ရန် ပြည်ထဲရေးဝန်ကြီးဌာနက ခွင့်ပြုခဲ့ရာ ယခုဆက်လက်၍ ဆေးဝါးကုသမှုနှင့် အကျဉ်းထောင်အတွင်း အကျဉ်းသား များ၏ လူမှုဖူလုံရေးကိစ္စများနှင့် နေရေးထိုင်ရေးကိစ္စများကို ကူညီခွင့်ပြုသွားမည် ဖြစ်သည်။

ပြည်ထောင်စုအစိုးရအနေဖြင့် ကုလသမဂ္ဂလူ့အခွင့်အရေးဆိုင်ရာ မဟာမင်းကြီးရုံးခွဲကို မြန်မာနိုင်ငံတွင် စတင်ဖွင့်လှစ်နိုင်ရန် လိုအပ်သော ဆွေးနွေးညှိနှိုင်းမှုများကို ဆက်လက် ဆောင်ရွက်သွားမည်ဖြစ်ပါသည်။
ပြည်ထောင်စုအစိုးရအနေနှင့် “နိုင်ငံရေးအရနာမည်ပျက်စာရင်း” ဟုခေါ်ဆိုသော ပုဂ္ဂိုလ် များစာရင်းကိုလည်း ပယ်ဖျက်ပေးထားပြီးဖြစ်သည့်အပြင် ယင်းကိစ္စများနှင့် စပ်လျဉ်း၍ ဖြေကြားပေးနိုင်ရန်လည်း သမ္မတရုံးတွင် ဆက်သွယ်ရေးတာဝန်ခံတစ်ဦးကို ခန့်ထားပြီး ဖြစ်ပါသည်။


၂။ အကျဉ်းသားများကိစ္စ
ပြည်ထောင်စုအစိုးရအနေနှင့် ကျန်ရှိနေသေးသော အကျဉ်းသားများကိစ္စကို ပြည်ထဲရေး ဝန်ကြီးဌာနနှင့်အခြားသက်ဆိုင်ရာအစိုးရဌာနများ နှင့် အဖွဲ့အစည်းများအကြား ယခုနှစ် ဒီဇင်ဘာလမကုန်မီ ညှိနှိုင်းဆွေးနွေးမှုများ စတင်ဆောင်ရွက်သွားမည် ဖြစ်ပါသည်။ နိုင်ငံတကာစံများ၊ ကျင့်ထုံးများနှင့်အညီ အကျဉ်းသားများ၏ ပြစ်မှုများ၊ ပြစ်ဒဏ်များကို ပြန်လည်စဉ်းစားသုံးသပ်နိုင်ရန် စီမံဆောင်ရွက်သွားမည်ဖြစ်ပါသည်။


၃။ ပဋိပက္ခများဖြေရှင်းရေးနှင့် အမျိုးသားသွေးစည်းညီညွတ်ရေး
ပြည်ထောင်စုအစိုးရအနေနှင့် တာဝန်ယူသည့်အချိန်မှစတင်၍ ငြိမ်းချမ်းရေးကိစ္စများကို အထူးအလေးထား ဆောင်ရွက်လာခဲ့ရာ ယခုအခါ အဓိကတိုင်းရင်းသားလက်နက်ကိုင်အဖွဲ့ ၁ဝ ဖွဲ့နှင့် အပစ်အခတ်ရပ်စဲရေး ရရှိပြီးဖြစ်သည့်အပြင် ဆက်လက်၍ နိုင်ငံရေးအရ ဆွေးနွေးမှုများ ဆောင်ရွက်သွားမည်ဖြစ်ပါသည်။ ပြည်ထောင်စုအစိုးရအနေနှင့် ကချင် ပြည်နယ်တွင် အပစ်အခတ်ရပ်စဲရေး သဘောတူညီချက်ရရှိနိုင်စေရန်နှင့် နိုင်ငံရေးအရ ဆွေးနွေးမှုများ ဖြစ်ပေါ်လာစေရန်လည်း ဆက်လက်ကြိုးပမ်း ဆောင်ရွက်သွားမည် ဖြစ်ပါ သည်။ ထို့အပြင် ပြည်ထောင်စုအစိုးရအနေနှင့် ကောင်းမွန်သည့်အုပ်ချုပ်မှုနှင့် တိုင်းရင်းသားအခွင့်အရေးများကို ရေရှည်အာမခံချက်ပေးနိုင်ရန် နိုင်ငံရေးနည်းလမ်းများကို အသုံးပြု၍ လိုအပ်သည်များကို ဆက်လက်အကောင်အထည်ဖော် ဆောင်ရွက်သွားမည် ဖြစ်ပါသည်။

နိုင်ငံတော်သမ္မတကြီး၏ ကုလသမဂ္ဂအထွေထွေအတွင်းရေးမှုးချုပ်ထံ ပေးပို့သော စာတွင် ဖော်ပြပါရှိသည့်အတိုင်း ရခိုင်ဒေသတွင် ပဋိပက္ခများ တစ်ကျော့ပြန်မဖြစ်ပွားစေရေးအတွက် လိုအပ်သည်များကို ထိရောက်စွာ ဆောင်ရွက်သွားမည်ဖြစ်ပြီး အကြမ်းဖက်မှု ကျူးလွန်သူ များကိုလည်း ဥပဒေနှင့်အညီ ထိရောက်စွာ အရေးယူသွားမည်ဖြစ်ပါသည်။ ရခိုင်ဒေသခံ ပြည်သူများ လိုအပ်သော လူသားချင်းစာနာသည့် အထောက်အပံ့များ ရရှိရေးကိုလည်း နိုင်ငံတကာ အသိုင်းအဝိုင်းနှင့် အတူလက်တွဲ ဆောင်ရွက်သွားမည်ဖြစ်ပါသည်။ လူမျိုးစုနှစ်ခုကြားရှိ အဓိကပြဿနာဖြစ်စေသည့် ရင်းမြစ်များကိုလည်း ကြိုးပမ်းဖြေရှင်း သွားမည်ဖြစ်ပြီး အိုးအိမ်စွန့်ခွာသူများ နေရပ်ပြန်နိုင်ရေးအစ နိုင်ငံသားဖြစ်မှုအဆုံး လိုအပ်သော နိုင်ငံရေးအရ ဖြေရှင်းမှုများကိုလည်း ဆက်လက်ဆောင်ရွက် သွားမည် ဖြစ်ပါသည်။
ပဋိပက္ခဖြစ်ပွားခဲ့သည့် နေရာများတွင် အခြားနိုင်ငံတကာလူသားချင်းစာနာသော အဖွဲ့ အစည်းများနှင့် အပြည်ပြည်ဆိုင်ရာကြက်ခြေနီကော်မတီတို့ ပူးပေါင်း၍ ပိုမိုကျယ်ပြန့်သော အကူအညီများ ကူညီထောက်ပံ့နိုင်ရန် ပြည်ထောင်စုအစိုးရက ညှိနှိုင်းဆောင်ရွက် ပေးသွားမည် ဖြစ်ပါသည်။


၎။ အဏုမြူမပြန့်ပွားရေး
ပြည်ထောင်စုအစိုးရအနေနှင့် နိုင်ငံတကာအဏုမြူစွမ်းအင်အေဂျင်စီ International Atomic Energy Agency ၏နောက်တိုးလိုက်နာရန်အချက်အလက်များ (Additional Protocol) ကို လက်မှတ်ရေးထိုးနိုင်ရန်နှင့် ၁၉၉၅ ခု Small Quantities Protocol ၏ ထပ်မံပြင်ဆင်ချက်ကို လက်ခံနိုင်ရန် နိုင်ငံတော်သမ္မတကြီးက အတည်ပြုပြီးဖြစ်ရာ လွှတ်တော်သို့ တင်ပြဆောင်ရွက်သွားမည် ဖြစ်ပါသည်။
မြန်မာနိုင်ငံအနေဖြင့် IAEA စတင် ဖွဲ့စည်းသည့် ၁၉၅၇ခုနှစ်တည်းက အဖွဲ့ဝင်အဖြစ် ပါဝင် ခဲ့ပြီး ၁၉၉၂ခုနှစ် ဒီဇင်ဘာတွင် အဏုမြူလက်နက်မပြန့်ပွားရေးဆိုင်ရာစာချုပ် (Non-Proliferation Treaty, NPT) ကို လည်းကောင်း၊ ၁၉၉၅ခုနှစ်တွင် NPT ၏ နောက်တိုး သဘောတူညီချက် ဖြစ်သည့် Small Quantities Protocol စောင့်ကြည့်ထိန်းသိမ်းရေး စာချုပ်နှင့် အရှေ့တောင်အာရှ အဏုမြူလက်နက် ကင်းစင်ရေးစာချုပ် (Southeast Asian Nuclear-Weapon-Free Zone Treaty) များကိုလည်းကောင်း၊ ၁၉၉၆ခုနှစ် တွင် နျူကလီးယားစမ်းသပ်မှုတားဆီးရေး သဘောတူညီချက် (Comprehensive Nuclear Test Ban Treaty) တို့ကိုလည်းကောင်း လက်မှတ်ရေးထိုး ထားပြီး ဖြစ်ပါသည်။

ပြည်ထောင်စုအစိုးရအနေနှင့် ကုလသမဂ္ဂအဖွဲ့ဝင်နိုင်ငံတစ်နိုင်ငံဖြစ်သည်နှင့်အညီ ကုလ သမဂ္ဂလုံခြုံရေး ကောင်စီဆုံးဖြတ်ချက်အမှတ် ၁၈၇၄ ကို လိုက်နာဆောင်ရွက်ရန်လည်း အခိုင်အမာ ဆုံးဖြတ်ချက်ချထားပြီး ဖြစ်ပါသည်။


၅။ ပွင့်လင်းမြင်သာသည့်အစိုးရတစ်ရပ်ဖြစ်ပေါ်ရေး
ပြည်ထောင်စုအစိုးရအနေနှင့် ၂၀၁၆ တွင် Open Government Partnership (OGP) အဖွဲ့ဝင်ဖြစ်ရန် ကြိုးပမ်းဆောင်ရွက်သွားမည်။ OGP အစီအစဉ်မှာ အစိုးရများ၏ ပွင့်လင်း မြင်သာမှုကို မြှင့်တင်ခြင်း၊ နိုင်ငံရေးဖြစ်စဉ်တွင် နိုင်ငံသားများ၏ပါဝင်မှုကို မြှင့်တင်ခြင်း၊ အကျင့်ပျက်ခြစားမှုတိုက်ဖျက်ရေးကို ထိရောက်စေခြင်းနှင့် နည်းပညာကဏ္ဍကို မြှင့်တင် ပေးခြင်းတို့ဖြင့် ပိုမိုပွင့်လင်းမြင်သာ၍ တာဝန်ယူမှုရှိသော စွမ်းဆောင်ရည်မြင့် အစိုးရ ဖြစ်ပေါ်စေရန် နိုင်ငံစုံပူးပေါင်းပါဝင်သော အစီအစဉ်ဖြစ်ပါသည်။


၆။ လူကုန်ကူးမှုတိုက်ဖျက်ရေး
ပြည်ထောင်စုအစိုးရအနေနှင့် “လူကုန်ကူးမှုတိုက်ဖျက်ရေး အမေရိကန်-မြန်မာ ပူးပေါင်း အစီအစဉ်” တွင် ပါဝင်ဆောင်ရွက်ရန် သဘောတူညီပြီးဖြစ်သကဲ့သို့ အပြည်ပြည်ဆိုင်ရာ အလုပ်သမားရေးရာအဖွဲ့ ILO နှင့်လည်းပူးပေါင်း၍ အဓမ္မခိုင်းစေမှုများ ပပျောက်စေရေး အစီအစဉ်များနှင့် “ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေသစ်”နှင့်အညီ လူကုန်ကူးမှု တိုက်ဖျက်ရေးဆိုင်ရာ လုပ်ငန်းစီမံချက်များကို ဆက်လက်လုပ်ဆောင်သွား မည် ဖြစ်ပါသည်။ ယင်းစီမံချက်များတွင် ပြည်ထောင်စုသမ္မတ မြန်မာနိုင်ငံအစိုးရ အနေဖြင့် အမေရိကန်ပြည်ထောင်စု၏ နည်းပညာပိုင်းဆိုင်ရာ အကူအညီများကိုလည်း ဝမ်းမြောက်စွာ ကြိုဆိုသွားမည်ဖြစ်ပါသည်။


(သတင်းထုတ်ပြန်ရေးအဖွဲ့)

WELCOME Barack Obama

အမေရိကန်သမ္မတခရီးစဉ်အချိန်ဇယား

အမေရိကန် သမ္မတ ဘားရက်အိုဘားမားဟာ ၁၉ရက်နေ့ မနက် ၉ နာရီ ၁၅မိနစ် ခန့်မှာ ရန်ကုန်အပြည်ပြည် ဆိုင်ရာလေဆိပ် ကို ရောက်ရှိမှာဖြစ်ပြီး နိုင်ငံတော်သမ္မတ ဦးသိန်းစိန်နဲ့ မနက် ၁၀ နာရီ မှာ ရန်ကုန် တိုင်းဒေသကြီး လွှတ်တော် အဆောက်အဦး မှာနာရီ တွေ့ဆုံမှာဖြစ်ပါတယ်။

အဲဒီနောက်မှာတော့ NLD ဥက္ကဌ ဒေါ်အောင်ဆန်းစုကြည်ကို တက္ကသိုလ်၇ိပ်သာ လမ်းရှိ သူမရဲ့နေအိမ်ကိုသွားရောက် တွေ့ဆုံမှာဖြစ်ပါတယ်။ ဒေါ်အောင်ဆန်းစုကြည်နဲ့ တွေ့ဆုံပြီးနောက် ရန်ကုန်တက္ကသိုလ် ဘွဲ့နှင်းသဘင်ခန်းမကိုသွားရောက်ပြီး မြန်မာပြည်သူတွေကိုမိန့်ခွန်းပြောကြားမှာဖြစ် ကြောင်း အမေရိကန် သမ္မတ ရဲ့ ခရီးစဉ်အချိန် ဇယားအရ သိရှိရပါတယ်။

မွန်းလွဲပိုင်းတွင် သမ္မတအိုဘားမားသည် ကမ္ဘောဒီးယားနိုင်ငံ ဖနွမ်ပင်မြို့ကျင်းပမည့် အာဆီယံအမေရိကန် ထိပ်သီးခေါင်းဆောင် များအစည်းအဝေးသို့တက်ရောက်ရန်ဆက်လက်ထွက်ခွာသွားမည်ဖြစ်ကြောင်း သိရှိရပါသည် ။

Voice Of Myanmar

 

အိုဘားမားက မြန်မာပြည်ကိုလာတဲ့ ပထမဆုံးအမေရိကန် သမ္မတဟုတ်ရဲ့လား

ဒီရက်ပိုင်း သတင်းတွေဖတ်လိုက်ရင် အမေရိကန်သမ္မတကြီး မြန်မာပြည်လာမယ့်သတင်းက အတော်လေးရေပန်းစားနေတယ်ဘယ်နေရာကြည့်ကြည့် ဘယ်စာစောင်ဖတ်ဖတ် သမ္မတအိုဘားမား သတင်းတွေ ခရီးစဉ်အကြိုပြင်ဆင်မှုသတင်းတွေ နဲ့ ပြည့်နှက်နေပါတယ် .....ကမ္ဘာ့ထိပ်တန်းနိုင်ငံကြီးက သမ္မတကြီးပဲလေ ဒီလိုပဲဖြစ်ရမှာပေါ့.....

ဒါပေမယ့် သမ္မတအိုဘားမားရဲ့ သတင်းတွေကိုကြည့်လိုက်ရင် သတင်းတော်တော်များများမှာ အမေရိကန်သမ္မတတစ်ဦးရဲ့ မြန်မာပြည်ကိုပထမဆုံးလာတဲ့ သမိုင်းဝင်ခရီးဆိုပြီးဖေါ်ပြကြတယ် ၊ နှစ်ပေါင်းများစွာအတွင်းပထမဆုံးအကြိမ်လာတယ်ဆိုတာမျိုးတောင်မသုံးကြတာကို သတိပြုမိတယ် .....။

တကယ်တော့ ၁၉၅၃ ခုနှစ်လောက်က သမ္မတ ဒေါက်တာဘဦး လက်ထက်မှာ အမေရိကန်သမ္မတကြီး နစ်ဆင်ဟာ သူ့ဇနီးနဲ့အတူ မြန်မာပြည်ကို အလည်အပတ်လာရောက်ခဲ့ဘူးပါတယ် လာရုံတင်မကဘူး မြန်မာအမျိုးသားဝတ်စုံကိုတောင် သမ္မတကြီးနဲ့ ဇနီးက၀တ်ဆင်သွားပါသေးတယ် ...။

 

အခြားသတင်းအရင်းအမြစ်တွေမှာတော့ ၁၉၅၃ ခုနှစ်က ဒုသမ္မတအဖြစ်နဲ့လာရောက်ခဲ့တာဖြစ်ပြီး သမ္မတနစ်ဆင်ဟာ အငြိမ်းစားယူပြီး သမ္မတဦးစန်းယုလက်ထက်မှာ ဒုတိယအကြိမ်လာရောက်ခဲ့ကြောင်းလဲ သိရပါတယ် ဝေဖန်ဘို့နဲ့ စဉ်းစားနိုင်ဘို့ တင်ပြလိုက်ပါတယ် ။

ဒေါက်တာဆိတ်ဖွား

check and balances

check and balance

 ဒီရက်ပိုင်းအတွင်း ၀န်ကြီးဌာနအချို့ရဲ့  မှားယွင်းမှုနှင့် အလွဲသုံးစားလုပ်မှုတွေကို ပြည်ထောင်စု စာရင်းစစ်ချုပ်က ပြည်ထောင်စုလွှတ်တော်မှာ စာရင်းဇယားတွေ ကိန်းဂဏန်းတွေနဲ့ ထုတ်ပြောတယ်။ ဒါဆို ၀န်ကြီးဌာနတွေကလဲ စာရင်းစစ်အဖွဲ့ တွေရဲ့ လာဘ်စားမှုတွေကို ထုတ်ပြောသင့်တယ်။ ရောက်တဲ့အရပ်မှာ လာဘ်စားလွန်းလို့ စာရင်းစစ် လို့ ဘယ်သူမှမခေါ်တော့ပဲ " စားရင်းစစ် " လို့ပြောင်းခေါ်နေကြတာ တိုင်းသိပြည်သိဖြစ်တယ် ၊ " ဘူဘူချင်း တစ်လုပ် " ဆိုတဲ့စကားဟာ ဤကိစ္စမျိုးတွေမှာသုံးဘို့ထားတဲ့ မြန်မာစကားပုံ တစ်မျိုးပါလားလို့ တွေးနေမိတယ်......။

ဒီလူတွေကိုကျတော့ ဘယ်သူက check လုပ်ပြီး ဘယ်လို balance လုပ်ရင်ကောင်းမလဲ ဆိုတာစိတ်ဝင်စားစရာပါဘဲ....

ဒေါက်တာဆိတ်ဖွား

မစ္စတာ ဘန်ကီမွန်း မြန်မာပြည်လာမည်ဟု သတင်းများထွက်ပေါ်

ကုလသမဂ္ဂ အထွေထွေ အတွင်းရေးမှူးချုပ် မစ္စတာဘန်ကီမွန်းသည် မကြာမီရက်ပိုင်းအတွင်း မြန်မာပြည်သို့ အလည်အပတ်လာရောက်မည်ဖြစ်ကြောင်း သတင်းရရှိပါသည် ။မစ္စတာဘန်ကီမွန်းသည် အမေရိကန်သမ္မတ ဘာရက်အိုဘားမား ခရီးစဉ်မတိုင်မီ ယခုလ ၁၅ ရက်တွင် မြန်မာနိုင်ငံသို့ ရောက်ရှိလာမည်ဖြစ်ကြောင်း သတင်းရရှိပါသည် ။

အဆိုပါသတင်းနှင့်ပတ်သက်၍ မြန်မာအစိုးရနှင့် ကုလသမဂ္ဂတို့ဘက်မှ ယခုချိန်ထိ တစုံတရာ သတင်းထုတ်ပြန်ခြင်းမရှိသေးပါ ။

Voice Of Myanmar

အင်အားပြင်း ငလျင်ဒဏ် ခံရသည့် ဒေသများတွင် ကယ်ဆယ်ရေးနှင့် ပြန်လည် ထူထောင်ရေး လုပ်ငန်းများ ကြိုပမ်း ဆောင်ရွက်မှု အခြေအနေ အသိပေး ကြေညာ

ပြည်ထောင်စုသမ္မတမြန်မာနိုင်ငံတော်

နိုင်ငံတော်သမ္မတရုံး

သတင်းထုတ်ပြန်ချက် ( ၃/ ၂၀၁၂ )

၂၀၁၂ ခုနှစ်၊ နိုဝင်ဘာလ ၁၂ ရက်

၁၃၇၄ခု၊ သီတင်းကျွတ်လပြည့်ကျော် ၁၃ ရက်

အင်အားပြင်း ငလျင်ဒဏ် ခံရသည့် ဒေသများတွင် ကယ်ဆယ်ရေးနှင့် ပြန်လည် ထူထောင်ရေး လုပ်ငန်းများ ကြိုပမ်း ဆောင်ရွက်မှု အခြေအနေ အသိပေး ကြေညာခြင်း

၁။ ၂၀၁၂ ခုနှစ်၊ နိုဝင်ဘာ (၁၁) ရက်နေ့၊ နံနက် (၀၇)နာရီ (၄၂)မိနစ် (၃၇)စက္ကန့် တွင် လှုပ်ခတ်ခဲ့သည့် အင်းအားပြင်း မြေငလျင်ကြောင့် စစ်ကိုင်းတိုင်းဒေသကြီးနှင့် မန္တလေးတိုင်း ဒေသကြီးတို့မှ စစ်ကိုင်း၊ ရွှေဘို၊ ကျောက်မြောင်း၊ ခင်ဦး၊ မန္တလေး၊ အမရပူရ၊ စဥ့်ကူး၊ကျောက်ဆည်နှင့် သပိတ်ကျင်း မြို့နယ် တို့တွင် စေတီပုထိုးများ၊ သာသနိက အဆောက်အအုံများ၊ လူနေအိမ်ခြေ အဆောက်အအုံများ၊ စာသင်ကျောင်းများ၊ ရုံး အဆောက်အအုံများနှင့် တည်ဆောက်ရေး လုပ်ငန်းများ ပျက်စီးခြင်း၊ ပြည်သူအချို့ ထိခိုက်ဒဏ်ရာရ သေဆုံးခြင်းများ ဖြစ်ပေါ် ခဲ့ပါသည်။

၂။ ငလျင်လှုပ်ခတ်မှုဖြစ်ပွားပြီးနောက် နိုင်ငံတော်သမ္မတ အနေဖြင့် အဆိုပါငလျင်ဒဏ် ခံရသည့်ဒေသများသို့ ကိုယ်တိုင် သွားရောက်ရန် အခြေအနေမပေးသည့်အတွက် ဒုတိယသမ္မတ ဒေါက်တာစိုင်းမောက်ခမ်း ဦးဆောင်သည့်အဖွဲ့အား ချက်ချင်းစေလွှတ်၍ ကယ်ဆယ်ရေး ၊ထောက်ပံ့ရေးနှင့် ပြန်လည် ထူထောင်ရေးလုပ်ငန်းများကို ကြီးကြပ်ဆောင်ရွက်နိုင်ရန်နှင့် ဒေသခံပြည်သူများအား ကူညီအားပေးနိုင်ရန် တာဝန်ပေးအပ်ခဲ့ပါသည်။

၃။ နိုင်ငံတော်သမ္မတအနေဖြင့် ငလျင်ဒဏ်ကြောင့် ထိခိုက်သေဆုံးပျက်စီး ဆုံးရှုံးမှုများနှင့် ရင်ဆိုင်ခဲ့ရသည့် မိဘ ပြည်သူများနှင့် ထပ်တူထပ်မျှ ဝမ်းနည်းကြေကွဲရပါကြောင်း ဖော်ပြအပ်ပါသည်။ ငလျင်လှုပ်ခတ်မည့် အခြေအနေကို ကြိုတင်တွက်ဆနိုင်ခြင်း မရှိသော်လည်း ငလျင်လှုပ်ခတ်မှုဖြစ်စဉ်၌ ဘေးဒုက္ခ ခံစားခဲ့ရသူများအား အရေးအပေါ် အချိန်တွင် ချက်ချင်းအကူအညီပေးရေးနှင့် ကယ်ဆယ်ရေး လုပ်ငန်းများ ဆောင်ရွက်ပေးကြသော ဒေသခံ ပြည်သူများကိုလည်း အထူးကျေးဇူးတင်ရှိပါသည်။ ပြည်ထောင်စု အစိုးရအဖွဲ့အနေဖြင့်လည်း ကယ်ဆယ်ရေးနှင့် ပြန်လည် ထူထောင်ရေး လုပ်ငန်းများကို အစွမ်းကုန် ကြိုးပမ်းဆောင်ရွက်သွားမည်ဖြစ်ပါသည်။

၎။ ထိုသို့ဆောင်ရွက်ရာတွင် ပြည်ထောင်စု အစိုးရအဖွဲ့သည် လူထုလူတန်းစားအဖွဲ့အစည်း အားလုံးနှင့် လည်းကောင်း ၊နိုင်ငံတကာ အဖွဲ့အစည်းများနှင့်လည်းကောင်း ပူးပေါင်းဆောင်ရွက်သွားမည်ဖြစ်ကြောင်း အသိပေး ကြေညာ အပ်ပါသည်။

ဘေးထိုင်ဘုပြော မီဒီယာသမားများနှင့် အနာဂတ်ပုဂ္ဂလိကသတင်းစာအလားအလာ

ပုဂ္ဂလိက သတင်းစာများကို ထုတ်ဝေခွင့်ပေးရန် အစီအစဉ်ရှိသော်လည်း မည်သည့်အချိန်တွင် ထုတ်ဝေခွင့်ပေးမည်ကို ပြည်ထောင်စု အစိုးရအနေဖြင့် အတိအကျ ဆုံးဖြတ်ပေးနိုင်ခြင်း မရှိကြောင်း ပြန်ကြားရေးဝန်ကြီးဌာန ပြည်ထောင်စု ၀န်ကြီး ဦးအောင်ကြည်က ယမန်နေ့ ပြည်သူ့လွှတ်တော်တွင် ပြောကြားချက်ကို မီဒီယာသမားအချို့က ဝေဖန်သံများအတော်ပင်ထွက်ပေါ်လာခဲ့ရာ ထိုကိစ္စနှင့်ပတ်သက်၍ ဆရာကိုဆိတ်ဖွားကို တွေ့ဆုံမေးမြန်းခဲ့ပါသည် ။

မေး ။   ။ ဆရာကိုဆိတ်ဖွားခင်ဗျား မနေ့က လွှတ်တော်မှာ ပြန်ကြားရေးဝန်ကြီးဦးအောင်ကြည်က ဒီ..ပုဂ္ဂလိက သတင်းစာနဲကပတ်သက်ပြီး ထုတ်ဝေခွင့်ကို အချိန်အတိအကျ ထုတ်ဖေါ်ပြောကြားခြင်းမရှိတဲ့အပေါ် ပြည်တွင်းမီဒီယာသမား တွေကအတော်လေး ဝေဖန်သံတွေ ထွက်လာတာတွေ့ရပါတယ် ဒီအပေါ် ဆရာ့ရဲ့ သဘောထား အမြင်ကို ပြောပြပေးပါဦးဆရာ ..။

ဖြေ ။   ။ နိုင်ငံတကာမှာလည်း ဒီ ပုဂ္ဂလိကသတင်းစာဆိုတာရှိနေတာဖြစ်တဲ့အတွက် မြန်မာနိုင်ငံမှာလည်း ပုဂ္ဂလိက သတင်းစာဆိုတာရှိရမယ်ဆိုတာ ဒါ ဘာမှအထူးပြောနေစရာလိုမယ်မထင်ပါဘူး ဒီအခြေခံအချက်ကို ကိုယ်လဲ သဘောတူပါတယ် ၊ နောက်တစ်ခုက Time frame ပေါ့လေ ဒီအချိန်ကန့်သတ်ချက်ကိစ္စ ၊ ဒီနေရာမှာတော့ နှစ်ပိုင်းဖြေရမယ်ထင်တယ်  တစ်ပိုင်းက မီဒီယာသမားတွေဘက်က ၊ နောက်တစ်ပိုင်းက အစိုးရဘက်ကပေါ့....

မီဒီယာသမားတွေဘက်ကကြည့်ရင် ဒီ time frame ကအတော်အရေးကြီးတယ် ၊ ပြောရမယ်ဆိုရင် ဘယ်နေ့ဘယ်ရက်က စပြီး ပုဂ္ဂလိကသတင်းစာတွေကိုထုတ်ဝေခွင့်ပြုမယ် ဆိုတဲ့ အာမခံချက်ဟာ အတော်အရေးကြီးတယ် ၊ ဒီလိုအာမခံချက်တိတိပပမရှိပဲ ကြီးမားတဲ့ရင်းနှီးမြှုတ်နှံမှုတွေ လုပ်ဘို့ မလွယ်ကူလှဘူး ၊ ဥပမာအနေနဲ့ ပြောရမယ်ဆိုရင် ပုံနှိပ်စက်တွေပေါ့ အလယ်အလတ်တန်းအမျိုးအစားတစ်လုံးကို ခုခေတ်ဈေးနဲ့ ဒေါ်လာ ၂သန်းလောက်ကျမယ် ၊ ပုံနှိပ်စက်တွေက ခဏခဏ Error တက်တယ် ဒါမျိုးတစ်လုံးထဲထားလို့ မရဘူး တစ်နေရာမှာအနည်းဆုံးနှစ်လုံးလိုတယ် ၊ ဒါ့အပြင် မြန်မာတစ်ပြည်လုံးကိုနေ့စဉ်ရောက်ဘို့ဆိုတာက ကိုယ်ပွားပုံနှိပ်စက်တွေလိုဦးမယ် ဒီလိုတွက်လိုက်ရင် ပုဂ္ဂလိကသတင်းစာတစ်စောင်ဟာ ပုံနှိပ်စက်တန်ဘိုးတင် ဒေါ်လာ သန်း ၂၀လောက် ကျမယ် ၊ ဒီစက်တွေအတွက် မြေနေရာ အဆောက်အဦ ဒါတွေပါထည့်တွက်လိုက်ရင် နဲတဲ့ရင်းနှီးမြှုတ်နှံမှုတွေ မဟုတ်ဘူး ၊ နောက် သတင်းစာစက္ကူတွေ အတွက်နေရာတွေလိုလာမယ် ၊ လူသားအရင်းအမြစ်တွေ ၊ ဖြန့်ချိရေးတွေ ဒါတွေကြိုတင်ပြင်ရဆင်ရမယ် ၊ Training တွေလုပ်ရမယ် ၊ ဒါတွေအကုန်ပေါင်းလိုက်ရင် သတင်းစာတစ်စောင်ရဲ့ တန်ဘိုးဟာဘယ်လောက်ကျမယ် ၊ ဒါဆိုရင် ပြည်သူတွေနေ့စဉ်ဖတ်နိုင်ဘို့ဈေးနှုံးအရအခက်အခဲတွေရှိနိုင် မရှိနိုင် စီးပွားရေးအရ တွက်ချေကိုက်နိုင်မကိုက်နိုင် Marketing တွေ ဆင်းရပြုရမယ် ၊ ဒီ marketing အဖြေတွေအရ သတင်းစာကိုဘယ်လိုပုံစံ ၊ ဘယ်လိုနေရာတွေကနေ ဘယ်လိုစမယ် ဆိုတာမျိုးတွေ ဆုံးဖြတ်ရမယ် ၊ ဒီပေါ်မှာခုနရင်းနှီးမြှုတ်နှံမှုတွေ လုပ်ရမယ် ၊ ပူးပေါင်းလုပ်ဆောင်မယ့် ပါတနာတွေ ရှာရမယ် စသည်ဖြင့်ပေါ့လေ အများကြီးလုပ်ရမယ် ၊ ဒါတွေဟာ နေ့ချင်းညချင်းဆိုသလို လုပ်လို့ရတာမျိုးမဟုတ်လေတော့  ခုန Time frame ဟာ အရေးကြီးလာတယ် ၊ သူဟာအသက်ပဲ ဒါကြောင့် ၀န်ကြီးရဲ့ အချိန်အတိအကျ ဖြေကြားမသွားတဲ့အပေါ် မီဒီယာသမားတွေ ဘ၀င်မကျ ဖြစ်တာလို့ ကိုယ်တော့ထင်တယ် ...........။

အစိုးရဘက်ကကြည့်မယ်ဆိုရင်လည်း လက်ရှိက Media Law က ၁၉၆၂ ခုနှစ်ထဲကပြဌာန်းထားတာဆိုတော့ ဒီခေတ် မီဒီယာ environment နဲ့ ဘယ်လိုမှမကိုက်တော့ဘူး ဒီတော့ ခေတ်နဲ့ညီတဲ့ မီဒီယာပတ် ၀န်းကျင်အသစ်တစ်ရပ်ကို တည်ထောင်ဘို့ဆိုရင်  ကျင့်ဝတ်ဆိုင်ရာ အခြေခံမူ တွေ၊  လုပ်ငန်းစဉ် တွေ၊ Code of Ethic ရေးဆွဲတာတွေ၊ ကျင့်ဝတ်ဆိုင်ရာ လုပ်ထုံးလုပ်နည်းများ (Code of Conduct) ရေးဆွဲတာတွေ၊ သတင်းစာနယ်ဇင်း အဖွဲ့အစည်းဆိုင်ရာ စံနှုန်းထားတွေ  ၊ ဥပဒေကြောင်းဆိုင်ရာ ကိစ္စရပ်တွေ ကလည်း အတော်အရေးပါတယ် ဒါတွေမရှိပဲ ကြိုတင်ရင်းနှီးမြှုတ်နှံထားမယ်ဆိုရင် ရင်းနှီးမြှုတ်နှံသူတွေဘက်မှာ ကြီးမားတဲ့အဆုံးအရှုံးတွေ ရှိလာနိုင်တယ် ဒီ့အတွက် ၀န်ကြီးက ချင့်ချိန်ဖြေသွားတာလို့ ကိုယ်တော့ထင်တယ်၊

ဒီနေရာမှာပြောစရာရှိတာက  ဒီလုပ်ငန်းစဉ်တွေမြန်အောင်ဆိုပြီး အရင် ၀န်ကြီးဦးကျော်ဆန်းလက်ထက်က ၀န်ကြီးဌာနကကြီးကြပ်ပြီး ဆောင်ရွက်ခဲ့တာတွေရှိခဲ့တယ် အဲဒီတုန်းကလဲ ခုဝေဖန်နေတဲ့သူတွေပဲ Media Law ကိုဝန်ကြီးဌာနကပဲ အုပ်စီးပြီးလုပ်နေသလိုလို ၊ ဒီလောထွက်လာရင်ပဲ မီဒီယာသမားတွေကို နှိပ်ကွပ်တော့မှာလိုလိုနဲ့ ပြောဆို ဝေဖန်တာတွေလုပ်ခဲ့လို့ ခု ၀န်ကြီးဦးအောင်ကြည်လက်ထက်မှာ ဒါတွေလုပ်ဘို့ စာနယ်ဇင်းသမားတွေပါတဲ့ မြန်မာနိုင်ငံ စာနယ်ဇင်းကောင်စီ ကို ဖွဲ့တယ် Media Law ထွက်ဘို့ စာနယ်ဇင်းသမားတွေကိုလည်း တကယ်တာဝန်ပေးရော ခုန ဘေးထိုင်ဘုပြောတွေ က ဘာမှဝင်မလုပ်တော့ဘူး ၊ သူတို့ရဲ့အလုပ်က လုပ်နေတဲ့သူတွေကို ဘေးကနေ အပြစ်ထိုင်ပြောတဲ့အလုပ်ပဲ မွေးရာပါအလုပ်လိုလုပ်နေတယ် ၊ Media သမားတွေထဲမှာ တကယ်လုပ်နေတဲ့သူတွေရှိပါတယ် သူတို့ကအသံမထွက်ဘူး ၊ ခုနဘေးထိုင်ဘုပြောတွေဆီကပဲ အသံတွေ ထွက်နေတယ် ......

မီဒီယာလော ထွက်ရင် သတင်းစာထုတ်မယ် ၊ ရောင်းစားမယ် ၊ စီးပွားဖြစ်မယ် ဒါလောက်တွေးနေတဲ့မောင်တွေဆီက အသံတွေ ကိုသိပ်နားထောင်မနေပါနဲ့ ကွာ...

နောက်ဆုံးတစ်ခုပြောချင်တာက ခုဝေဖန်နေတဲ့ အလဲဗင်းက သန်းထွဋ်အောင်တို့ ၊ ဟံသာဝတီဦးဝင်းတင် တို့ ၊ ဇော်သက်ထွေး တို့ထက်စာရင် ၀န်ကြီးဦးအောင်ကြည်ရဲ့ စာရိတ္တကိုပိုယုံတယ် ၊ သူ့သီလကိုပုံယုံတယ် .... သူ့ရဲ့တိုင်းပြည်အပေါ်မှာထားတဲ့ စေတနာကိုပိုယုံတယ်... ဒါပါပဲကွာ

မေး။   ။ ဟုတ်ကဲ့ ကျေးဇူးတင်ပါတယ်ဆရာ ...

Voice Of Myanmar

မှတ်မှတ်သားသား ဗိုလ်ချုပ်စကား

KIA သို့

နိုင်ငံတစ်နိုင်ငံမှာ လက်နက်ကိုင်တပ်ဖွဲ့ဟာ တစ်ခုပဲရှိရမယ်ဆိုတာ တစ်ကမ္ဘာလုံးက ချွင်းချက်မရှိလက်ခံ ထားတဲ့ အခြေခံသဘောတရားဖြစ်တယ် နောက်ထပ်လက်နက်ကိုင်အဖွဲ့ရှိရင်....... ဒါသူပုန်ပဲ ၊ သူပုန်ကိုအစိုးရကသူပုန်လိုမဆက်ဆံပဲ အမျိုးသားပြန်လည်စည်းလုံးညီညွတ်ရေးကို ပြန်လည် တည်ဆောက်လိုတဲ့ စိတ်နဲ့ အောက်ချဆက်ဆံပြီး ငြိမ်းချမ်းရေးဆွေးနွေးနေတာကို အကြိမ်ကြိမ်ပျက်အောင် လုပ်နေရအောင် မင်းတို့က ဘာကောင်တွေမို့လို့လဲ ....

အရင်အစိုးရအဆက်ဆက်လက်ထက်တွေက သဘောထားချင်းမတူလို့၊ ဒီမိုကရေစီမဆန်လို့ အာဏာရှင်ဆန်လို့ စတဲ့အကြောင်းပြချက်မျိုးစုံနဲ့လက်နက်ကိုင်လာခဲ့တာထားပါတော့ ၊  ခုသမ္မတဦးသိန်းစိန်လက်ထက်မှာ အစိုးရရဲ့အပြုသဘောဆောင်တဲ့ဆောင်ရွက်ချက်တွေကြောင့် အမေရိကန်အစိုးရအပါအ၀င် EU ဥရောပသမဂ္ဂနိုင်ငံတွေကပါ အရေးတယူဆက်ဆံ ၊ ပိတ်ဆို့မှုတွေလျှော့ချ ၊ ထိပ်တန်းအတိုက်အခံခေါင်းဆောင် ဒေါ်အောင်ဆန်းစုကြည် ကိုယ်တိုင် အစိုးရနဲ့လက်တွဲ လို့ရတဲ့နေရာတွေမှာ လက်တွဲဆောင်ရွက်နေတာ မင်းတို့က ဘာကိုများမကျေနပ်လို့ အိုက်တင်ခံနေရတာလဲ ....

တကယ်သာ ကချင်လူထုကောင်းစားရေး လိုလားတယ်ဆိုရင် မင်းတို့ကစပြီးငြိမ်းချမ်းရေးဆွေးနွေးရမှာ မဟုတ်ဘူးလား ခုတော့အစိုးရက ဒီလောက်လျော့လျော့ပေါ့ပေါ့ ဆိုသလို ဆက်ဆံပြီးကမ်းလှမ်းနေတာကို အပစ်အခတ်ရပ်စဲရေးကိုအရင်လက်မခံပဲ နိုင်ငံရေးဆွေးနွေးမယ် နိုင်ငံရေးဆွေးနွေးမယ်နဲ့ တစာစာအော်နေတာ ဘာသဘောလဲ .........

တနေ့ကလုပ်တဲ့ ငြိမ်းချမ်းရေးဆွေးနွေးပွဲမှာ အစိုးရဘက်က ပြည်ထောင်စုအဆင့် တာဝန်ရှိသူတွေ တက်တယ် မင်းတို့ဘာမဟုတ်တဲ့ KIA က နံပါတ် ၆ လောက်အဆင့်ရှိတဲ့ သူ ၊ ဘာနိုင်ငံရေးအရောင်အသွေးမှမရှိ ၊ တစ်ခုခုပြောလိုက်တိုင်း ဗဟိုကိုတင်ပြပြီး အကြောင်းပြန်ပါ့မယ်ဆိုတဲ့စကားတစ်လုံးပဲတတ်တဲ့ ၊ ဘာတစ်ခုမှ အဆုံးအဖြတ်မပေးနိုင်တဲ့  ဦးဆွမ်လွတ်ဂမ် ကိုပဲလွှတ်လိုက်တာကရော ဘာသဘောလဲ .....

ဒီအတိုင်းပဲ နှစ်ဘက်တပ်တွေ နေရာရွေ့ပြောင်းရေးနှင့် ပတ်သက်ပြီး တရားဝင်တွေ့ဆုံ ဆွေးနွေးဘို့ကြိုတင်သဘောတူညီချက်ရယူထားပါလျက်နဲ့ တကယ်လဲတွေ့မယ်ဆိုရော တပ်ဘက်က ကစထမှူး ဒုတိယ ဗိုလ်ချုပ်ကြီး မြင့်စိုး တက် ရောက်ဘို့ရောက်လာတယ်  KIA ဘက်က ဒုတိယ စစ်ဦးစီးချုပ် ဆိုတဲ့ ဂွမ်မော် တက်မလာလို့ ဘာမှမဆွေးနွေးလိုက်ရဘူး ဒီတော့တိုက်ပွဲတွေတာရှည်ဦးမယ် ၊ နှစ်ဘက်မြေစာပင်တွေ သေရဦးမယ် ......

နေစမ်းပါဦး နိုင်ငံရေးဆွေးနွေးမယ်ဆိုတာ ဘာဆွေးနွေးမှာလဲ ၊ နိုင်ငံရေးဆိုတဲ့စကားလောက် ယေဘူယျဆန်ပြီး ကျယ်ပြန့်တဲ့စကားလောကမှာမရှိဘူး ၊ ဒါဆွေးနွေးပြီးမှ အပစ်ရပ်မယ်ဆိုလို့ကတော့ တစ်သက်လုံးတောင်ပြီးမှာမဟုတ်ဘူး.....

မင်းတို့ KIA ထိန်းချုပ်ထားတဲ့ နယ်မြေထဲမှာ တစ်ဘက်က တရုတ်တွေကို လုပ်ကွက်တွေ အမျိုးမျိုးပေးပြီး နှစ်ရှည်စာချုပ်တွေနဲ့ သစ်အပါအ၀င် သယံဇာတမျိုးစုံကိုရောင်းစားပြီးဝင်ငွေဖြောင့်နေတာ လူတိုင်းသိတယ်  ငြိမ်းချမ်းရေးယူလိုက်ရင် ဒီအခြေအနေထက်အသာစီးမရလို့ ဟိုအကြောင်းပြ ဒီအကြောင်းပြလုပ်နေတဲ့ကောင်တွေကို အပြတ်ဆော်ပစ်လိုက်တာပဲအေးတယ် ...

ခပ်ရိုင်းရိုင်းပဲ 

ဆိတ်ဖွား