xmlns:fb="https://www.facebook.com/2008/fbml"> Voice Of Myanmar: 2012

Monday, December 31, 2012

တွေးမိတွေးရာ


ကချင်ပြည်နယ်မှာ တိုက်ပွဲတွေ ဖြစ်နေတယ်.....
စစ်သားတွေလဲ ဒီတိုက်ပွဲတွေမှာ ပါဝင်နေရတယ်.........
မြစ်ဆုံ ၊ လက်ပံတောင်းတောင် ကြေးနီစီမံကိန်း ၊ ဓါတ်ငွေ့ပိုက်လိုင်း ကိစ္စတွေမှာ တရုတ်တွေ ပြဿနာ တက်နေတယ်........
ရခိုင်မှာ ကတော့ ကုလားပြဿနာပေါ့ဗျာ.....
ဒီလိုစဉ်းစားလိုက်တော့ အဲဒီ ကချင် ၊ စစ်သား ၊ တရုတ် ၊ ကုလား ဆိုတာတွေ တစ်ပေါင်းတည်းပါနေတဲ့ စကားပုံလေးတစ်ခုကို ကြံကြံဖန်ဖန်သွားသတိရနေမိတယ်......

ကချင်သုံးတဲ့ "ကား"
စစ်သားသုံးတဲ့ "ဓါး"
တရုတ်သုံးတဲ့ "လား"
ကုလားသုံးတဲ့ " မယား"   နောက်လူသုံးမရဘူးတဲ့.........

ဆိတ်ဖွား
 

KIA အခြေအနေမကောင်းမှ ထုတ်ပြန်သော ၈၈ မျိုးဆက်၏ ကြေငြာချက်

ရထားလမ်း ၊ တံတား ၊ မိုင်းထောင် လူသတ် လူသစ်စု၊ ရိက္ခာပို့ယာဉ်တန်းများ ၊ ဓါတ်အားပေး တိုင်များ ဖေါက်ခွဲဖျက်ဆီး ၊ ရဲစခန်းဝင်စီး ၊တပ်မတော်စစ်ကြောင်းများအား အလစ်အငိုက်ဝင်တိုက်၍ တပ်မတော်သားများ ကျဆုံးခဲ့ စဉ်များက မည်သည့်အသံတစ်စုံတစ်ရာမှ မကြားရသော ၈၈ မျိုးဆက်ကျောင်းသားများသည် တပ်မတော်စစ်ကြောင်းများက ပြန်လည်တိုက်ခိုက်၍ KIA အခြေအနေမကောင်းတော့မှ အောက်ပါကြေငြာချက်ကို ထုတ်ပြန်လိုက်ကြောင်းသိရှိရပါသည် ။


Monday, December 24, 2012

ကမ္ဘာ့မြေဆွဲအားသုံးမီးလုံး ( GravityLight )




ကမ္ဘာ့မြေဆွဲအားကို အသုံးပြု ၍ မီးလင်းနိုင်သည့် မီးလုံးကို ဗြိတိန် ကုမ္ပဏီတစ်ခုက တီထွင်လိုက်ရာ ထို မီးလုံးကြောင့် ကမ္ဘာတစ်ဝန်းလျှပ်စစ် ဓာတ်အားကို လက်လှမ်းမမီ၍ လျှပ် စစ်မီးမထွန်းနိုင်သော လူသား သန်း ထောင့်ငါးရာကျော်ကို အလင်းပေး နိုင်တော့မည်ဖြစ်ကြောင်းသိရသည်။
ထိုမြေဆွဲအားသုံး အယ်လ် အီးဒီ မီးလုံးတွင် ကြိုးဖြင့် ချိတ် ထားသော သဲအိတ်ငယ်တစ်ခု ပါ ဝင်သည်။ ထိုသဲအိတ်ငယ်ကို မီးလုံး တွင်ပါသော ဒိုင်နမိုတွင် ကြိုးဖြင့် ချိတ်ဆက်ထားသည်။ မြေဆွဲအား ကြောင့် သဲအိတ်ငယ်သည် အောက် ကို တဖြည်းဖြည်းချင်း လျှောကျ သွား သည်တွင် ဒိုင်နမိုကို လှည့် ပေးသကဲ့သို့ ဖြစ်ပြီး လျှပ်စစ်ဓာတ် အား ထွက်လာကာ မီးလုံး လင်းလာ မည်ဖြစ်သည်။ သဲအိတ်ငယ် အောက် ဆုံးသို့ ရောက်ရှိသွားပါက အပေါ် ဆုံး ပြန်ရောက်အောင် သုံးစက္ကန့်ခန့် သာ ပြန်ရစ်တင်ရပြီး ပြန်လွှတ်ထား ပေးပါက နာရီဝက်ခန့်ထိ မီးလင်းနေ နိုင်စွမ်းရှိကြောင်းလည်း သိရသည်။ ထိုမီးလုံးကို GravityLight ဟု အမည် ပေးထားသည်။ ထိုမီးလုံးကို လန်ဒန် အခြေစိုက် Deciwatt.org ကတီထွင် ခြင်းဖြစ်သည်။
ထိုမီးလုံးသည် လျှပ်စစ် ဓာတ် အားရှိရန် မလိုအပ်ဘဲ မီးလင်းနိုင် မည်ဖြစ်သောကြောင့် ကမ္ဘာတစ်ဝန်း လျှပ်စစ်ဓာတ်အား လက်လှမ်းမမီ သော လူသား သန်းထောင့်ငါးရာ ကျော်ထံသို့ အလင်းရောင် ဆောင် ကြဉ်းပေးနိုင်မည် ဖြစ်သည်။

Sunday, December 23, 2012

မြန်မာမီဒီယာတို့၏ မျှတသောစိတ်ထား

KIA က အစိုးရတပ်ကိုတိုက်ရင် ဒါ တော်လှန်ရေးလုပ်တာ  ကချင်လူမျိုးကောင်းစားရေးလုပ်တာ ......
အစိုးရတပ်က KIA ကိုတိုက်ရင် တိုင်းရင်းသားတွေကို အနိုင်ကျင့်တာ ၊  နှိပ်စက်တာ ။

မီဒီယာတွေက အစိုးရနဲ့ အစိုးရတာဝန်ရှိသူတွေကို ရေးရင် ပြောရင် ဒါ ပြည်သူ့ကိုယ်စား ထောက်ပြတာ မီဒီယာတာဝန်ကျေတာ.....
အစိုးရနဲ့ အစိုးရတာဝန်ရှိသူတွေက မီဒီယာကိုပြောရင် တော့ လွတ်လပ်စွာပြောဆိုခွင့်ကိုပိတ်တာ ၊ မီဒီယာ လွတ်လပ်ခွင့်ကိုထိပါးတာ ၊ စာပေလွတ်လပ်ခွင့်မရှိတာ ။

အစိုးရနဲ့မီဒီယာ တရားတဘောင်ဖြစ်လို့ မီဒီယာဘက်ကနိုင်ရင် ဒါ မှန်လို့ နိုင်တာ 
မီဒီယာဘက်ကရှုံးရင် တရားရေးမဏ္ဍိုင်ယိုင်တာ ။

တစုံတစ်ယောက်က အစိုးရနဲ့ ဌာနဆိုင်ရာတာဝန်ရှိသူတွေကို တရားစွဲရင် ၊ဒါမှမဟုတ် ဆန့်ကျင်ရင် ဒါရဲရင့်တာ ၊ ဟုတ်တိုင်းမှန်ရာပြောဝံ့တာ....
အစိုးရနဲ့ ဌာနဆိုင်ရာတစ်ခုခုက တစုံတစ်ယောက်ကို တရားစွဲရင်တော့   ပြည်သူကိုအနိုင်ကျင့်တာ ၊အာဏာပြတာ ။

မြန်မာမီဒီယာတို့ရဲ့ မျှတသောစိတ်ထားလေးတွေထဲက အချို့ပါ.... ကြည်ညိုစရာကြီးနော်...

ဒေါက်တာဆိတ်ဖွား




Thursday, December 20, 2012

သေသောသူကိုလေးစားပါ၊အောက်ခံ၊အတွင်းခံ၊အဝတ်အစား အပြည့်အစုံဝတ်ကြပါ ။

ချစ်သူ၊ မုန်းသူ၊ ရန်သူ၊ ကိုယ်မသိသောသူ၊ ဘယ်သူပဲဖြစ်ဖြစ်,,အကြောင်းအမျိုးမျိုး၊ ပုံစံအမျိုးမျိုးနှင့်သေဆုံးနေသူများရဲ့ရုပ်အလောင်းဓာတ်ပုံများကို သတင်းတစ်ခုအနေဖြင့် လုံလောက်သော တင်ပြမှုထက်ကျော်လွန်ပြီး တစ်ခါတစ်ရံ လူသားဟုပင်ပုံဖော်ကြည့်ရန် ခက်ခဲသည့်ရုပ်အလောင်းများ ပါမချန် ကြော်ငြာကဲ့သို့ Public, သတင်းစာမျက်နှာတွေမှာ အကြိမ်ဖန်များစွာတင်ပြနေကြသူတွေရဲ့ ဦးနှောက် ၊နှလုံးသား နဲ့ရည်ရယ်ချက်တွေကို နားလည်လို့မရပါ၊၊ 

အထူးသဖြင့် အဖြစ်ဆိုးနဲ့အပြစ်မဲ့စွာသေဆုံးရသူနှင့် သူ့၏ကျန်ရစ်သူမိသားစုတို့အပေါ် ထားသင့်တဲ့ ကိုယ်ချင်းစာတရားနှင့်လေးစားရမဲ့ကျင့်ဝတ်တွေကိုသူတို့ဘယ်ချောင်မှာသွားထားလဲမသိပါ၊ သေသူ ရုပ်အလောင်းနေရာမှာ ကိုယ်ဖြစ်နေမယ်ဆိုရင် ဒါမှမဟုတ်ကိုယ့်မိသားစုဝင် တစ်စုံတစ်ဦးဖြစ်နေမယ် ဆိုရင် အသက်တစ်ချောင်းကိုစွန့်လွှတ်ဆုံးရှုံးသွားလိုက်ရတဲ့အပြီး နောက်ထပ် အဲဒီလိုသေရပါတယ်ဆိုတဲ့ အဖြစ်ဆိုးကို ဆက်ပြီးအကျယ်တဝန့်ဖော်ပြခံချင်ပါသလားလို့မေးရင် Yes နဲ့ No အဖြေ ၂ ခုကိုရွေးကြည့်ပါ၊

ဒီရက်ပိုင်းလေးအတွင်း အမေရိကားမှာဖြစ်သွားတဲ့  စိတ်ဝေဒနာရှင်သေနတ်သမားကြောင့်သေဆုံး သွားကြရတဲ့ မူလတန်းခလေးငယ်လေးတွေရဲ့မမြင်ရက်စရာသွေးချောင်းစီးနေတဲ့ပုံတွေကို စိတ်အမှန်းနဲ့ ပဲကြည့်လို့ရပါမယ်၊ သတင်းတွေကိုရုပ်အလောင်းဓာတ်ပုံတွေနဲ့ ဖေါ်ပြမှုမရှိတာ သတိထားကြည့်နိုင်ပါတယ်၊ အခြားနိုင်ငံအတော်များများမှာလည်းလူသတ်မှု၊ မုဒိမ်းမှု ဘယ် accident နဲ့သေတဲ့သူပဲဖြစ်ဖြစ်၊ ပုလိပ်ကပစ်ဖမ်းလိုက်ရလို့အသေမိတဲ့လူသတ်သမားပဲဖြစ်ဖြစ် အနည်းဆုံးတော့ အဝတ်ဖြူ (သို့မဟုတ်) တစ်စုံတစ်ခုနှင့်ဖုံးလွှမ်းပြီးမှ သတင်းအဖြစ်တင်ပြလေ့ရှိတာတွေ့ရပါတယ်၊ ဓာတ်ပုံနဲ့တစ်ကွ သတင်းကိုဖော်ပြတယ်ဆိုရင်တောင် သူတို့သက်ရှိထင်ရှားရှိခဲ့စဉ်က ရိုက်ထားတဲ့ ပုံနဲ့သာပြလေ့ရှိပါတယ်၊ ဒါဘာကြောင့်လည်းဆိုတာ စဉ်းစားကြည့်ဖို့လိုပါလိမ့်မယ်၊ အများကြီး မတွေးကြည့်နိုင်ရင်တောင်မှ ဒါဟာလူသားအချင်းချင်းကြားမှာရှိတဲ့ စာနာထောက်ထားမှု ဆိုတဲ့ကျင့်ဝတ်ကိုစောင့်ထိန်းတဲ့ သူတို့ရဲ့ ယဉ်ကျေးမှုတစ်ရပ်ပဲလို့ တွေးမိမယ်ဆိုရင် မှားမယ်လို့မထင်ပါ။

လွန်ခဲ့တဲ့ ငါးလ,ခြောက်လလောက်က ရန်ကုန်မြို့ အတွင်းကတိုက်ခန်းအမြင့်တစ်ခုလို့ထင်ပါတယ် ၊ဆွေးနေတဲ့နောက်ဖေးလှေကားမှာဖုန်းထွက်ပြောရင်းလှေကားကျိုးပြီး နောက်ဖေးလမ်းကြားက အင်္ဂတေကျောက်ပြားပေါ်ကိုပြုတ်ကြပြီ့း ခွေခွေလေးသေဆုံးနေတဲ့,မိန်းခလေးငယ်တစ်ယောက်ရဲ့ ပုံနဲ့သတင်းကို သစ်ထူးလွင်ဆိုတဲ့ သတင်းဘလောခ့်တစ်ခုမှာတွေ့လိုက်ရပါတယ်၊ ငါ့ညီမလေးသာဆိုရင် ဆိုတဲ့အတွေးနဲ့  Public စာမျက်နှာပေါ်မှာ အဲဒီလိုပုံစံကြီးနဲ့ မြင်နေရတဲ့ ပုံကိုကြည့်ရင်း အတော်ကိုစိတ်ထိခိုက်လိုက်ရပါတယ်၊ အဲဒီပုံကိုပြပြီးသတင်းတင်တဲ့ သူကိုလည်းအတော်ကို စက်ဆုတ်ပြီး ဒေါသဖြစ်ခဲ့ရပါတယ်၊ သတင်းသမားတွေအတွက်ခုချိန်မှာဘယ်သတင်းမဆို ဖော်ပြနိုင်တဲ့
အခွင့်ရေးရှိကြပါတယ်၊ ဒါပေမဲ့ထိုက်သင့်တဲ့ တင်ပြမှုနှင့် အတိုင်းအတာ ယဉ်ကျေးမှုတစ်ခုတော့ ရှိသင့်ပါတယ်။

ဒီမိုကရေစီဆိုတာ အကုန်လွတ်လပ်ပြီးလုပ်ချင်တိုင်း လုပ်လို့ရတဲ့စံနစ်မဟုတ်ပါဘူး၊ ဒီမိုကရေစီနိုင်ငံကြီးတွေ မှာ တကယ်တော့သွးသံရဲရဲနဲ့သေနေတဲ့လူရဲ့ပုံတွေကိုပြလေ့မရှိပါဘူး,မမြင်သင့်မမြင်အပ်တဲ့အရာကို မပြဘူးဆိုတာ သေသူနဲ့ကျန်ရစ်တဲ့မိသားစုကိုသာမက ကြည့်မိသောသူ တွေ့မြင်နို်င်မဲ့သူ ကိုပါ လေးစားခြင်းပါ၊  ဒါဟာယဉ်ကျေးမှုတစ်ရပ်လို့ဆိုရပါလိမ့်မယ်၊ အဲဒီလိုအပိုင်းမှာယဉ်ကျေးမှု မရှိတဲ့ နိုင်ငံတွေအတော်များများရှိနေကြတဲ့အထဲမှာ မြန်မာနိုင်ငံကဘယ်အဆင့်မှာ လိုက်နေလဲ ဆိုတာတော့ မပြောတတ်ပါ။

 မြန်မာနိုင်ငံမှာအဖြစ်အပျက်တစ်ခုဖြစ်လေတိုင်း ဖြစ်တဲ့နေရာ၊ဖြစ်တဲ့အမှုနဲ့ပတ်သတ်ပြီးကိုင်တွယ်ရတဲ့ တာဝန်ရှိသူတွေမှာ အားနည်းချက်တွေရှိသလို၊ တစ်ချို့သတင်းသမားတွေအပိုင်းမှာလည်း သတင်းသမား တစ်ယောက်ရဲ့ စောင့်ထိန်းရမဲ့ ကျင့်ဝတ်တွေမရှိပဲ ဘောင်ကျော်ပြီး မျောက်တ္ပေ ကင်မရာ ကိုင်နေသလိုတွေ့နေရပါတယ်၊ ဖြစ်စဉ်တစ်ခုအတွင်း မပြောနိုင်,မဆိုနိုင်တော့တဲ့ ဒုက္ခသည် ကာယကံရှင် ရဲ့အရှက်နဲ့ဂုဏ်သိက္ခာကိုမငဲ့နိုင်၊ အကုန်ရိုက်၊အကုန်တင်၊သင့်၏မသင့်၏ Limite မရှိပါ။ တစ်ခုခုဆိုရင် အရေးပေါ်ကူညီနိုင်ဖို့ထက် မျောက်ပွဲလိုပြေးပြီးဘေးကရပ်ကြည့်တဲ့လူအုပ်က တပ်မတစ်ခုလောက်ဖြစ်နေ တတ်ပါသေးတယ်။ ဒါကတော့လူ့သဘာဝအရ စပ်စုတတ်ကြတော့ အပြစ်လို့ပြောလို့မရတဲ့ ဓလေ့ထုံးစံပါ၊ သူတို့ကလည်းပါလာတဲ့လက်ကိုင်ဖုန်းတွေနဲ့ ရိုက်ပြီး သတင်းဦး သတင်းထူး ဆိုပြီး facebook ပေါ်တင်ကြအုံးမှာပါ ။

ပြောရမယ်ဆိုရင် မြန်မာပြည်မှာ,တစ်စုံတစ်ခုအဖြစ်ဆိုးနဲ့ကြုံခဲ့ရင်,ကိုယ်သေပြီးနောက်ပိုင်းတောင်  မလွယ်လှပါလားလို့တွေးမိပါတယ်၊,ကိုယ့်ခန္ဓာကတွင်းထဲမှာ,,အရိုးကျနေရင်တောင်,,အသက်ထွက်ချိန်မှာ ပုံစံတစ်ခုခုနဲ့(မျက်စေ့ထွက်နေမယ်,ပါးစပ်ကြီးဟနေမယ်,ပြလို့ဘယ်လိုမှမြင်မကောင်း)တဲ့,,ကိုယ့်ဓာတ်ပုံဟာ စာနာမှုကင်းမဲ့တဲ့လူတွေရဲ့ အမျိုးမျိုးသောရည်ရွယ်ချက်နဲ့ သူတို့ရဲ့အတ္တအတွက် အချိန်အတော်ကြာ အသုံးချခံရနိုင်ဖွယ်ရှိပါတယ်၊ဒီတော့ အခြားနိုင်ငံမှာတွေထက် မြန်မာပြည်မှာသွားသတိ၊စားသတိအထူးရှိဖို့ လိုအပ်ပါလိမ့်မယ်၊ ကံတရားကိုမမြင်နိုင်တဲ့အတွက် အိမ်ကထွက်သွားပြီဆိုတာနဲ့ လမ်းမှာကိုယ်ဘာဖြစ်မယ် ဆိုတာကိုမသိနိုင်ပါဘူး ၊တစ်စုံတစ်ခုများဖြစ်ခဲ့ရင် စိန်မျောက်မျောက် သတင်းသမားတွေက သတင်းယူဖို့က အဆင်သင့်ပဲ၊ ဘေးများတွေ့ခဲ့ရင်သေ၊မသေတော့မသေချာဘူး၊ ဒါပေမဲ့ဘေးပရိသတ်နဲ့ သတင်းသမားတွေရဲ့ဓာတ်ပုံရိုက်ချက် ခံရဖို့ကတော့သေချာ ပါတယ်၊ ဒီမိုကရေစီအသွင်ကူးပြောင်းဖို့ အစပျိးနေတဲ့အချိန်လေးပဲဖြစ်နေသေးတာမို့ လောလောဆယ် အခြေအနရ ကောင်း/မကောင်း၊သင့်/မသင့် ဆိုတာတွေ၊ အရည်အချင်းထက်၊အရည်အတွက်ဆိုတာတွေက ပုံစံအမျိုးမျိုးနဲ့ ရောထွေးနေပါ တယ်၊ ကောင်းခြင်းဆိုးခြင်းတွေကို ကိုယ်သိထားသမျှ အပြုသဘော၊ မျှဝေတဲ့သဘောနဲ့ ဘယ်လိုပဲပြောပြော,, ပြောမိတဲ့သူမှာ အပြစ်ကျအဆဲခံနေရအုံးမဲ့အချိန်ပါ၊

ဒီတော့ အသွားမတော် တစ်လှမ်း ဒီမိုကရေစီအပြည့်အဝရှိတဲ့နိုင်ငံတွေကလို စံနှုန်းထားတွေ ယဉ်ကျေးမှုတွေ မထွန်းကားသေးတဲ့အတွက် တစ်စုံတစ်ခု အသက်ဘေး အန္တရယ်နဲ့ကြုံလို့ ကတော့ သေပင်သော်ငြား အနည်းဆုံး ကိုယ့်ယဉ်ကျေးမှုလေးနဲ့ကိုယ်ဖြစ်နေဖို့ အတွက် အောက်ခံ၊အတွင်းခံ၊အဝတ်အစား အပြည့်အစုံဝတ်ကြပါ၊  မိသားစုကိုဆက်သွယ်လို့ရမဲ့ ဖုန်းနံပါတ်နဲ့လိပ်စာတွေကို သွားလေရာကိုယ်နဲ့မကွာ ယူဆောင်သွားတဲ့ ဓလေ့ကိုလည်းကျင့်သုံးကြပါ၊ ကိုယ့်မိသားစုရောက်မလာမချင်း တာဝန်ရှိလူကြီးတွေကအစ မိမိရုပ်အလောင်းကောင်ကြီးကို ကြည့်ပျော်ရှုပျော် အနေအထား,ထားပေးနိုင်၊မနိုင် မသေချာပါ၊ဟိုလူကြည့်ဒီလူကြည့်နဲ့ ဓာတ်ပုံတွေ တစ်ဖျတ်ဖျတ်ရိုက်ကြရင်း မျေက်ပွဲကကြာနိုင်ပါတယ်။

ဒီတော့အကောင်းဆုံးကတော့ မြန်မာပြည်မှာ အပြင်ထွက်ရင် သံဗုဒ္ဓေရွတ်ပါ၊ ကိုယ့်ကိုကိုယ်သရဏဂုံ တင်ပါ၊ ဖုန်းနဲ့,လိပ်စာ,အိပ်မှာချိတ်ပါ၊ ယောက်ကျား/မိန်းမ မဟူ အားလုံးသောသူတွေ အောက်ခံအတွင်းခံ အဝတ်အစား အပြည့်စုံဝတ်ကြပါ ဘယ်လိုမှအမှားမရှိဘူးလို့ဆိုချင်ပါတယ်။ ။ 

မှတ်ချက်။ ။ (သတင်းသမားစိန်မျောက်မျောက်တွေလို့ ဆိုရာမှာ သတင်းသမားကျင့်ဝတ်နှင့်ညီပြီး၊ ကိုယ်ချင်းစာတရားနှင့် အရည်အချင်းပြည့်ဝတဲ့ သတင်းသမားများလည်းရှိနေတဲ့အတွက် အားလုံးလို့ မဆိုလိုပါ၊ ဤရေးသားမှု၌ အသုဘရှု တရားသဘောနှင့်ရေးသားခြင်းမျိုးမဟုတ်ပါ၊ လူသားချင်းအတွင်း မှ လေးစားမှု၊ယဉ်ကျေးမှု၊ ရှု့ဒေါင့်နှင့် ကိုယ့်အမြင်ခံစားချက် က်ို ဝေမျှခြင်းသာဖြစ်ပါတယ်၊ လူချင်းမတူကြ၍ အယူအဆလည်းကွဲပြားနိုင်ပါသည်၊ မည်သူနှင့်မျှအငြင်းမပွားလိုပါ၊။)
 
အချင်းချင်းမေတ္တာပွား၊ကိုယ်ချင်းစာတရားတွေထား၊ လေးစားမှုယဉ်ကျေးမှုတွေ ထွန်းကားပြီး အားလုံးဘေးရန်ကင်းကြပါစေ။ ကျေးဇူးတင်ပါသည်။


ဒါလီ,Darli
18-12-2012

Monday, December 17, 2012

စထရိတ်စ်တိုင်းမ်စ် သတင်းစာ၏ ၂၀၁၂ ခုနှစ်အတွက် ထူးချွန် ထင်ရှား အာရှသား အဖြစ် နိုင်ငံတော် သမ္မတ ဦးသိန်းစိန် ရွေးချယ်ခြင်း ခံရ


ပြည်ထောင်စု သမ္မတ မြန်မာနိုင်ငံတော် နိုင်ငံတော် သမ္မတ ဦးသိန်းစိန်ဟာ အမေရိကန် နိုင်ငံရဲ့ သတင်းစာကြီး တစ်ခုဖြစ်တဲ့ စထရိတ်စ် တိုင်းမ် သတင်းစာရဲ့ ၂၀၁၂ ခုနှစ်အတွက် ထူးချွန် ထင်ရှား အာရှသား အဖြစ် ရွေးချယ်ခြင်း ခံရတယ်လို့ သိရပါတယ်။ နိုင်ငံတော် သမ္မတ အနေနဲ့ အခုလို ရွေးချယ်ခြင်း ခံရမှုဟာ မြန်မာနိုင်ငံရဲ့ နိုင်ငံရေးနဲ့ စီးပွားရေး ပြောင်းလဲမှုများကို ရှေ့တန်းမှ ဦးဆောင်သူ ဖြစ်ကြောင်း၊ မြန်မာနိုင်ငံ အပေါ် နိုင်ငံ အများစုရဲ့ ရှုမြင် သုံးသပ်မှုများကို အပြောင်းအလဲ ဖြစ်စေခဲ့တဲ့ ခေါင်းဆောင် တစ်ဦး ဖြစ်ကြောင်းစတဲ့ အချက်တွေကြောင့် ပေးအပ်တာ ဖြစ်တယ်လို့ သိရပါတယ်။

ဒါ့အပြင် အခုလို ပြောင်းလဲမှုများရဲ့ အကျိုးရလဒ် များဟာ ကမ္ဘာ တစ်ဝန်းလုံးကို အံ့အားသင့် စေခဲ့ပြီး သမ္မတရဲ့ ရိုးသားမှုကို ဒေါ်အောင်ဆန်းစုကြည် မှလည်း အသိအမှတ်ပြု ထောက်ခံ ခဲ့ကြောင်း၊ အနောက် နိုင်ငံများရဲ့ ပိတ်ဆို့ အရေးယူမှု များကို ဖယ်ရှားစေဖို့နဲ့ ကမ္ဘာတစ်ဝန်းက ရင်းနှီးမြှုပ်နှံ သူများက မြန်မာနိုင်ငံကို ပိုမိုစိတ်ဝင်စား စေရန် စွမ်းဆောင် နိုင်ခဲ့ကြောင်း အစရှိသဖြင့် ဖော်ပြပါရှိ ထားတာ ဖြစ်ပါတယ်။

ဒါတင်မကဘဲ နိုင်ငံတော် သမ္မတ ဦးသိန်းစိန်ရဲ့ စွမ်းဆောင်ချက် များဟာ မြန်မာနိုင်ငံ အတွက် မဟာဗျူဟာ အခွင့်အလမ်းသစ် များကို ပေါ်ထွန်းစေပြီး အရှေ့တောင် အာရှအတွက် သာမက ထိုထက် ကျယ်ပြန့်တဲ့ အာရှတိုက် တစ်ဝန်းကို ကောင်းကျိုး သက်ရောက် စေနိုင်မယ့် လုပ်ငန်းများကို ဖော်ဆောင် နိုင်ခဲ့ကြောင်း စတဲ့ အချက်တွေကြောင့် ပေးအပ်တာ ဖြစ်တယ်လို့ သိရှိရပါတယ်။

အခုလို စထရိတ်စ် တိုင်းမ်စ် သတင်းစာရဲ့ တစ်နှစ်တာ ထူးချွန် ထင်ရှား အာရှသား ဆုကို နှစ်စဉ် ဒီဇင်ဘာ လတိုင်းမှာ ကြေညာလေ့ ရှိတာဖြစ်ပြီး အဆိုပါ ဆုဟာ မိမိရဲ့ နိုင်ငံ သို့မဟုတ် ပိုမို ကျယ်ပြန့်တဲ့ ဒေသမှ လူများရဲ့ ဘ၀များ ပိုမိုသာယာ လှစေဖို့ စွမ်းဆောင် ပေးနိုင်တဲ့ လူဂ္ဂိုလ် အဖွဲ့အစည်းများကို ချီးမြှင့်တဲ့ဆု ဖြစ်တယ်လို့ သိရပါတယ်။
MRTV 4

Tuesday, December 11, 2012

မန္တလေးမြို့ မြဝတီမင်းကြီးကျောင်းတိုက် ဆရာတော် ဦးအရိယဝံသာဘိဝံသ ၏ မေတ္တာရပ်ခံစာ


၁။ ယနေ့အချိန်အခါသည် အမျိုးသားရင်ကြားစေ့ရေး (အချင်းချင်းယုံကြည်မှု ချစ်ခင်ကြင်နာမှု)တို့ကို တည်ဆောက်နေရသော အချိန် ကာလသမယဖြစ်ပါသည်။

၂။ နားလည်မှုကိုအခြေခံကာအပြန်အလှန် ခွင့်လွှတ်မှု သီးခံမှုတို့ဖြင့် စိတ်ကောင်းစေတနာ ကောင်းတို့ကို ထုတ်ဖေါ် ပြသရမည့်အချိန်အခါဖြစ်ပါသည်။

၃။ သို့ပါ၍ဟိုဘက်သည်ဘက် နှစ်ဘက်လုံးမှ တိုင်းပြည်ကိုထိခိုက်နစ်နာစေမည့်  အပြုအမူများကိုမပြုလုပ် ကြရန်နှင့်တိုင်းပြည်ညီညွတ်ရေးကိုအထောက် အကူပြုစေမည့်လုပ်ဆောင်မှုများကို စဉ်းစားလုပ်ဆောင်ကြရန် မေတ္တာရပ်ခံတိုက် တွန်းအပ်ပါသည်။


ဦးအရိယဝံသာဘိဝံသ
ပဓာနနာယကဆရာတော်
မြဝတီမင်းကြီးကျောင်းတိုက်
မန္တလေးမြို့။
ဖုန်း- ၀၉၉၁၀၄၁၀၄၆


တစ်ခွန်းသူ့ကိုပြောလိုက်ပါ


ငါ့သားများ ထောင်ထဲဝင်ရင်လေ
သူ့ကိုပြောလိုက်စမ်းပါကွာ.....

ထောင်ဆိုတာ
ကျန်ရစ်သူမိသားစုက 
မီဒီယာနဲ့သာအပိုင်ချိတ်ထားနိုင်ရင် 
တကယ့်သူရဲကောင်း ၊ လူစွမ်းကောင်းကြီးတွေ
ဖြစ်စေနိုင်တဲ့ ကျောင်းကြီးပေါ့.......

ဒေါက်တာဆိတ်ဖွား

Monday, December 10, 2012

" ဖြေရှင်းခြင်း "

မီးပွားပုံနှိပ်တိုက်တွင်ပုံနှိပ်၍ ပြဿနာစာပေမှ တာဝန်ယူဖြန့်ချိသော စာရေးဆရာ ဒေါက်တာဆိတ်ဖွား၏ " မီဒီယာနွံထဲက နောက်အင်္ဂါယားနေကြသူများ" စာအုပ်မျက်နှာဖုံးတွင်ဖေါ်ပြပါရှိသည့် The Voice Weekly ဂျာနယ်မှ အယ်ဒီတာချုပ် ကျော်မင်းဆွေ၏ပုံမှာ စာအုပ်နှင့်မည်သို့မျှမသက်ဆိုင်ပါကြောင်းနှင့် ယင်းကဲ့သို့ထည့်သွင်းဖေါ်ပြမိသည့်အတွက် ကာယကံရှင်၏ မူလအလုပ်အကိုင်နှင့် တိုက်ဆိုင်သွားခြင်းအပေါ် အထူးစိတ်မကောင်း ၀မ်းနည်းပါကြောင်း ။

အယ်ဒီတာ

ကိုယ့်အလှည့်ကျတော့ " ဖြေရှင်းခြင်း " တဲ့လား The Voice Weekly ရယ်


ပတ်ဝန်းကျင်မှ တွေ့ရာ မိန်းကလေးများပုံကို ဓါတ်ပုံရိုက်ယူပြီး မကောင်းတာလုပ်စားတဲ့ (ဖာ) အသွင် ဖော်ပြချက်ကြောင့် The Voice Weekly တောင်းပန်ရ

The Voice Weekly ဂျာနယ် သည် ၂၀၁၂ ခုနှစ် ဒီဇင်ဘာလ ထုတ် Vol 8,No 48 စာမျက်နှာ ၁၈ တွင်ဘဝနွံထဲက အကြွေပန်းလေးများ ဟုဆိုသော ခေါင်းစဉ်ဖြင့် လမ်းမကြီးဘေးတွင် မကောင်းတာလုပ်စားသော (ဖာ) ပြည့်တန်ဆာ အမျိုးသမီးများဘဝ အား ဆောင်းပါးတစ်ပုဒ်ဖော်ပြခဲ့ရာတွင် ထိုဆောင်းပါးတွင် ပါရှိသော ဓါတ်ပုံမှာ လမ်းဘေးတနေရာတွင်အမျိုးသမီးငယ်တစ်စု စုစည်းနေပုံကို ပိုင်ရှင်မသိပဲ ခိုးယူရိုက်ယူခဲ့ပြီး ဆောင်းပါးနဲ့ တွဲစပ်၍ ပြည့်တန်ဆာ(ဖာ)များအသွင် သရုပ်ဖော် ခဲ့ပါသည် ။ ထို့နောက် ယခုအခါထိုဓါတ်ပုံကြောင့် ပြဿနာများ ဖြစ်ပွါးလာပြီဖြစ်သောကြောင့် ဖြေရှင်းချက် ဟု ခေါင်းစဉ်တပ်ကာထိုအမျိုးသမီး၎ဦးမှာ ပြည့်တန်ဆာ(ဖာ)များမဟုတ်ကြောင်း ပြန်လည်ရေးသားသော် လည်း တောင်းပန်ခြင်း ဝန်ခံခြင်း အလျင်းမပြုလုပ်ပဲ ဝတ်ကျေတန်းကျေ ဖြေရှင်းချက်ဟု၍ ထုတ်ခဲ့ပါသည် ။

ထိုဓါတ်ပုံကြောင့် ဓါတ်ပုံတွင် ပါရှိလာသော အမျိုးသမီးတစ်ဦးဖြစ်သူ (ထဘီဝတ်ဆင်ထားသူ) မအေးအေးနွယ် (အမည်ပြောင်းထား) ဆိုသူ သည် စမ်းချောင်းမြို့နယ်ရှိ အိမ်ခြံမြေ ဝယ်/ရောင်း အကျိုးဆောင် ကုမ္မဏီတွင် အလုပ်လုပ်နေရာမှ နှူတ်ထွက်ခဲ့ရပြီး ပတ်ဝန်းကျင်တွင် အရှက်ကွဲကာ ယခုအခါဆေးခန်းတစ်ခုတွင် depression ခေါ် စိတ်ဓါတ်ကျဆင်းခြင်း ဖြစ်နေ၍ စိတ်ရောဂါကု ဆရာဝန်တစ်ဦးနှင့် ကုသနေရပါသည်။

online book club

Saturday, December 8, 2012

အိုဘယ့် ဒီမိုကရေစီ


တားတား လုပ်ချင်ရာလုပ်လို့ရပြီ
ရဲလဲကြောက်ရတော့ဝူး
ဖမ်းလဲခံရတော့ဝူး
ဒူ့မှ သောက်ဂုစိုက်ဝူး
အဲဒါ..... တရုတ် , စီဝိုင်စီသင်္ကန်း ရုံထားလို့ပေါ့.........

(တရားဥပဒေစိုးမိုးရေး၊ ပြည်သူများအေးချမ်းစွာနေထိုင်နိုင်ရေး၊ နိုင်ငံတော်အချုပ်အခြာအာဏာ ပြိုကွဲပြီး ချောက်ထဲ
ကျခါနီး  အခြေအနေကနေ လက်တစ်လုံးအလိုမှာ တပ်မတော်က ကယ်တင်လိုက်မှ ဟုတ်ပေ့ဖြစ်နေမယ်... )

ဆိတ်ဖွား

Monday, December 3, 2012

မဟုတ်မခံ

လတ်တလောဖြစ်နေတဲ့အရေးတွေကို ကြည့်လိုက်ရင် ဘာသွားတွေ့လဲဆိုတော့ မြန်မာတွေအများစုဟာ မဟုတ်မခံစိတ်ရှိသူတွေ ဆိုတာသွားသတိပြုမိတယ်..........
မဟုတ်လဲမဟုတ်ဘူး .. ခံလည်းမခံဘူး....

ဒေါက်တာဆိတ်ဖွား

သမိုင်းမှာ တရားခံမဖြစ်စေဖို့

လက်ပံတောင်းတောင်အရေးတွင် တောင်းဆိုသူတို့က ဒေါ်လာ ၂ဘီလီလျံလောက်ရင်းနှီးမြှုတ်နှံထားတဲ့ စီမံကိန်းကြီးတစ်ခုလုံးကို လုံးဝရပ်တန့်ပေးဘို့ တောင်းဆိုကြတယ် ၊ သဘာဝပတ်ဝန်းကျင်မျက်နှာဖုံးတပ်ထားပေမယ့် တရုတ်ပိုင်ကုမ္ပဏီနဲ့ စစ်တပ်ပိုင်ဦးပိုင်လီမိတက် ကလုပ်နေတဲ့စီမံကိန်းမို့ အဓိကတိုက်နေခိုက်နေတာဖြစ်တယ်ဆိုတာ သိသာတယ်....

ဒီတောင်းဆိုမှုဆိုတာကြီးကို လက်ရှိနိုင်ငံတော်ကိုအုပ်ချုပ်နေတဲ့ အစိုးရကလည်းသဘောမတူဘူး ၊ သဘောမတူလို့သာလျင်ခုလို သပိတ်စခန်းတွေကို ရှင်းတဲ့လင်းတဲ့အထိ ပြည်ထဲရေးဝန်ကြီးဌာနကို တာဝန်ပေးတာဖြစ်တယ် ။

နောက်လူထုထောက်ခံမှုအများဆုံးရပါတယ်၊ အနောက်နိုင်ကြီးတွေကတောင် အလေးထားဆက်ဆံခြင်း ခံနေရပါတယ်ဆိုတဲ့ဒေါ်အောင်ဆန်းစုကြည်ကလည်း လက်မခံဘူး သူလက်မခံဘူးဆိုတာ မုံရွာခရီးစဉ်တစ်လျောက် ပြောသွားတဲ့ ပြောကြားချက်တွေထဲမှာ သိသာနေတယ် ၊ ရဲတပ်ဖွဲ့ရဲ့ အဓိကရုဏ်းနှိမ်နင်းပုံကို ဘ၀င်မကျပေမယ့် ဒီစီမံကိန်းကြီးလုံးဝရပ်တန့်ပေးဘို့ကိုတော့ သူမလည်းလက်မခံဘူး ။

ဒီပြသနာကို သဘာဝပတ်ဝန်းကျင်ပျက်စီးမှာကို စိုးရိမ်နေတဲ့ဒေသခံတွေက ကန့်ကွက်နေကြတာလို့ လွယ်လွယ်တွေးမယ်ဆိုရင် သိပ် ' အ 'ရာကျပါ့မယ် ၊ နောက်ကွယ်မှာဒီပြဿနာကို run နေတဲ့အဖွဲ့အစည်းတွေ ရှိကိုရှိပါမယ် ၊ ဘာလို့ဒီလိုပြောနိုင်လဲဆိုတော့ ဒီအရေးမှာ သံဃာတွေပါလာတာဟာ ပထမဆုံး မုံရွာဒေသခံသံဃာတွေ မဟုတ်ပါဘူး မီးလာမွှေးတာက အရင်စစ်အစိုးရလက်ထက် ထစ်ကနဲဆိုပါနေကြ နိုင်ငံရေးအရောင်မကင်းတဲ့ ပခုက္ကူနဲ့ မန္တလေးမစိုးရိမ်တိုက်သစ်က သံဃာဆိုသူတွေ ဖြစ်နေပါတယ် ။



ဒီပုံမှာကြည့်ပါ ဖြစ်တာက ဆားလင်းကြီးမြို့နယ် လက်ပံတောင်းတောင်မှာ ရောက်နေတဲ့သံဃာဆိုသူရဲ့ နေရပ်က မစိုးရိမ်ကျောင်း မန္တလေး ဖြစ်နေပါတယ် ။
ဒီလိုပြောလို့ မင်းကသံဃာအတုလို့ဆိုချင်တာလား ၊ ဒီမှာသံဃာ့မှတ်ပုံတင်ရှိတယ်ကွ ဘယ်နှဝါရပြီ ဘာညာ ပြောကောင်းပြောကြမှာပါ သင်္ကန်းရုံထားတိုင်းသံဃာ ၊ ရဟန်းမှတ်ပုံတင်ရှိတိုင်း သံဃာဟု တထစ်ချမဆိုနိုင်ပါ  ဘုရားမှတ်လို့ကိုးကွယ်၊ဖွတ်ထွက်မှ တောင်ပို့မှန်းသိဆိုသလို သံဃာ့အရေခြုံပြီး မဟုတ်ကဟုတ်ကမျိုးစုံလုပ်နေသူများလည်းမှန်ပင်ရှိနေတာကိုသတိပြုဘို့လိုပါတယ် ။ဘာသာရေးနဲ့ ပတ်သက်လာရင် ဆတ်ဆတ်ထိမခံတတ်တဲ့ မြန်မာတို့ရဲ့စိတ်ဟာ တစ်ဘက်အဖွဲ့အစည်းတွေ အတွက် နိုင်ကွက်ကြီးသဖွယ် ဖြစ်နေတာကို သတိချပ်ကြဘို့လိုပါတယ် ။

အရာရာကို ကျယ်ပြန့်သောအမြင် ၊ ပညာအခြေခံဖြင့် အမှန်နှင့်အမှား စဉ်းစားဆင်ချင်နိုင်သော  လူ့အဖွဲ့အစည်းတစ်ရပ် ပေါ်ထွန်းလာရေး အထူးပင်အရေးကြီးနေကြောင်း ဤအရေးက မီးမောင်းထိုးပြနေပြီ ဖြစ်ပါတယ် ဒီလိုမှမဟုတ်ရင်တော့ ပညာတတ်သူတွေရဲ့ ကစားကွက်အောက်မှာတစ်ဝဲလည်လည် ဖြစ်ရင်းမြန်မာတွေ ခေတ်သစ်သမိုင်းမှာ တရားခံများ ဖြစ်ကုန်ကြပါတော့မယ်... ဆရာတင်မိုးရဲ့ သမိုင်းမှာ မင်းတရားခံဖြစ်မယ် ဆိုတဲ့ကဗျာလေးနဲ့ ဒီဆောင်းပါးကိုအဆုံးသတ်လိုက်ပါတယ်......။

သမိုင်းမှာမင်းတရားခံဖြစ်မယ်

မင်းမမှန်ရင်
မင်းတရားခံဖြစ်မယ်၊

ငါမမှန်ရင်
ငါတရားခံဖြစ်မယ်၊

တရားဆိုတာ
ညှာလဲမညှာ၊ ညာလဲမညာ
သာစေ နာစေမရှိ
ပကတိ သူ့သဘောသူဆောင်ခြင်းပဲ။

ဒီနေ့ မင်းရဲ့လုပ်ရပ်ဟာ
နောင်နေ့ မင်းရဲ့အတ္ထုပ္ပတ်။

ဒီနေ့ မင်းရဲ့လုပ်ရပ်ဟာ
နောင်နေ့ မင်းရဲ့အနာဂတ်။

မပတ်သက်ချင်လို့ မရ
မစပ်ဆက်ချင်လို့ မရ။
မင်းဘဝကို မင်းကသာပြဌာန်းတယ်။
မင်း ဘာလဲ
မင်း ဘယ်သူလဲ
မင်းဟာ မင်းပဲ။ ။

တင်မိုး


ဒေါက်တာဆိတ်ဖွား

Sunday, December 2, 2012

''အမှန်- အမုန်းနဲ့ မီဒီယာရဲ့  အခန်းကဏ္ဍ''

( ဒီနေ့ဖတ်သမျှထဲတွင် ကျွန်ုပ်စိတ်နှင့် ၁၀၀% ထပ်တူကျသော စာစုတစ်ခုကိုသွားတွေ့ပါသည်  ။ကိုယ်ကိုယ်တိုင်ရေးတာမဟုတ်ပါဘဲနှင့် ကိုယ်တိုင်ရေးသကဲ့သို့ ခံစားရသောစာမှာ ဤစာပထမဦးဆုံးဖြစ်မည်ထင်ပါသည် ။ Ko Navana ထံမှကူးယူဖေါ်ပြပါသည် ။ ဒေါက်တာဆိတ်ဖွား ။)

စတုတ္ထမဏ္ဍိုင်လို့ အသိအမှတ်အပြုခံရတဲ့ မီဒီယာတွေ ရဲ့  ရပ်တည်ချက်ကို ဒီရက်ပိုင်း တွေးနေမိတယ်...။ လက်ပံတောင်းတောင် ကိစ္စပြီးပြီးချင်း.. eleven media က ဒေါက်တာသန်းထွဋ်အောင် ပြောတဲ့ ကွန့်မင့် တွေကို ဖတ်မိရာက.. အဲဒီအတွေး ခေါင်းထဲဝင်လာတာပဲ..။

'' ဘာပဲဖြစ်ဖြစ်- ပြည်သူတွေရဲ့  စိတ်ထဲမှာ တရုတ်ကိုမုန်းတီးတဲ့စိတ်ကတော့ အမြစ်တွယ်သွားပြီ '' လို့ သူပြောတယ်..။ အဲဒါဟာ.. မီဒီယာ သမားတစ်ယောက် ပြောရမယ့် စကားလို့ မထင်မိဘူး..။


မီဒီယာဟာ.. ပြည်သူ့ဖက်က ရပ်တည်ဖို့ မဟုတ်သလို.. အစိုးရဖက်က ရပ်တည်ဖို့လည်း မဟုတ်ဘူး..။ တိုင်းပြည်ကောင်းကျိုးအတွက် မှန်တဲ့ဖက်က.. ရပ်တည်ရမှာ မီဒီယာရဲ့  တာဝန်လို့ မမှိတ်မသုန် ယုံကြည် လက်ခံထားတယ်..။


ပြည်သူမှားရင် ပြည်သူအမှားကို ဖော်ထုတ်နိုင်ရမယ်..။ အစိုးရမှားရင် အစိုးရရဲ့ အမှားကို ဖွင့်ထုတ်နိုင်ရမယ်..။ အဲသလို အမှား-အမှန်တွေကို ဖေါ်ထုတ်ချပြရမှာ.. တိုင်းပြည်အကျိုးကို အဦးမူ ရမယ်..။


အဲဒီရှုထောင့်ကနေ ရပ်ကြည့်တော့.. '' တရုတ်ကို မုန်းတီးတဲ့စိတ်ပြည်သူတွေမှာ အမြစ်တွယ်သွားပြီ '' လို့ ဆိုစကားဟာ.. အနှစ်အသားမဲ့တဲ့ စကား ဖြစ်သွားရတယ်..။


နောက် သူဆက်ပြောတာ ရှိသေးတယ်။


''သူတို့ဂျာနယ်တိုက်က လွှတ်ထားတဲ့ သတင်းထောက်နှစ်ယောက်ရဲ့  သတင်းပေးပို့မှုတွေအရ အစိုးရက ဒီကိစ္စကို ကိုယ်တွယ်တာမှာ လိုအပ်တာထက် ပိုပြီး ပြင်းပြင်းထန်ထန် ကိုင်တွယ် ခဲ့တယ် '' တဲ့..။


၈၈ မျိုးဆက်ခေါင်းဆောင်တွေက လက်ပံတောင်းတောင် ကိစ္စ သတင်းထုတ်ပြန်တယ်..။ ဖြစ်ပျက်သွားတဲ့ ကိစ္စကို အမြန်ဆုံး စုံစမ်းစစ်ဆေးဖို့နဲ့ အဖြစ်မှန်ကို ချပြဖို့ သူတို့ထုတ်ပြန်ချက်မှာ အဓိကထားတောင်းဆိုတယ်...။


တကယ်တမ်း အဖြစ်မှန်ကို တိတိပပ ဖော်ထုတ်နိုင်ရင်.. မှန်သူတွေက ဘယ်လောက်အထိမှန်ပြီး၊ မှားသူတွေက ဘယ်လောက်အထိ မှားတယ်ဆိုတာ.. ထင်ထင်လင်းလင်းကြီး ပေါ်လာမှာပဲ။


အဲသလို အဖြေမှန်ထွက်မလာမချင်း.. ဘယ်သူမှားတယ်-ဘယ်သူမှန်တယ် ဆန္ဒစော ထုတ်ဖော်ပြောတာမျိုး ကို သတင်းသမားတွေအနေနဲ့ သတိကြီးစွာထားပြီး ရှောင်သင့်တယ်..။


အခုတော့.. အဲသလိုမဟုတ်ဘူး..။ သတင်းရဲ့  သက်တမ်းက သိပ်တိုလို့ပဲလား မသိ။ အဖြေမှန်ထွက်လာတဲ့အထိ မစောင့်ဘဲ အဖြစ်အပျက်ကို အမီလိုက် မှတ်ချက်ပေးတယ်။


ရမ်းပြောတာ မဟုတ်ဘူး- ကျုပ်တို့မှာ အထောက်အထားတွေ ပြည့်ပြည့်စုံစုံ ရှိတယ်ဆိုရင်လည်း.. အဲဒါတွေနဲ့ ခိုင်ခိုင်မာမာ တစ်ခါတည်း ချပြပေါ့..။


အထောက်အထားတွေက ပြန်စီစစ်နေရသေးတယ် ဆိုရင်တော့ စီစစ်ဖို့လိုအပ်နေသေးတဲ့ အထောက်အထားအားကိုးနဲ့ တဖက်ဖက်ကို အပြတ်ရပ်ပြီး မှတ်ချက်ပေးတာမျိုး.. ဆောလျင်စွာ မလုပ်သင့်ဘူးလို့ ပြောရမှာပဲ..။


ဒီလိုတွေ ပြောလို့.. '' မင်းက.. လက်ပံတောင်းတောင် ကိစ္စမှာ အစိုးရရဲ့  လုပ်ရပ်ကို မှန်တယ်လို့ ပြောချင်နေတာလား '' လို့ တံဆိပ်ကပ်ရင်တော့.. '' နိုး '' လို့ ပဲ ဖြေပါမယ်..။


ဒါဖြင့်ရင် မှားတယ်လို့ ထင်တာလား ဆိုရင်လည်း '' နိုး '' လို့ပဲ ဖြေပါမယ်..။ ကျွန်တော့်ရပ်တည်ချက်က.. ၈၈ နောင်တော်တွေရဲ့  ရပ်တည်ချက်နဲ့ တစိတ်တ၀မ်းထဲ ရှိနေပါတယ်..။


အဖြေမှန်ကို တိတိကျကျ သိရရင်.. အမှား-အမှန်ဆိုတာ အလိုလို အဖြူ-အမဲ ကွဲသွားမှာမို့ ကျွန်တော်တို့ အနေနဲ့ တင်ကြိုခန့်မှန်းချက်တွေနဲ့ ရှေ့ဖြစ်ဟော

နေစရာမလိုဘူး..။

အဖြစ်မှန်ပေါ်ပေါက်ရေးကိုသာ အာရုံစိုက် ရမယ်..။ မျက်ခြေမပြတ်သင့်ဘူး..။


ဖြိုခွဲတဲ့ ကိစ္စမှာ သံဃာတော်တွေ မီးသင့်တယ်..။ မီးလောင်ဗုံး ဆိုတဲ့ စကားလုံးက .. တောမီးလို ချက်ခြင်း ပျံ့နှံ့လာတယ်..။ စပြောတဲ့သူက.. ဖြစ်နိုင်ချေရှိတယ်လို့ မတင်မကျပြောသော်ငြား.. ခံစားချက်သိပ်ပြင်း ထန်နေတဲ့သူအဖို့တော့ '' မီးလောင်ဗုံးနဲ့ ဖြိုခွဲသတဲ့ '' အထိ.. တစ်ထစ်ချ ယူဆကြတော့တယ်..။


အကျိုးဆက်က.. ခံစားချက်တွေပါ မီးလောင်ဗုံး အခွဲခံလိုက်ရတယ်..။ ဒေါသတွေ အလိပ်လိပ်တက်- ချကွ-နှက်ကွ တွေဖြစ်ကုန်တယ်..။


အဖြစ်မှန်က ဘယ်နေမှန်းမသိပေမယ့်.. အခြေအနေတွေက ဖြစ်သင့်တာနဲ့လျော်ညီစွာ ဖြစ်ချင်မှ ဖြစ်တော့တယ်..။


တကယ်စစ်ဆေးလို့ မီးလောင်ဗုံး မဟုတ်ခဲ့ဘူးဆိုရင်တောင်မှ မီးလောင်ဗုံးစိတ်ဓါတ်နဲ့ ရှေ့သို့ချီတက်ထားတာတွေက နောက်ပြည်လှည့်လို့ မရတော့ဘူး..။ လွန်သွား -ကျွံသွားပြီ..။


မသကာ.. အများထင်သလို မီးလောင်ဗုံးမဟုတ်ဘူးဆိုရင် အဲဒီအမှားကို ဘယ်သူက တာဝန်ယူမှာလဲ။ မီးလောင်ဗုံး ဖြစ်နိုင်ချေ ရှိတယ်လို့ မသေချာမရေရာနဲ့ စပြောတဲ့သူ တာဝန်ယူမှာလား..။ တာဝန်ယူခိုင်းဖို့ ဝေးလို့.. သူ-ဘယ်သူမှန်းတောင် လူတစ်ရာမှာ ကိုးဆယ့်ကိုးယောက် မသိဘူး..။


အဲသလို လူသိနည်းတဲ့ အွန်လိုင်းပုဂ္ဂိုလ်တစ်ယောက်ရဲ့  အမှတ်မထင် ပြောစကားတောင်.. အခြေအနေက တိုက်ဆိုင်ပံ့ပိုးရင်.. အများကြီး တာသွား လေ့ရှိတာကို.. သတင်းသမားတွေအနေနဲ့ သင်ခန်းစာ ယူသင့်တယ်..။


စပိုက်ဒါမင်း ရုပ်ရှင်ကားထဲက စကားလုံးတစ်လုံးရှိတယ်..။ Greater power has greater responsibility တဲ့..။ လူ့အဖွဲ့အစည်းမှာ ကိုယ့်အခန်းကဏ္ဍ အရေးပါရင် ပါသလို.. ကိုယ့်ပြောစကား-ကိုယ့်မှတ်ချက် က အဖွဲ့အစည်းအပေါ် အကျိုးသက်ရောက်မှု ရှိတယ်ဆိုတာ.. နှလုံးသွင်းသင့်တယ်..။


အထူးသဖြင့် စတုတ္ထမဏ္ဍိုင်ရဲ့  ထင်ရှားတဲ့ ပုဂ္ဂိုလ်တစ်ယောက်ဖြစ်နေရင် ကိုယ့်အခန်းကဏ္ဍကို မမေ့သင့်ဘူး..။


တရုတ်ကို မုန်းတီးတဲ့စိတ် ပြည်သူက အမြစ်တွယ်တော့.. ဘာဖြစ်လဲ ..။ ရပ်ကွက်ထဲက တရုတ်ကို ချောင်းရိုက် ရမှာလား..။ တရုတ်ဆိုင်တွေကို သပိတ်မှောက်ရမှာလား..။ ပြည်မကြီးလာသမျှ ရင်းနှီးမြုပ်နှံမှုတွေကို.. လက်ခါ ရမှာလား..။ ကျွံပြီးသား ရင်းနှီးမြုပ်နှံမှုတွေကို မောင်းထုတ်ရမှာလား..။
တရုတ်လုပ်ပစ္စည်းမှန်သမျှ မသုံးဘဲ သပိတ်မှောက်ရမှာလား..။ ဘာလုပ် ကြမှာလဲ..။ ဘာမှ လုပ်မရဘူး..။

ဒါကြောင့် အဲဒီစကားကို အရေမရ-အဖတ်မရ စကားလို့ ပြောခဲ့တာပဲ..။


အရေမရ-အဖတ်မရ အကျိုးသာ မရှိတာ..အခန့်မသင့် ဟိုနားဒီနား လူမျိုးရေး အဓိကရုန်း ဖြစ်အောင်တော့ အဲဒီစကားက တာသွားတယ်..။


နိုင်ငံရေးဆိုတာ.. စီးပွားရေးမှာ အရင်းတည်တယ်..။ တရုတ်အနေနဲ့ ဒီတိုင်းပြည်မှာ ဘာအကျိုးစီးပွားမှ မဖြစ်ဘူးဆိုတာ သေချာရင် ခြေဦးတောင် လှည့်မှာမဟုတ်ဘူး..။ ပြည်သူညီရင်.. ဂန္ဓီကြီး အိန္ဒိယမှာ

လုပ်သလို.. တရုတ်လုပ်ပစ္စည်းတွေ သပိတ်မှောက်..။

တရုတ်ကို မုန်းတဲ့စိတ်တွေ အမြစ်သိပ်တွယ်နေရင်.. တစ်ဦးချင်းစီ တတ်နိုင်တာ အဲဒါပဲ..။ အဲဒီဖက်မှာ လူညီရင် (တကယ်လည်း မုန်းတယ်ဆိုရင်) တရုတ်စီးပွား သေချာပေါက် ထိခိုက်တယ်..။


တရုတ်ကြီး ဘာမှမတတ်နိုင်ဘူး..။ အစိုးရခြင်း ဖိအားပေးလို့လဲ မရဘူး..။


ဒါပေမယ့် ၀မ်းနည်းစရာကောင်းတာက.. အဲသလောက် လူညီဖို့ဆိုတာ.. ဖြစ်နိုင်ချေ လုံးဝမရှိတာပဲ..။


Eleven ဂျာနယ် အနေနဲ့တောင် တရုတ်လုပ်စက်-တရုတ်လုပ်စက္ကူ-တရု
တ်လုပ်မင် မသုံးဘဲ နေနိုင်လို့လား..။

ဗိုလ်ချုပ်အောင်ဆန်း အင်္ဂလိပ်တွေကို ပြောတဲ့ စကားတစ်ခွန်း မှတ်မှတ်ထင်ထင်ကြားဖူးတာ ရှိတယ်..။ '' ခင်ဗျားတို့ကို မုန်းလို့ တော်လှန်တာမဟုတ်ဘူး- မတရားဖိနှိပ်ချုပ်ချယ်တဲ့ ခင်ဗျားတို့ စနစ်ကိုသာ

မုန်းတီးတာ ဖြစ်တယ် '' တဲ့..။

nothing personal, ပုဂ္ဂိုလ်ရေးမပါ.. သိပ်အတုယူသင့်တဲ့ စကားပဲ။


ပည်သူတွေ အင်္ဂလိပ်ကို စက်ဆုပ်မုန်းတီးနေမှန်းသိပေမယ့်
.. ပြည်သူ့အကြိုက်လိုက်ပြီး သူမပြောခဲ့ဘူး..။

စံနစ်ကို မုန်းတာ နဲ့ လူမျိုးကို မုန်းတာ ခွဲမြင်ပြခဲ့တယ်..။ လူမျိုးကိုမုန်းတော့.. အဲဒီလူမျိုးကို တွေ့ရင် ရိုက်ချင်တယ်..။ အဲဒီစိတ်ဓါတ် ကြီးထွားကူးစက်ပျံ့ပွားရင် လူမျိုးရေး အဓိကရုန်းတွေဖြစ်မယ်..။


တိုင်းပြည်အတွက် ဘာမှ ကောင်းကျိုး မပေးဘူး..။


လက်ပံတောင်းအရေးကို အမှန်တရား နဲ့ပဲ တုန့်ပြန်မယ်- အမုန်းတရားနဲ့ မတုန့်ပြန်ဘူးလို့ ဒေါ်စု ပြောသွားတယ်..။ အဲဒါဟာ.. လွန်စွာကောင်းမွန်လျော်ကန်တဲ့ ရပ်တည်ချက်ပဲ..။


ဒါကြောင့်.. လူမျိုးရေးနဲ့ ပတ်သက်တဲ့စကားတွေကို ဆင်ဆင်ခြင်ခြင် တွေးတွေးဆဆ ပြောကြ-ဆိုကြဖို့ လိုတယ်..။ အထူးသဖြင့်..ပြည်သူကိုပြောရေးဆု
ိခွင့်ရနေတဲ့ မီဒီယာသမားတွေ ပိုဆင်ခြင်သင့်ပါကြောင်း..။

(နာမည်ကြီးတွေကို လိုက်ဝေဖန်ခြင်းအားဖြင့် နာမည်ကြီးအောင် လုပ်ခြင်းမဟုတ်ပါ.. စတုတ္ထမဏ္ဍိုင်ရဲ့ ရပ်တည်ချက်မှာ အားနည်းချက်တချို့  မြင်မိတဲ့အတွက် စာဖတ်ပြည်သူတစ်ယောက်မှ မြင်သမျှ တင်ပြတဲ့ သဘောပါ.. မီဒီယာများ တိုင်းပြည်အကျိုး ဒီထက်ပို ကုသိုလ်ယူ-၀မ်းဝ နိုင်ကြပါစေ..)

အမှန်ဘ၀မရောက်သူများ



၂.၁၂.၂၀၁၂ ထုတ်ကြေးမုံသတင်းစာပါ အမှန်ဘ၀ရောက်ပါစေ ဟူသော စာတည်းရှုထောင့်သည် ကျွန်ုပ်ကဲ့သို့ စာဂျီးများသူကိုပင် ဘ၀င်ခိုက်သွားစေလေ၏ ၊  ကြေးမုံသတင်းစာနဲ့အတူ ထိုသို့သော အယ်ဒီတာကောင်းများရှိနေခြင်းကိုလည်းဂုဏ်ယူရလေ၏ ။

ထိုအထဲတွင် " တရားကိုစောင့်ရှောက်ကြရာတွင် မှန်မှန်ကန်ကန် စောင့်ကြဖို့သာဖြစ်၏၊ လူတစ်ဦးသည်မိုက်မိုက်ကန်းကန်းဖြင့် ထင်ရာစိုင်းသဖြင့် လူအများကဲ့ရဲ့ခြင်းခံရသည်ထက် တရားကိုစောင့်ဟန်ပြုမမှန်ရာပြုသောသူသည် ကဲ့ရဲ့မှုပို၍ထိုက်ပေ၏ ။လူမိုက်သည် တစ်ကြိမ်တစ်ခါမိုက် အကြိမ်ကြိမ်မိုက်ရာမှ တရားချ တရားကျသဖြင့် လူကောင်းဘ၀သို့ပြန်ရောက်သွားနိုင်သော်လည်း တရားကိုဟန်ဆောင်စောင့်သူမှာမူ မည်သို့တရားချချ တရားပြပြ တရားမရနိုင်သည်မှာ အမှန်ဖြစ်၏ " ဆိုသောစာပိုဒ်ကို အကြိုက်ဆုံးဖြစ်လေ၏ ။

ဒေါက်တာဆိတ်ဖွား


ပြောပြန်ရင်လဲဆိတ်ဖွားလွန်ရာကျမယ်

တပ်ထဲမှာနေတုန်းကလည်းဘယ်သူနဲ့မှအဆင်မပြေ ၊ တပ်ကထွက်တော့ထောင်ကျ ၊ ထောင်ထဲရောက်တော့ ဟိုရောဂါဖြစ်သလို ဒီဝေဒနာခံစားရသလိုနဲ့ ပလီပြီး ၀ှီးချဲတွေဘာတွေနဲ့ ဇာတ်နာအောင်လုပ် ၊ ထောင်ကထွက်ပြီး တစ်ပတ်လောက်လဲကြာရော ထောင်ထဲကဝေဒနာတွေ ယူပစ်သလိုပျောက်ပြီး အကောင်းကြီးလျှောက်သွားနေထဲက ဒီနေမျိုးဇင်ဆိုတဲ့သကောင့်သားကို သတိပြုမိနေခဲ့တာပါ.... ဒီလောက်ကြောင်မှန်းတော့ခုမှသိရတာပါ.... 

ဒီကြားထဲဗီဒီယိုပြီးခါနီး လူတွေကြားထဲကို နာဂကိုယ်တော်ဝင်ပြီး တရားပြသွားလိုက်တာ ကြည်ညိုစရာကြီးနော်......
ဒီကိုယ်တော်ကို မြင်လိုက်မှပဲ ဓမ္မပဒ အဆုံးအမတွေထဲက အမှတ်စဉ် ၃၆၃ ကိုသွားသတိရမိတယ် ...

အကြင် ရဟန်းသည် နှုတ်ကို စောင့်စည်း၏။
ပညာဖြင့် ဆင်ခြင်၍ ပြောဆိုလေ့ရှိ၏။
မပျံ့လွင့်သော စိတ်ရှိ၏။
အနက်အဓိပ္ပါယ်ကို လည်းကောင်း၊ ပါဠိကို လည်းကောင်း ဟောပြတတ်၏။
ထိုရဟန်း ဟောပြသော စကားသည် ချိုမြိန် သာယာ၏.......တဲ့

ဦးတင်ပါတယ်ဖျာ့....
ဒေါက်တာဆိတ်ဖွား

Thursday, November 29, 2012

မြင်တဲ့အတိုင်းရေးလိုက်တယ်

လတ်တလောဖြစ်ပေါ်နေသော လက်ပံတောင်းတောင်ကြေးနီစီမံကိန်း ပြဿနာ တွင် ဒေါ်အောင်ဆန်းစုကြည်၏ ရပ်တည်မှုသည်လဲ အရေးပါသောရပ်တည်မှု တစ်ခုဖြစ်ရာ ဒေါ်အောင်ဆန်းစုကြည်၏ ခရီးစဉ် လှုပ်ရှားမှုများကိုစောင့်ကြည့်နေခဲ့ပါသည် ။ဒေါ်အောင်ဆန်းစုကြည်အနေဖြင့် မည်သို့ရပ်တည်မည်လဲဆိုသည့်အချက်ကို အထူးပင် စိတ်ဝင်တစားရှိခဲ့ပါသည် ။

တရားဥပဒေစိုးမိုးရေးကော်မတီဥက္ကဌပီပီ တရားဥပဒေဘက်မှ ရပ်တည်ပြောကြားသွားချက်များကိုသာ ကြားခဲ့ရသဖြင့် အတော်ပင်ဘ၀င်ကျသွားကြောင်းဝန်ခံရပေမည် ။ယခင်အခါများက လူထုအကြိုက်စကားများ ၊ လက်ခုပ်သံများဖြင့် ပြည့်နှက်နေသာဒေါ်အောင်ဆန်းစုကြည်၏ လူထုဟောပြောပွဲများအကြားဝယ် ယခုတစ်ကြိမ် လူထုဟောပြောပွဲများသည် ပိုမို၍လေးနက်အဓိပ္ပါယ်ရှိလာသည်ကို သတိပြုမိပါသည် ။

" ပြည်သူ့ဆန္ဒမပါသော်လည်းပေးထားတဲ့ကတိတွေကိုတည်ဖို့လို သလားမေးရင် နိုင်ငံတကာကို ပြန်ကြည့်ရပါမယ်၊ နှစ်နိုင်ငံသဘောတူညီချက်များကို လေးစားရမယ် တချို့ဟာတွေကိုလိုက်နာရမယ် ငါတို့ဆန္ဒမပါလို့ ငါတို့မလေးစားဘူး မရပါဘူး ဟိုဘက်၊ဒီဘက်ကြည့်ရပါမယ် ကျွန်မတို့အိမ်နီးချင်းနိုင်ငံတွေနဲ့အဆင်ပြေအောင် နေတတ်ရမယ် အိမ်နီးချင်းနိုင်ငံနဲ့မတည့်လို့နိုင်ငံရွေ့သွားလို့မရပါဘူး ကမ္ဘာတည်သရွေ့ ဒီလူတွေနဲ့နေရမှာဖြစ်တဲ့အတွက် လက်တွေ့ကျကျကြည့်ဖို့လိုပါမယ်"
  “ဒီလို အကြမ်းဖက်မှု ဖြစ်သွားတာက ပြဿနာရှာချင်လို့ မဟုတ်ဘူး ၊ ပြဿနာကိုရှင်းချင်လို့"
 မုံရွာခရီးစဉ်အတွင်း ပြောကြားခဲ့သော အထက်ဖေါ်ပြပါစကားများသည် လူထုကြိုက်မည့်စကားများမဟုတ်မှန်း သိသိကြီးနှင့် ပြောချလိုက်ရဲသောသူမ၏ သတ္တိကို အသိအမှတ်ပြုရမည်သာဖြစ်ပါသည် ။ထို့အပြင် ယခင်အစိုးရလက်ထက်ကဆောင်ရွက်ခဲ့သော စီမံကိန်းများကြောင့် ဖြစ်ပေါ်လာသောကန့်ကွက်မှုများ ၊ တရုတ်မြန်မာမိတ်ဝတ်မပျက်ရေး ၊ ရင်းနှီးမြှုတ်နှံသူများကိုတရားဥပဒေအရ အပြည့်အ၀ အကာအကွယ်ပေးနိုင်ကြောင်း ပြည်ပရင်းနှီးမြှုတ်နှံသူများအား အာမခံချက်ပေးနိုင်ရေး စသော အစိုးရ၏အကျပ်အတည်းများကို လူထု၏ချစ်ခင်မှုအားနှင့် ၀င်ရောက်ဖြေရှင်းပေးခဲ့သော သူမအား လေးစားသဖြင့်လည်းကောင်း .......
\
 တန်ဆောင်မုန်းလပြည့်နေ့ညတွင် ဘုန်းကြီးအလုပ်ဘုန်းကြီးမလုပ် ၊ လူမြှောက်ပေးတိုင်း အမောင်တောင်မှန်းမြောက်မှန်းမသိ ဂွေးတက်အောင်ကနေသော ၊ တရားတော်နှင့်မညီသောအလုပ်များကို လုပ်ဆောင်နေသူများအား   မကြည်ညိုမလေးစားသဖြင့်၎င်း ဤဆောင်းပါးကိုရေးပါသည် ။

ဒေါက်တာဆိတ်ဖွား

ဆန္ဒပြတိုင်းရပ်ပေးရမှာလား

လက်ပံတောင်းတောင် ကြေးနီစီမံကိန်းနဲ့ပတ်သက်ပြီး ဒီစီမံကိန်းကြီးကို လုံးဝရပ်တန့်ပေးဘို့ တောင်းဆိုနေသံတွေ တော်တော်လေး ကျယ်ကျယ်လောင်လောင်ဖြစ်လာတာကိုတွေ့ရပါတယ် မြန်မာမီဒီယာတွေကတော့ ထုံးစံအတိုင်းပါဘဲ ဟိုနားမှာဆန္ဒပြနေပြီ ၊ တရုတ်သံရုံးရှေ့ပြတော့မယ် ၊ ဟိုမှာတော့ ဘုန်းကြီးတွေပါလာပြီ ၊ ဦးအောင်မင်းကတော့ တရုတ်ဘက်ကကာကွယ်ပြောနေတယ် ၊ အစရှိသဖြင့်ပေါ့လေ မျက်ဖြူဆိုက်လေ ဆရာကြိုက်လေဖြစ်ပြီး ရေးနေသားနေတာကိုတွေ့ရပါတယ် ။ အမျိုးသားအကျိုးစီးပွားကိုရှေ့ရှု ၊  တစ်ကမ္ဘာလုံးကိုခြုံငုံသုံးသပ်ပြီး ဒါမျိုး ဖြစ်သင့်မဖြစ်သင့် ၊ ရပ်သင့်မရပ်သင့်သုံးသပ်ရေးတာသားတာမတွေ့ရပဲ  အစိုးရအကျပ်ဆိုက်လေ မီဒီယာဝမ်းသာလေဆိုတာမျိုးလုပ်နေတာတွေ့ရပါတယ်  ။

ဒီစံမံကိန်းကြီးချွင်းချက်မရှိရပ်ပေးဘို့တောင်းဆိုနေကြတဲ့ဒေသခံလို့သူတို့ကိုယ်သူတို့ဆိုသူတွေကတော့ သဘာဝပတ်ဝန်းကျင် ဘယ်ကဲ့သို့ ပျက်စီးပါတယ် ၊ ရေကတော့ရှားကုန်ပြီ ၊  ဒေသခံတွေကတော့ ဘယ့်နှယ်နစ်နာကုန်ပါပြီ ၊ ရွာတွေရွှေ့ရတော့မယ် ဒီတော့စားရေးသောက်ရေးခက်ကုန်ပြီဆိုပြီးတော့ မဲပြာပုဆိုးဝတ်လာတာတွေ့ရပါတယ် ။

 ဒီစီမံကိန်းကြီးဟာ ၁၉၉၆ ခုနှစ်ကတည်းက အိုင်ဗင်ဟို သတ္တုတွင်းကုမ္မဏီနဲ့ သတ္တုတွင်းဝန်ကြီးဌာန အမှတ်(၁) သတ္တုတွင်းလုပ်ငန်းတို့ပေါင်းပြီး ဆတူ (၅၀/၅၀) ပိုင်ဆိုင်တဲ့  မြန်မာအိုင်ဗင်ဟို ကော့ပါးကုမ္ပဏီလီမိတက်ကို ထူထောင်ပြီး စတင်ခဲ့တာဖြစ်တယ်  ၂၀၁၀ ပြည့်နှစ် ဒီဇင်ဘာလ ၃၁ ရက်နေ့ကျမှ အမှတ် (၁) သတ္တုတွင်းဝန်ကြီးဌာနက ပိုင်တဲ့ အစုရှယ်ရာ ၅၀ ရာခိုင်နှုန်းကို မြန်မာနိုင်ငံ စီးပွားရေး ဦးပိုင်လီမိတက်ကိုရောင်း၊ အိုင်ဗင်ဟိုက ပိုင်တဲ့ အစုရှယ်ယာ ၅၀ ရာခိုင်နှုန်းကို (NORINCO) လက်အောက်ခံ ကုမ္ပဏီတစ်ခုဖြစ်တဲ့ ၀မ်ဘိုကုမ္ပဏီ Myanmar wanbao Mining Copper Ltd (MWMCL) ကိုရောင်းခဲ့တာဖြစ်တယ် ။အိုင်ဗင်ဟိုးလုပ်နေတဲ့ တစ်သက်လုံးက ဘာသံမှမကြားရပဲ တရုတ်ကုမ္ပဏီနဲ့ စစ်တပ်ပိုင် ဦးပိုင်ကလုပ်မှ ခုလိုအသံတွေထွက်လာတာဟာ ရိုးမှရိုးရဲ့လားလို့ စဉ်းစားစရာ ဖြစ်လာတယ် ။

ဒီလိုရိုးရိုးလေးစဉ်းစားကြည့်ရအောင်...... ကြေးနီထုတ်ရင်သဘာဝပတ်ဝန်းကျင်ပျက်မယ် ဒီလိုသဘာဝပတ်ဝန်းကျင်ဆိုတာကြီးပျက်မှာစိုးလို့ ကြေးနီဆိုတာကြီးကို တစ်ကမ္ဘာလုံး မထုတ်ပဲနေကြသလားဆိုတာကြည့်ရအောင်ပါ -


ဒီဇယားက  British Geological Survey ကနေထုတ်ပြန်ထားတဲ့ ကမ္ဘာ့ကြေးနီအထုတ်ဆုံး ၁၀ နိုင်ငံစာရင်းပါ ဒီစာရင်းအရ ချီလီနိုင်ငံကအများဆုံးထုတ်တာဖြစ်ပြီး တစ်ကမ္ဘာလုံးက သဘာဝပတ်ဝန်းကျင်ထိန်းသိမ်းမှုနဲ့ပတ်သက်ရင်စံထားရပါတယ်ဆိုတဲ့ အမေရိကန်ပြည်ထောင်စုက ၂၀၀၆ မှာတန်ချိန်ပေါင်း ၁.၂၂ သန်း ၂၀၀၉ မှာ တန်ချိန်ပေါင်း ၁.၃၁ သန်းကျော်ထုတ်လုပ်ပြီး ကမ္ဘာ့ကြေးနီထုတ်လုပ်မှုမှာ ဒုတိယနေရာကလိုက်နေတာတွေ့ရမှာဖြစ်ပါတယ် ၊ ဒီစာရင်အရကြည့်ရင်မြန်မာနိုင်ငံက ၂၀၀၆ စာရင်းအရ ၁၉၅၀၀ တန် ထုတ်လုပ်ပြီး ၂၈ နေရာရောက်နေတာတွေ့ရမှာဖြစ်ပါတယ် -


ကြေးနီတူးရင်တော့ တကမ္ဘာလုံးဘယ်နေရာတူးတူး သဘာဝပတ်ဝန်းကျင်ကတော့ အနည်းနဲ့အများထိခိုက်မှာပဲ သဘာဝပတ်ဝန်းကျင်မထိခိုက်ပဲ အလိုလိုကြေးနီရတဲ့နည်းကတော့ စင်္ကြာဝဠာမှာမပေါ်သေးဘူး ။



ဒါအမေရိကန်ပြည်ထောင်စု နယူးမက္ကဆီကိုပြည်နယ်က ကြေးနီသတ္တုမိုင်းတစ်ခုပါ ၁၈၀၀ ပြည့်လွန်နှစ်တွေထဲကနေ ဒီနေ့ထိထုတ်နေတာပါ နှစ်ပေါင်းရာချီပြီး နှစ်စဉ်တန်သန်းနဲ့ချီ ထုတ်နေတဲ့ နိုင်ငံတွေကဘာသံမှမကြားရပဲ ၁၀နှစ်ကျော်လောက်ထုတ်ပြီး တန်သောင်းဂဏန်းထုတ်တဲ့တိုင်းပြည်ကအသံထွက်နေတယ် ၊ ပညာမတတ်ဘူးလို့ပြောရင်လဲနာဦးမယ် ။

ခုတလောဖြစ်စဉ်တွေကြည့်လိုက်ရင် ဘာဖြစ်လိုက်ဖြစ်လိုက် နောက်ကွယ်မှာ NGO တွေတနည်းမဟုတ်တနည်းပါဝင်ပတ်သက်နေတယ် ခုလည်း ဒီဒေသမှာ အမေရိကန်ထောက်လှမ်းရေးတွေ ပါကစ္စတန်မှာ အိုစမာဘင်လာဒင်ကိုရှာတဲ့အခါတုန်းက အစက်ချဆေးတိုက်ပြီးပါကစ္စတန်တစ်ခွင်ပြဲပြဲစင်ခဲ့တဲ့ NGO က လက်ပံတောင်းတောင် ကြေးနီစီမံကိန်း တစ်ဝိုက်မှာရောက်နေတာကို သတိပြုမိတယ် ။

နောက်တစ်ခုက မြန်မာပြည်အပြောင်းအလဲမှာ သတ္တုတူးဖေါ်ရေးကဏ္ဍရင်းနှီးမြှုတ်နှံသူတွေဟာ လက်ပံတောင်းတောင်ကိစ္စမှာ အစိုးရရဲ့ကိုင်တွယ်ပုံကိုစောင့်ကြည့်နေတယ် ၊ အစိုးရရဲ့ ကိုင်တွယ်ပုံဟာ ဒေါ်လာဘီလျံချီရင်းနှီးမြှုတ်နှံသူတွေကို အယုံအကြည်မဲ့သွားစေမယ်ဆိုရင်တော့ ........


ဒေါက်တာဆိတ်ဖွား



Monday, November 26, 2012

ဖွဲ့စည်းပုံအခြေခံဥပဒေဆိုင်ရာခုံရုံးဆိုတာကို ခပ်ပေါ့ပေါ့ သဘောထားကြတော့မှာလား

( အခြေခံဥပဒေခုံရုံးနှင့်ပတ်သက်၍ လွှတ်တော်၏သဘောထား လွှတ်တော်၏လုပ်ဆောင်ချက်တို့ကို ယခင်ကလည်းဘ၀င်မကျပါ ခုလည်းဘ၀င်မကျပါ လုပ်ဆောင်ခဲ့သမျှကိုလည်းမှန်သည်ဟုမထင်ပါ အမှန်ပြောရလျှင် အခြေခံဥပဒေခုံရုံးနှင့်ပတ်သက်၍ လွှတ်တော်၏ ဆောင်ရွက်ချက်များ ၊ ဆုံးဖြတ်ချက်များကိုကြည့်ပြီးသည့်အချိန်မှစ၍ လွှတ်တော်ဟူသော အဖွဲ့အစည်းကိုလည်း မလေးစားတော့ပါ အောက်ဖေါ်ပြပါ ဦးရဲထွန်း၏သဘောသည် ကျွန်ုပ်၏သဘောနှင့်ထပ်တူဖြစ်ပါသည် ။
ဒေါက်တာဆိတ်ဖွား )

၂၀၁၂ခုနှစ်၊ နိုဝင်္ဘာလ (၁၅) ရက်နေ့က၊ ပြည်သူ့လွှတ်တော် ၁၃ ရက်နေ့မြောက်အစည်း အဝေးတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥပဒေကို ပြင်ဆင်သည့်ဥပဒေကြမ်းကို အတည်ပြုခဲ့ရာ၊ ထိုဥပဒေ ကြမ်းပါ ပြင်ဆင်ချက်တစ်ရပ်နှင့်ပတ်သက်၍ ကန့်ကွက်လိုသူများကို မတ်တတ်ရပ်စေ၍မဲခွဲခဲ့ရာတွင် တပ်မ တော်သား ကိုယ်စားလှယ်များနှင့်အတူ သဘောမတူကြောင်း ဆန့်ကျင်ကန့်ကွက်ခဲ့သည့် အရပ်သားကိုယ်စား လှယ် နှစ်ဦးရှိခဲ့ရာ နှစ်ဦးစလုံးမှာ ကျားဖြူပါတီခေါ် ရှမ်းတိုင်းရင်းသားများဒီမိုကရက်တစ်ပါတီမှ ပြည်သူ့လွှတ် တော် ကိုယ်စားလှယ်များဖြစ်ကြပါသည်။ တစ်ဦးမှာ နမ့်ခမ်းမဲဆန္ဒနယ်မှ ဒေါက်တာစိုင်းကျော်အုန်း ဖြစ်၍ နောက်တစ်ဦးမှာ သီပေါမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ကျနော်ဦးရဲထွန်းဖြစ်ပါသည်။

ထိုနေ့ကတင်ပြသည့် ဥပဒေကြမ်းကို၊ အမျိုးသားလွှတ်တော်တွင်စတင် တင်သွင်းခြင်းဖြစ်ပြီး ရေးဆွဲ တင်သွင်းသူ မှာ အမျိုးသားလွှတ်တော် ဒု-ဥက္ကဌ ဦးမြငြိမ်းဖြစ်ပါသည်။ ဦးမြငြိမ်း၏ တင်သွင်းချက်အပေါ် အမျိုး သားလွှတ်တော်က မည်သည့်ပြင်ဆင်မျှမပြုလုပ်နိုင်
ဘဲ ပြည်သူ့လွှတ်တော်သို့ပေးပို့လိုက်ခြင်းဖြစ်ပါသည်။
ကျနော်အနေဖြင့် မည်သည့်အတွက်ကြောင့်ကန့်ကွက်မြှု
ပုလုပ်ရသည်ကို ပြည်သူလူထုသိရှိနိုင်စေရန်နှင့် ဗဟုသုတပွါးများစေရန်ရည်ရွယ်လျက် ရှင်းလင်းပြလိုပါသည်။
ထိုပြင်ဆင်ချက်နှင့်ပတ်သက်၍ ပြည်သူလူထုကသိရှိလေ့လာအကြံပြုနိ
ုင်ရန်အတွက်ဟုဆိုကာ (၁၄- ၁၁ -၂၀၁၂) ရက်နေ့ထုတ် အစိုးရသတင်းစာများတွင် ဖေါ်ပြခဲ့ပါသည်။ ထိုသို့ပြည်သူလူထုနှင့် ဥပဒေနားလယ် တတ်ကျွမ်းသူများထံမှအကြံညဏ်များရယူလိုသည့် သဘောဖြင့် သတင်းစာတွင်ထည့်သွင်းခြင်းမှာအလွန် ကောင်းမွန်သောလုပ်ဆောင်ချက်ဖြစ်၍ ဝမ်းသာစရာဖြစ်ပါသည်။ သို့သော်လည်း ပြည်သူ့လွှတ်တော်တွင်းမှာ ထိုကိစ္စနှင့်ပတ်သက်၍ ဆွေးနွေးခွင့် ၊ ပြင်ဆင်ချက်အဆိုတင်သွင်းခွင့်များမရလိုက်ပါ။
ကျနော့်အနေဖြင့် ဦးမြငြိမ်းတင်ပြသည့် ဥပဒေမူကြမ်းတွင်ပါရှိသည့် ပုဒ်မ ၁၂ ၊ ပုဒ်မခွဲ (ဈ) “ မိမိတို့၏ လုပ်ငန်းတာဝန်များ ဆောင်ရွက်ချက်နှင့်စပ်လျဉ်း၍ မိမိတို့အားရွေးချယ်သည့် သက်ဆိုင်ရာ နိုင်ငံတော်သမ္မတ၊ ပြည်သူ့လွှတ်တော် ဥက္ကဌ၊ သို့မဟုတ် အမျိုးသားလွှတ်တော်ဥက္ကဌထံသို့ အသီးသီးအစီရင်ခံခြင်း” ဆိုသည့် အပိုဒ်ဖြည့်စွက်ခြင်းကို၎င်း၊
အမှတ်စဉ် ၃။ နိုင်ငံတော်ဖွဲ့စည်းပုံအခြေခံဥပ
ဒေဆိုင်ရာခုံရုံးဥပဒေတွင် ပုဒ်မ ၂၃ ကို ပုဒ်မ ၂၄ အဖြစ် လည်းကောင်း၊ ပုဒ်မ ၂၄ ကိုပုဒ်မ၂၃ အဖြစ်လည်းကောင်း ပြန်လည်အမှတ်စဉ်ရမည်။ ထိုသို့ပြန်လည်အမှတ် စဉ်သည့်ပုဒ်မ ၂၄ ကိုအောက်ပါအတိုင်းအစားထိုးရမည်-
“၂၄။ ပုဒ်မ ၂၃ အရချမှတ်သော ခုံရုံး၏ ဆုံးဖြတ်ချက်သည် အပြီးအပြတ်ဖြစ်စေရမည်။”
ဆိုသည့် အပိုဒ်များကို ဘဝင်မကျပါ။ ပုဒ်မ ၁၂၊ ပုဒ်မခွဲ(ဈ) ဖြည့်စွက်ခြင်း၏ အဓိပ္ပါယ်သက်ရောက်မှုမှာ
ခုံရုံးအဖွဲ့ဝင်ဖြစ်သွားပြီးသည့
်နောက်ဥပဒေအရပေးအပ်သည့် မိမိတို့တာဝန်တွေကိုကျေပြွန်စွာ ထမ်း ဆောင်ရုံဖြင့်မပြီး မိမိကို သူကောင်းပြုခဲ့သည့် သမ္မတနှင့်လွှတ်တော်ဥက္ကဌများကို လုပ်ဆောင်ပြီးချက်များ အား သီးသီး ပြန်အစီရင်ခံနေရမည်ဟုဆိုသဖြင့် ခုံရုံးအဖွဲ့အတွင်း ပုဂ္ဂိုလ်စွဲ ဂိုဏ်းဂနကို တရားဝင်တည်ရှိခွင့် ပေးလိုက်သကဲ့သို့ဖြစ်သွားစေပါသည်။ အမှန်မှာ ခုံရုံးအဖွဲ့သည် နှောင်ကြိုးကင်းသော လွတ်လပ်သည့် တရားစီရင် ရေးအဖွဲ့မုချဖြစ်မှသာလျှင် လွှတ်တော်တွင်းပြောပြောနေသော တရားစီရင်ရေးစနစ် အကတိတရား ကင်းစင်ရေးဆိုသည်ကို လွှတ်တော်က စံပြလိုက်နာကျင့်သုံးပြခြင်းမည်ပေလိမ့်မည်။ အရေးကြီးသည့်အချက် မှာ ခုံရုံးအဖွဲ့ဝင်များက မိမိကိုခန့်အပ်ရန်အဆိုပြုလိုက်သော Boss များအပေါ်သစ္စာစောင့်သိခြင်းမဟုတ်ဘဲ၊ မိမိ တို့ကိုပေးအပ်ထားသည့်တာဝန်ကို အဂတိတရားကင်းရှင်းကျေပြွန်စွာထမ်းဆောင်နိုင်ရေးအတွက် ခုံရုံးအဖွဲ့အ တွင်းအပြည့်အဝ ဒီမိုကရေစီကျင့်စဉ်ကျင့်သုံးရန်ပင်ဖြစ်ပါသည်။
၎င်းတို့ထမ်းဆောင်ခဲ့သောတာဝန်များ
နှင့်ပတ်သက်လျှင် “ခုံရုံး အဖွဲ့အနေဖြင့် ပြည်ထောင်စု အစိုးရနှင့်ပြည်ထောင်စုလွှတ်တော်၊ ပြည်နယ်/ တိုင်းဒေသကြီးအစိုးရနှင့် ပြည်နယ်/တိုင်းဒေသကြီး လွှတ် တော်များအားလုံးကို အကြောင်းကြားသဝဏ်လွှာပေးပို့ရမည်” ဆိုလျှင် ပိုမိုသင့်တော်ပေသည်။ အကယ်၍ ဆွေး နွေးခွင့် ရမည်ဆိုပါက ထိုစကားလုံးများဖြင့် အစားထိုးပြင်ဆင်ရန်ကျနော်ကအဆိုပြုမည်ဖြစ်ပေသည်။

ဒုတိယအချက် ဖြစ်သော မူလခုံရုံးဆိုင်ရာဥပဒေပုဒ်မ ၂၃ ကို ၂၄ ဖြင့် အထက်အောက်ပြောင်းပြန် လှန်လိုက်ပြီး၊ ပုဒ်မ ၂၄ ဖြစ်သွားသောမူလပုဒ်မ ၂၃ ပါစာသား- “ခုံရုံး၏ဆုံးဖြတ်ချက်သည်အပြီးအ
ပြတ်အ တည် ဖြစ်သည်။” ဆိုသည်ကို
“၂၄ ။ ပုဒ်မ ၂၃ အရချမှတ်သော ခုံရုံး၏ဆုံးဖြတ်ချက်သည်အပြီးအြ
ပတ်ဖြစ်စေရမည်။” ဆိုသည့်အပိုဒ်ဖြင့် အစားထိုးလိုက်ခြင်းအားဖြင့် ဆိုလိုချက်မှာ ပုဒ်မ ၂၃ ပါ အမှု အခင်းကိစ္စများသာလျှင် ခုံရုံး၏ဆုံးဖြတ်ချက်သည် အပြီးအပြတ်ဖြစ်မည်ဖြစ်ပြီး အခြားသောတာဝန်ထမ်းဆောင်ဆုံးဖြတ်ချက်များမှာ အပြီးအပြတ်ဖြစ်မည်မဟုတ် တော့ပေ။
မူလက ပုဒ်မ ၂၄ ဖြစ်ခဲ့ပြီး၊ ယခုပြင်ဆင်ချက်ဥပဒေအရ ပုဒ်မ ၂၃ ဖြစ်လာမည့်စာသားမှာ-
“ ပုဒ်မ ၁၂၊ ပုဒ်မခွဲ(ဆ)အရ တရားရုံးတစ်ရုံးက တင်သွင်းသော အကြောင်းကိစ္စနှင့်စပ်လျဉ်း၍ ချမှတ်သော ခုံရုံး၏ဆုံးဖြတ်ချက်သည် အမှုအားလုံးနှင့်သက်ဆိုင်စေရမည်။
” ဟူ၍ဖြစ်ပါသည်။ သို့ဖြစ်ရာ ပုဒ်မ ၁၂၏ ပုဒ်မ ခွဲ(ဆ)က မည်သည့်ကိစ္စများကိုရည်ညွှန်းထားသနည်းဆိုသည်ကိုသိရှိရန် ထိုပုဒ်မကိုပြန်ကြည့်ရပြန်ပါသည်။ ထိုအပိုဒ်(ဆ)တွင်ဆိုထားသည်မှာ-
(ဆ) တရားရုံးတစ်ရုံးက စစ်ဆေးဆဲအမှုနှင့် စပ်လျဉ်း၍ ဖွဲ့စည်းပုံအခြေခံဥပဒေပုဒ်မ ၃၂၃ နှင့်ဤဥပဒေပုဒ်မ ၁၇ တို့အရ တင်ပြလာသည့် အငြင်းပွါးမှုကို အဆုံးအဖြတ်ပေးခြင်း။ ဟုဆိုထားပြန်ရာ- ထိုဥပဒေပုဒ်မ နှစ်ခုကို ထပ်မံကြည့်ရှုရန်လိုအပ်လာပြန်ပါသ
ည်။

၃၂၃။ တရားရုံးတစ်ရုံးသည် အမှုတစ်ခုကိုစစ်ဆေးစီရင်ရာတွင် ဥပဒေတစ်ရပ်ရပ်ပါပြဌာန်းချက်သည် ဖွဲ့ စည်းပုံအခြေခံဥပဒေနှင့်ဆန့်ကျင်
မှုရှိ-မရှိ။ ညီညွတ်မှုရှိ-မရှိ၊ အငြင်းပွါးမှုပေါ်ပေါက်ပါက ထိုအငြင်းပွါးမှုနှင့်စပ် လျဉ်း၍ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးကလည်း တစ်စုံတစ်ရာဆုံးဖြတ်ချက်ချမှတ်ထားခြင်းမရှိ သေးလျှင် အဆိုပါတရားရုံးသည်အမှုစစ်ဆေးစီရင်ခြင်းကိုရပ်ဆိုင်းထားပြီး မိမိ၏စီရင်ချက်ကိုသတ်မှတ်ထား သည့်နည်းလမ်းများနှင့်အညီ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးသို့တင်ပြ၍အဆုံးအဖြတ်ရယူရမည်။ ယင်းအငြင်းပွါးမှုနှင့်စပ်လျဉ်း၍ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ ဆုံးဖြတ်ချက်သည်အမှုအားလုံး နှင့်သက်ဆိုင်စေရမည်။ ဟုဆိုထားပါသည်။ ထို့ပြင် ဖွဲ့စည်းပုံအခြေခံဥပဒေဆိုင်ရာခုံရုံးဥပဒေပုဒ်မ ၁၇ တွင် ဖေါ်ပြပါရှိသောစာသားများမှာ-
၁၇။ တရားရုံးတစ်ရုံးသည် အမှုတစ်ခုကိုစစ်ဆေးစီရင်ရာတွင် ဥပဒေတစ်ရပ်ရပ်ပါပြဌာန်းချက်သည် ဖွဲ့ စည်းပုံအခြေခံဥပဒေနှင့်ဆန့်ကျင်
မှုရှိ-မရှိ။ ညီညွတ်မှုရှိ-မရှိ၊ အငြင်းပွါးမှုပေါ်ပေါက်ပါက ထိုအငြင်းပွါးမှုနှင့်စပ် လျဉ်း၍ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးကလည်း တစ်စုံတစ်ရာဆုံးဖြတ်ချက်ချမှတ်ထားခြင်းမရှိ သေးလျှင် အဆိုပါတရားရုံးသည်အမှုစစ်ဆေးစီရင်ခြင်းကိုရပ်ဆိုင်းထားပြီး မိမိ၏သဘောထားနှင့်အတူ ပြည် ထောင်စုတရားသူကြီးချုပ်ထံ ဆောလျင်စွာတင်ပြရမည်။ ပြည်ထောင်စုတရားသူကြီးချုပ်သည် အဆိုပါတင် ပြချက်ကို မိမိသဘောထားနှင့်အတူ ခုံရုံးသို့တင်သွင်းရမည်။ ဟုဖြစ်ပါသည်။

သို့ဖြစ် ရာ ဖွဲ့စည်းပုံအခြေခံဥပဒေဆိုင်ရာခံ
ုရုံး၏ နောက်ဆုံးအဆင့်ဆုံးဖြတ်ခွင့်သြဇာအာဏာသက်ရောက်မှု အဝန်းအဝိုင်းမှာ များစွာကျဉ်းမြောင်း သွားသည်ကိုတွေ့ရပေသည်။ ခုံရုံးကိုမူလကပေးအပ်ထားသည့်တာဝန် များမှ ပုဒ်မ ၁၂ (က)မှ(စ) အထိနှင့် (ဇ)ပါ တာဝန်များဖြစ်ကြသည့် ဖွဲ့စည်းပုံအခြေခံဥပဒေကို အနက် အဓိပ္ပါယ်ဖွင့်ဆိုခြင်း၊ လွှတ်တော်အသီးသီးကပြဌာန်းသည့် ဥပဒေများသည် ဖွဲ့စည်းပုံအခြေခံဥပဒေနှင့် ညီညွတ် ခြင်းရှိ-မရှိစိစစ် ခြင်း။ ပြည်ထောင်စု၊ တိုင်းဒေသကြီးများ၊ ပြည်နယ်များနှင့်ကိုယ်ပိုင်အုပ်ချုပ်မှုခွင့်ရစီရင်စုများ၏ အုပ်ချုပ်မှုဆိုင် ရာအာဏာပိုင်များ၏ဆောင်ရွက်ချက်များသည် ဖွဲ့စည်းပုံအခြေခံဥပဒေနှင့်ညီညွတ်ခြင်းရှိ-မရှိစီစစ်ခြင်း။ ပြည်ထောင်စု၊ တိုင်းဒေသကြီး၊ ပြည်နယ်၊ ကိုယ်ပိုင်အုပ်ချုပ်ခွင့်ရစီရင်စုများအသီးသီးတို့ အကြားဖွဲ့စည်းပုံအခြေခံဥပဒေဆိုင်ရာ အငြင်းပွါးမှုများကိုဆုံးဖြတ်ခြင်း၊ စသည့်စသည့်ပေးအပ်ထားသည့် တာဝန်(၈)ရပ်အနက်မှ တာဝန်(၇) ရပ်ကို စီရင်ဆုံးဖြတ်ရာတွင်နောက်ဆုံးအဆုံးအဖြတ်စီရင်ပိုင်ခွင့် အာဏာရှိ တော့မည်မဟုတ်ပါ။ ထိုသို့ဖြစ်နေပါက အနာဂါတ်ကာလကျနော်တို့နိုင်ငံမှာ ပြတ်ပြတ်သားသားဆုံးဖြတ်နိုင်စွမ်း မရှိသော ဒိုင်လူကြီးတစ်ဦးကွပ်ကဲ သည့်ဘောလုံးပွဲတစ်ပွဲကဲ့သို့ အထိန်းအကွပ်မဲ့ကာဗရမ်းဗတာဖြစ်မှုများတိုး ပွါးလာပေလိမ့်မည်။

သို့ဖြစ်လျှင် မည်သည့်အဖွဲ့အစည်းက နောက်ဆုံး ဆုံးဖြတ်ချက်ချမှတ်ရာ အဖွဲ့အစည်းဖြစ်သည်ဆိုသည်ကို ရှင်းလင်းစွာဖေါ်ပြထားရန်သင့်ပေရ
ာ၊ ထိုသို့ဖေါ်ပြထားမှုလည်းမရှိပြန်ပါချေ။ သို့ဖြစ်ရာ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးဆုံးဖြတ်ချက်၏ အကျိုးသက်ရောက်မှုနှင့်ပတ်သက်၍ပြဌာန်းထားသည့် ခုံရုံး ဆုံးဖြတ်ချက်သည်အပြီးအပြတ်အတည်ဖြစ်သည်ဆိုသော ဖွဲ့စည်းပုံအခြေခံဥပဒေပုဒ်မ ၃၂၄ နှင့်လည်းညီညွတ် မှု မရှိတော့ပါချေ။ သို့ဖြစ်ရာ ယခုတင်သွင်းလာသော နိုင်ငံတော် ဖွဲ့စည်းပုံ အခြေခံဥပဒေဆိုင်ရာခုံရုံး ပြင်ဆင် သည့်ဥပဒေကြမ်းမှာ အမေရိကန်ကွန်ဂရက်အတွင်းဥပဒေပြုရေး လုပ်ငန်းစဉ်များအရဆိုလျှင် floor ဟုခေါ်သောစုံညီအစည်းအဝေးများသို့ပင်ရောက်နိုင်စရာအကြောင်းမရှိဘဲ ကော်မတီအဆင့်တွင်ပင်ပယ်ချခြင်း ခံရမည်မှာမြေကြီးလက်ခတ်မလွဲဖြစ်ပါပေသည်။

ရဲထွန်း(သီပေါ)၊ ရှမ်းတိုင်းရင်းသားများဒီမိုကရက်တစ်ပါတီ

Thursday, November 22, 2012

ဆေးလိပ်သမားများအတွက် ဆရာတင်မိုးရဲ့ကဗျာ ( လက်ရေးမူ )

မနေ့က ကွမ်းသမားတွေအတွက် ပို့စ်တခုတင်ခဲ့ပါတယ် ဒီနေ့တော့ဆေးလိပ်သမားတွေအတွက် တခုခုတင်ရင်ကောင်းမှာပဲလို့ တွေးမိတယ် ဒီလိုတွေးလိုက် ၊ စဉ်းစားလိုက်တိုင်း ဆရာတင်မိုးရဲ့ ကဗျာလောက်ကောင်းတာမတွေ့ဖူးဘူး..... တချို့ဆေးလိပ်နဲ့ပတ်သက်တဲ့ပညာပေးတွေကောင်းပါတယ် ဒါပေမယ့်စာရှည်တယ် .... ဆရာတင်မိုးကတော့ ၄ကြောင်းပဲရေးထားတယ် ထိတယ် ၊ လိုရင်းကိုမိမိရရရှိတယ် ဒါကြောင့် ဆရာ့ရဲ့လက်ရေးမူလေးကိုပဲ ပြန်တင်လိုက်ပါတယ်.....။

ဒေါက်တာဆိတ်ဖွား


ကင်ဆာရောဂါကို နေ့စဉ်ဝယ်နေကြသူများ


မိမိ အာဟာရဖြစ်စေမည့် အစာကို ငွေဖြင့်မဝယ်ယူကြဘဲ မိမိခန္ဓာကိုယ်ကို လူရာမဝင်အောင် သေစေသော ကြောက်စရာကင်ဆာရောဂါဆိုးကို နေ့စဉ်ငွေပေး၍ စားသုံးမှီဝဲနေကြသည်။ လူမြင်ကွင်းဝယ် ခန္ဓာကိုယ်ကို အာဟာ ရဖြစ်စေသော အစာအာဟာရအဖြစ် အယောင်ဆောင်၍ နေ့စဉ် လွှမ်းမိုးနေ သည်။ နေ့စဉ်ငွေရာ ထောင်ချီ၍ ကုန်နေသည်။

ထိုသို့ ငွေကြေး အကုန်အကျခံ၍ နေ့စဉ်မှီဝဲသော အာဟာရအစာတစ်ခုက တစ်နေ့မိမိ၏ သေခြင်းကို ဖိတ်ခေါ်လာသူဖြစ်ကြောင်း စားသုံးမှီဝဲသူပင်မသိ။ ဘာသိဘာသာနေပြီး စားသုံးမှီဝဲနေကြသည်။ ရောင်းချသော ဈေးဆိုင် ကလေးများကလည်း လမ်းဘေးဝဲ၊ ယာတွင် အလွယ်တကူရနိုင်သည်။ ဝယ်နိုင်သည်။ ရထားပေါ်၊ ကားပေါ်၊ သင်္ဘောပေါ်တို့တွင် သူတို့နယ်မြေကြီးစိုးနေကြသည်။ အလွယ်တကူစားသုံးနိုင်အောင် ပလတ်စတစ်ထုပ် ကလေးများဖြင့် ထုပ်ထားသည်။ အလွယ်တကူ စားသုံးမှီဝဲလိုက်ကြသည်။ ထိုအရာကားအခြားမဟုတ် ''ကွမ်းယာ''။

ကွမ်းယာကို နိုင်ငံတစ်ဝန်းနေရာတိုင်း၊ အချိန်တိုင်းတွေ့ကြရသည်။ မှီဝဲစားသုံးကြရသည်။ မြို့နေ၊ တောနေလူဦးရေ၏ ထက်ဝက်ခန့်က ကွမ်းယာစားသုံးမှု အဖြစ် နေရာယူနေကြသည်။လူမှုရေးလောကဝတ်တွင် ကွမ်းစား၊ ဆေးသောက် ကိုရိုးရာ ဧည့်ဝတ်လုပ်ငန်းအဖြစ် ရှေးမြန်မာမင်းများ လက်ထက်ကပင် ခံယူဝတ်ပြု နေကြသည်ကတော့ မှန်ပါသည်။

သို့သော်...အစဉ်အလာမလုပ်သင့်ပါ။ ''စဉ်'' ထား၍ ''လာ''ကြခြင်း သာဖြစ်သည်။အစဉ်အလာ မလုပ်ဘဲ၊ဝတ္တရားဟူ၍ မသတ်မှတ်ဘဲရှောင်ကြဉ်ကြမည်ဆိုလျှင် တစ်နေ့တွင် ဒီဓလေ့စရိုက်ဆိုး ကလည်း ကွယ်ပျောက်သွားကြရမည်သာဖြစ်သည်။ ရှေးလူကြီးမင်းများ၊ တို့မိတို့ဖများ၊ တို့ဘိုးတို့ဘွားများက လက်ခံကျင့်သုံးခဲ့ကြ သော်လည်း ပယ်သင့်လျှင် ပယ်ကြရမည်။ ရှောင်သင့်လျှင် ရှောင်ကြရပေမည်။

Sunday, November 18, 2012

အိုဘားမားခရီးစဉ်ကြိုဆိုမှုတွင် လူထုအား အကုသိုလ်အပေးဆုံးဓါတ်ပုံ


မစ္စတာအိုဘားမား မြန်မာနိုင်ငံကို Myanmar ဟုသုံးနှုံးပြောဆို

အမေရိကန်သမ္မတ မစ္စတာအိုဘားမားဟာ သမ္မတဦးသိန်းစိန်နဲ့တွေ့ဆုံရာမှာ မြန်မာနိုင်ငံကို Myanmar ဟု သုံးနှုံးပြောဆိုသွားတာကိုတွေ့ရပါတယ် ။

Voice Of Myanmar

မစ္စတာအိုဘားမား မြန်မာပြည်ကိုရောက်ရှိ

အမေရိကန်သမ္မတ မစ္စတာအိုဘားမား မြန်မာပြည်ကိုရောက်ရှိလာတဲ့ပုံတွေထဲမှာ ဒီပုံလေးကိုကြိုက်ပါတယ်

ဒေါက်တာဆိတ်ဖွား

သမ္မတအိုဘားမားမရောက်မီတစ်ရက်အလိုတွင် ထုတ်ပြန်သော သတင်းထုတ်ပြန်ရေးအဖွဲ့၏ သတင်းထုတ်ပြန်ချက်

ပြည်ထောင်စုသမ္မတမြန်မာနိုင်ငံတော်
သတင်းထုတ်ပြန်ရေးအဖွဲ့
သတင်းထုတ်ပြန်ချက် (၂/၂၀၁၂)

၁၃၇၄ ခုနှစ် တန်ဆောင်မုန်းလဆန်း ၅ ရက်
၂ဝ၁၂ ခုနှစ် နိုဝင်ဘာလ ၁၈ ရက်


ပြည်ထောင်စုသမ္မတမြန်မာနိုင်ငံတော်အစိုးရအနေနှင့် နိုင်ငံတကာစံနှုန်းများနှင့် အညီ ဖြစ်စေရန် ဆောင်ရွက်နေသည့် လုပ်ငန်းစဉ်များတွင် နိုင်ငံသားများ၏ လူ့အခွင့်အရေးများ ကာကွယ်နိုင်စေရန်၊ ဒီမိုကရေစီအစိုးရတစ်ရပ်ဖြစ်ပေါ်လာစေရန် အောက်ပါကိစ္စများကို ဆောင်ရွက်သွားမည်ဖြစ်ပါသည် -


၁။လူ့အခွင့်အရေးကိစ္စများ
မြန်မာနိုင်ငံအစိုးရအနေနှင့် အပြည်ပြည်ဆိုင်ရာကြက်ခြေနီကော်မတီ (International Committee of the Red Cross- ICRC)နှင့် ပြည်ထဲရေးဝန်ကြီးဌာနတို့အကြား ပူးပေါင်း ဆောင်ရွက်မှုများ တိုးမြှင့်သွားမည် ဖြစ်ပါသည်။ ၂၀၁၁ ခုနှစ်မှစ၍ အပြည်ပြည်ဆိုင်ရာ ကြက်ခြေနီကော်မတီကို အကျဉ်းထောင်များအတွင်း သန့်ရှင်းသော မိလ္လာစနစ်များ၊ ရေနှင့်လျှပ်စစ်မီး ရရှိရေးတို့ကို ပြန်လည်ဆောင်ရွက်နိုင်ရန် ပြည်ထဲရေးဝန်ကြီးဌာနက ခွင့်ပြုခဲ့ရာ ယခုဆက်လက်၍ ဆေးဝါးကုသမှုနှင့် အကျဉ်းထောင်အတွင်း အကျဉ်းသား များ၏ လူမှုဖူလုံရေးကိစ္စများနှင့် နေရေးထိုင်ရေးကိစ္စများကို ကူညီခွင့်ပြုသွားမည် ဖြစ်သည်။

ပြည်ထောင်စုအစိုးရအနေဖြင့် ကုလသမဂ္ဂလူ့အခွင့်အရေးဆိုင်ရာ မဟာမင်းကြီးရုံးခွဲကို မြန်မာနိုင်ငံတွင် စတင်ဖွင့်လှစ်နိုင်ရန် လိုအပ်သော ဆွေးနွေးညှိနှိုင်းမှုများကို ဆက်လက် ဆောင်ရွက်သွားမည်ဖြစ်ပါသည်။
ပြည်ထောင်စုအစိုးရအနေနှင့် “နိုင်ငံရေးအရနာမည်ပျက်စာရင်း” ဟုခေါ်ဆိုသော ပုဂ္ဂိုလ် များစာရင်းကိုလည်း ပယ်ဖျက်ပေးထားပြီးဖြစ်သည့်အပြင် ယင်းကိစ္စများနှင့် စပ်လျဉ်း၍ ဖြေကြားပေးနိုင်ရန်လည်း သမ္မတရုံးတွင် ဆက်သွယ်ရေးတာဝန်ခံတစ်ဦးကို ခန့်ထားပြီး ဖြစ်ပါသည်။


၂။ အကျဉ်းသားများကိစ္စ
ပြည်ထောင်စုအစိုးရအနေနှင့် ကျန်ရှိနေသေးသော အကျဉ်းသားများကိစ္စကို ပြည်ထဲရေး ဝန်ကြီးဌာနနှင့်အခြားသက်ဆိုင်ရာအစိုးရဌာနများ နှင့် အဖွဲ့အစည်းများအကြား ယခုနှစ် ဒီဇင်ဘာလမကုန်မီ ညှိနှိုင်းဆွေးနွေးမှုများ စတင်ဆောင်ရွက်သွားမည် ဖြစ်ပါသည်။ နိုင်ငံတကာစံများ၊ ကျင့်ထုံးများနှင့်အညီ အကျဉ်းသားများ၏ ပြစ်မှုများ၊ ပြစ်ဒဏ်များကို ပြန်လည်စဉ်းစားသုံးသပ်နိုင်ရန် စီမံဆောင်ရွက်သွားမည်ဖြစ်ပါသည်။


၃။ ပဋိပက္ခများဖြေရှင်းရေးနှင့် အမျိုးသားသွေးစည်းညီညွတ်ရေး
ပြည်ထောင်စုအစိုးရအနေနှင့် တာဝန်ယူသည့်အချိန်မှစတင်၍ ငြိမ်းချမ်းရေးကိစ္စများကို အထူးအလေးထား ဆောင်ရွက်လာခဲ့ရာ ယခုအခါ အဓိကတိုင်းရင်းသားလက်နက်ကိုင်အဖွဲ့ ၁ဝ ဖွဲ့နှင့် အပစ်အခတ်ရပ်စဲရေး ရရှိပြီးဖြစ်သည့်အပြင် ဆက်လက်၍ နိုင်ငံရေးအရ ဆွေးနွေးမှုများ ဆောင်ရွက်သွားမည်ဖြစ်ပါသည်။ ပြည်ထောင်စုအစိုးရအနေနှင့် ကချင် ပြည်နယ်တွင် အပစ်အခတ်ရပ်စဲရေး သဘောတူညီချက်ရရှိနိုင်စေရန်နှင့် နိုင်ငံရေးအရ ဆွေးနွေးမှုများ ဖြစ်ပေါ်လာစေရန်လည်း ဆက်လက်ကြိုးပမ်း ဆောင်ရွက်သွားမည် ဖြစ်ပါ သည်။ ထို့အပြင် ပြည်ထောင်စုအစိုးရအနေနှင့် ကောင်းမွန်သည့်အုပ်ချုပ်မှုနှင့် တိုင်းရင်းသားအခွင့်အရေးများကို ရေရှည်အာမခံချက်ပေးနိုင်ရန် နိုင်ငံရေးနည်းလမ်းများကို အသုံးပြု၍ လိုအပ်သည်များကို ဆက်လက်အကောင်အထည်ဖော် ဆောင်ရွက်သွားမည် ဖြစ်ပါသည်။

နိုင်ငံတော်သမ္မတကြီး၏ ကုလသမဂ္ဂအထွေထွေအတွင်းရေးမှုးချုပ်ထံ ပေးပို့သော စာတွင် ဖော်ပြပါရှိသည့်အတိုင်း ရခိုင်ဒေသတွင် ပဋိပက္ခများ တစ်ကျော့ပြန်မဖြစ်ပွားစေရေးအတွက် လိုအပ်သည်များကို ထိရောက်စွာ ဆောင်ရွက်သွားမည်ဖြစ်ပြီး အကြမ်းဖက်မှု ကျူးလွန်သူ များကိုလည်း ဥပဒေနှင့်အညီ ထိရောက်စွာ အရေးယူသွားမည်ဖြစ်ပါသည်။ ရခိုင်ဒေသခံ ပြည်သူများ လိုအပ်သော လူသားချင်းစာနာသည့် အထောက်အပံ့များ ရရှိရေးကိုလည်း နိုင်ငံတကာ အသိုင်းအဝိုင်းနှင့် အတူလက်တွဲ ဆောင်ရွက်သွားမည်ဖြစ်ပါသည်။ လူမျိုးစုနှစ်ခုကြားရှိ အဓိကပြဿနာဖြစ်စေသည့် ရင်းမြစ်များကိုလည်း ကြိုးပမ်းဖြေရှင်း သွားမည်ဖြစ်ပြီး အိုးအိမ်စွန့်ခွာသူများ နေရပ်ပြန်နိုင်ရေးအစ နိုင်ငံသားဖြစ်မှုအဆုံး လိုအပ်သော နိုင်ငံရေးအရ ဖြေရှင်းမှုများကိုလည်း ဆက်လက်ဆောင်ရွက် သွားမည် ဖြစ်ပါသည်။
ပဋိပက္ခဖြစ်ပွားခဲ့သည့် နေရာများတွင် အခြားနိုင်ငံတကာလူသားချင်းစာနာသော အဖွဲ့ အစည်းများနှင့် အပြည်ပြည်ဆိုင်ရာကြက်ခြေနီကော်မတီတို့ ပူးပေါင်း၍ ပိုမိုကျယ်ပြန့်သော အကူအညီများ ကူညီထောက်ပံ့နိုင်ရန် ပြည်ထောင်စုအစိုးရက ညှိနှိုင်းဆောင်ရွက် ပေးသွားမည် ဖြစ်ပါသည်။


၎။ အဏုမြူမပြန့်ပွားရေး
ပြည်ထောင်စုအစိုးရအနေနှင့် နိုင်ငံတကာအဏုမြူစွမ်းအင်အေဂျင်စီ International Atomic Energy Agency ၏နောက်တိုးလိုက်နာရန်အချက်အလက်များ (Additional Protocol) ကို လက်မှတ်ရေးထိုးနိုင်ရန်နှင့် ၁၉၉၅ ခု Small Quantities Protocol ၏ ထပ်မံပြင်ဆင်ချက်ကို လက်ခံနိုင်ရန် နိုင်ငံတော်သမ္မတကြီးက အတည်ပြုပြီးဖြစ်ရာ လွှတ်တော်သို့ တင်ပြဆောင်ရွက်သွားမည် ဖြစ်ပါသည်။
မြန်မာနိုင်ငံအနေဖြင့် IAEA စတင် ဖွဲ့စည်းသည့် ၁၉၅၇ခုနှစ်တည်းက အဖွဲ့ဝင်အဖြစ် ပါဝင် ခဲ့ပြီး ၁၉၉၂ခုနှစ် ဒီဇင်ဘာတွင် အဏုမြူလက်နက်မပြန့်ပွားရေးဆိုင်ရာစာချုပ် (Non-Proliferation Treaty, NPT) ကို လည်းကောင်း၊ ၁၉၉၅ခုနှစ်တွင် NPT ၏ နောက်တိုး သဘောတူညီချက် ဖြစ်သည့် Small Quantities Protocol စောင့်ကြည့်ထိန်းသိမ်းရေး စာချုပ်နှင့် အရှေ့တောင်အာရှ အဏုမြူလက်နက် ကင်းစင်ရေးစာချုပ် (Southeast Asian Nuclear-Weapon-Free Zone Treaty) များကိုလည်းကောင်း၊ ၁၉၉၆ခုနှစ် တွင် နျူကလီးယားစမ်းသပ်မှုတားဆီးရေး သဘောတူညီချက် (Comprehensive Nuclear Test Ban Treaty) တို့ကိုလည်းကောင်း လက်မှတ်ရေးထိုး ထားပြီး ဖြစ်ပါသည်။

ပြည်ထောင်စုအစိုးရအနေနှင့် ကုလသမဂ္ဂအဖွဲ့ဝင်နိုင်ငံတစ်နိုင်ငံဖြစ်သည်နှင့်အညီ ကုလ သမဂ္ဂလုံခြုံရေး ကောင်စီဆုံးဖြတ်ချက်အမှတ် ၁၈၇၄ ကို လိုက်နာဆောင်ရွက်ရန်လည်း အခိုင်အမာ ဆုံးဖြတ်ချက်ချထားပြီး ဖြစ်ပါသည်။


၅။ ပွင့်လင်းမြင်သာသည့်အစိုးရတစ်ရပ်ဖြစ်ပေါ်ရေး
ပြည်ထောင်စုအစိုးရအနေနှင့် ၂၀၁၆ တွင် Open Government Partnership (OGP) အဖွဲ့ဝင်ဖြစ်ရန် ကြိုးပမ်းဆောင်ရွက်သွားမည်။ OGP အစီအစဉ်မှာ အစိုးရများ၏ ပွင့်လင်း မြင်သာမှုကို မြှင့်တင်ခြင်း၊ နိုင်ငံရေးဖြစ်စဉ်တွင် နိုင်ငံသားများ၏ပါဝင်မှုကို မြှင့်တင်ခြင်း၊ အကျင့်ပျက်ခြစားမှုတိုက်ဖျက်ရေးကို ထိရောက်စေခြင်းနှင့် နည်းပညာကဏ္ဍကို မြှင့်တင် ပေးခြင်းတို့ဖြင့် ပိုမိုပွင့်လင်းမြင်သာ၍ တာဝန်ယူမှုရှိသော စွမ်းဆောင်ရည်မြင့် အစိုးရ ဖြစ်ပေါ်စေရန် နိုင်ငံစုံပူးပေါင်းပါဝင်သော အစီအစဉ်ဖြစ်ပါသည်။


၆။ လူကုန်ကူးမှုတိုက်ဖျက်ရေး
ပြည်ထောင်စုအစိုးရအနေနှင့် “လူကုန်ကူးမှုတိုက်ဖျက်ရေး အမေရိကန်-မြန်မာ ပူးပေါင်း အစီအစဉ်” တွင် ပါဝင်ဆောင်ရွက်ရန် သဘောတူညီပြီးဖြစ်သကဲ့သို့ အပြည်ပြည်ဆိုင်ရာ အလုပ်သမားရေးရာအဖွဲ့ ILO နှင့်လည်းပူးပေါင်း၍ အဓမ္မခိုင်းစေမှုများ ပပျောက်စေရေး အစီအစဉ်များနှင့် “ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေသစ်”နှင့်အညီ လူကုန်ကူးမှု တိုက်ဖျက်ရေးဆိုင်ရာ လုပ်ငန်းစီမံချက်များကို ဆက်လက်လုပ်ဆောင်သွား မည် ဖြစ်ပါသည်။ ယင်းစီမံချက်များတွင် ပြည်ထောင်စုသမ္မတ မြန်မာနိုင်ငံအစိုးရ အနေဖြင့် အမေရိကန်ပြည်ထောင်စု၏ နည်းပညာပိုင်းဆိုင်ရာ အကူအညီများကိုလည်း ဝမ်းမြောက်စွာ ကြိုဆိုသွားမည်ဖြစ်ပါသည်။


(သတင်းထုတ်ပြန်ရေးအဖွဲ့)


WELCOME Barack Obama


Thursday, November 15, 2012

အမေရိကန်သမ္မတခရီးစဉ်အချိန်ဇယား

အမေရိကန် သမ္မတ ဘားရက်အိုဘားမားဟာ ၁၉ရက်နေ့ မနက် ၉ နာရီ ၁၅မိနစ် ခန့်မှာ ရန်ကုန်အပြည်ပြည် ဆိုင်ရာလေဆိပ် ကို ရောက်ရှိမှာဖြစ်ပြီး နိုင်ငံတော်သမ္မတ ဦးသိန်းစိန်နဲ့ မနက် ၁၀ နာရီ မှာ ရန်ကုန် တိုင်းဒေသကြီး လွှတ်တော် အဆောက်အဦး မှာနာရီ တွေ့ဆုံမှာဖြစ်ပါတယ်။
အဲဒီနောက်မှာတော့ NLD ဥက္ကဌ ဒေါ်အောင်ဆန်းစုကြည်ကို တက္ကသိုလ်၇ိပ်သာ လမ်းရှိ သူမရဲ့နေအိမ်ကိုသွားရောက် တွေ့ဆုံမှာဖြစ်ပါတယ်။ ဒေါ်အောင်ဆန်းစုကြည်နဲ့ တွေ့ဆုံပြီးနောက် ရန်ကုန်တက္ကသိုလ် ဘွဲ့နှင်းသဘင်ခန်းမကိုသွားရောက်ပြီး မြန်မာပြည်သူတွေကိုမိန့်ခွန်းပြောကြားမှာဖြစ် ကြောင်း အမေရိကန် သမ္မတ ရဲ့ ခရီးစဉ်အချိန် ဇယားအရ သိရှိရပါတယ်။
မွန်းလွဲပိုင်းတွင် သမ္မတအိုဘားမားသည် ကမ္ဘောဒီးယားနိုင်ငံ ဖနွမ်ပင်မြို့ကျင်းပမည့် အာဆီယံအမေရိကန် ထိပ်သီးခေါင်းဆောင် များအစည်းအဝေးသို့တက်ရောက်ရန်ဆက်လက်ထွက်ခွာသွားမည်ဖြစ်ကြောင်း သိရှိရပါသည် ။
Voice Of Myanmar
 

အိုဘားမားက မြန်မာပြည်ကိုလာတဲ့ ပထမဆုံးအမေရိကန် သမ္မတဟုတ်ရဲ့လား

ဒီရက်ပိုင်း သတင်းတွေဖတ်လိုက်ရင် အမေရိကန်သမ္မတကြီး မြန်မာပြည်လာမယ့်သတင်းက အတော်လေးရေပန်းစားနေတယ်ဘယ်နေရာကြည့်ကြည့် ဘယ်စာစောင်ဖတ်ဖတ် သမ္မတအိုဘားမား သတင်းတွေ ခရီးစဉ်အကြိုပြင်ဆင်မှုသတင်းတွေ နဲ့ ပြည့်နှက်နေပါတယ် .....ကမ္ဘာ့ထိပ်တန်းနိုင်ငံကြီးက သမ္မတကြီးပဲလေ ဒီလိုပဲဖြစ်ရမှာပေါ့.....

ဒါပေမယ့် သမ္မတအိုဘားမားရဲ့ သတင်းတွေကိုကြည့်လိုက်ရင် သတင်းတော်တော်များများမှာ အမေရိကန်သမ္မတတစ်ဦးရဲ့ မြန်မာပြည်ကိုပထမဆုံးလာတဲ့ သမိုင်းဝင်ခရီးဆိုပြီးဖေါ်ပြကြတယ် ၊ နှစ်ပေါင်းများစွာအတွင်းပထမဆုံးအကြိမ်လာတယ်ဆိုတာမျိုးတောင်မသုံးကြတာကို သတိပြုမိတယ် .....။

တကယ်တော့ ၁၉၅၃ ခုနှစ်လောက်က သမ္မတ ဒေါက်တာဘဦး လက်ထက်မှာ အမေရိကန်သမ္မတကြီး နစ်ဆင်ဟာ သူ့ဇနီးနဲ့အတူ မြန်မာပြည်ကို အလည်အပတ်လာရောက်ခဲ့ဘူးပါတယ် လာရုံတင်မကဘူး မြန်မာအမျိုးသားဝတ်စုံကိုတောင် သမ္မတကြီးနဲ့ ဇနီးက၀တ်ဆင်သွားပါသေးတယ် ...။


အခြားသတင်းအရင်းအမြစ်တွေမှာတော့ ၁၉၅၃ ခုနှစ်က ဒုသမ္မတအဖြစ်နဲ့လာရောက်ခဲ့တာဖြစ်ပြီး သမ္မတနစ်ဆင်ဟာ အငြိမ်းစားယူပြီး သမ္မတဦးစန်းယုလက်ထက်မှာ ဒုတိယအကြိမ်လာရောက်ခဲ့ကြောင်းလဲ သိရပါတယ် ဝေဖန်ဘို့နဲ့ စဉ်းစားနိုင်ဘို့ တင်ပြလိုက်ပါတယ် ။

ဒေါက်တာဆိတ်ဖွား