သွန်းနေစိုး
ဒီညနေ လက်ဘက်ရည်ဆိုင်က ပြန်ထွက်လာတဲ့အခါ လူက ခြေထောက်နဲ့ မြေကြီး ထိတယ်လို့ကို မထင်တော့။
ဘောလုံးပွဲကြည့်ပြီး ပြန်လာတာပါ။ သူငယ်ချင်းတွေနဲ့ စုကြည့်ချင်လို့ လက်ဘက်ရည်ဆိုင် သွားကြည့်ကြတယ်။
သူငယ်ချင်း
အိမ်နားကနေဆိုတော့ ကိုယ့်အိမ်ကို တက္ကစီငှားပြန်လာရပါတယ်။ တက္ကစီကို လုံးဝ
ဈေးမဆစ်မိ။ သူပြောတဲ့ဈေးအတိုင်း တက်စီးလိုက်တယ်။ ခုနေအချိန်များ
ကျနော့်အလုပ်ရှင်က အလုပ်ဖြုတ်လိုက်ပြီဆိုတောင် ခဏတော့ ရယ်နေမိမလား
မပြောတတ်ပါ။
ဘာလို့လဲ? မြန်မာနိုင်ပြီလေ?
တတိယနေရာလုပွဲမှာ ဗီယက်နမ်ကို လေးဂိုး တဂိုးနဲ့ အပြတ်တီးလိုက်တာ။
ကျနော်က ဘောပညာရှင်မဟုတ်ပါဘူး။ ဒီတော့ ကစားကွက်တွေက ဘာညာ၊ ဘယ်သူတွေက ဘယ်လို မပြောသာဘူးပေါ့ဗျာ။
ဒါပေမဲ့ သေချာတာက ကျနော် ပျော်တယ်။ ပျော်တာမှ အရမ်းကို ပျော်တာဗျ၊ သိလား။
ကျနော်တင် မကဘူး ကျနော်တို့ အားလုံးရဲ့ မျက်နှာတွေမှာ ပွင့်ဖူးနေတာက ဂုဏ်ယူ မာန်ဝင့်နေတဲ့ အပြုံးတွေ။
အပြုံးတွေချင်း တစ်ယောက်နဲ့တစ်ယောက်ဖလှယ်ကြ။ငါတို့လေထုကြားမှာ သင်းပျံ့မွှေးမြနေတဲ့ သတင်းစကားတစ်ခုက မြန်မာနိုင်ပြီလို့ပါပဲ။
ဟုတ်ပါတယ်။ တတိယနေရာကလေးပါပဲ။ ကြေးလောက်လေးပဲ ရတာပါ။ ပြီးတော့ ကမ္ဘာ့ဖလားလဲ မဟုတ်ဘူး။ အရှေ့တောင်အာရှ ဖလားလေးပဲ။
ဒါပေမဲ့ ဘာပဲဖြစ်ဖြစ် ပျော်တယ်။ အရမ်းကို ပျော်တယ်။
ကျနော်တို့ကဗျာ။ အရင်က ရွှေထီးဆောင်းခဲ့တာကြီး တမ်းတတယ် မဟုတ်ပါဘူး။
အရင်ကဆို အာရှမှာ လက်မထောင်ပြီး နေခဲ့တာပါ။
စင်္ကာပူတည်တော့ ကျနော်တို့ဆီက မြို့ကွက်ကို ပုံစံခိုးချခဲ့သတဲ့? ကျနော်တို့ဆီက နာမည်တွေ သူတို့မှာ ပေးသတဲ့?
မန္တလေးလမ်းတောင်ရှိတယ်ဆိုလား။ ဒါပေမဲ့ ခုတော့ ကျနော်တို့က သူတို့ဆီမှာ ကျွန်ခံနေရတာ။ကျနော့်ညီမလေး၊ ငယ်ငယ်လှလှကလေးဗျာ။ စင်္ကာပူမှာ အလုပ်သွားလုပ်ရရှာတယ်။ သူ့ယောက်ျား ကျနော့်ယောက်ဖကြီး အင်မတန်သဘောကောင်းတဲ့အကောင်ကြီး။ ဗီယက်နမ်မှာ။
မြန်မာနိုင်တယ် ကြားကြားချင်း ကျနော် ယောက်ဖကြီးဆီ ဖုန်းဆက်လိုက်တယ်။
`ဟေ့ကောင်၊ မြန်မာနိုင်ပြီကွ´
ဆိုတော့ သူက ဘာပြန်ပြောတယ် မှတ်သလဲ။
`မင်းစကား
ပြင်ပြောလိုက်စမ်းပါ´ တဲ့၊ ` မြန်မာနိုင်တာတင် မဟုတ်ဘူး၊ ငါတို့ နိုင်တာ။
ငါတို့တွေ သူတို့ကို နိုင်လိုက်တာ။ ငါ့အလုပ်ရှင် ဗီယက်နမ်ကြီးကို
မျက်နှာတည့်တည့်ကြည့်ပြီး ပြောဖြစ်ခဲ့တယ်၊ မင်းတို့ကို ငါတို့
နိုင်ပြီကွလို့´
ဟုတ်ကဲ့ ကျနော်တို့ အနည်းဆုံးတော့ အရှေ့တောင်အာရှ ဆယ်နိုင်ငံမှာ တတိယနေရာရှိပါပြီ။ ဘောလုံးမှာဆိုရင်ပေါ့။
ကိုယ့်ကိုယ်ကို မြန်မာဖြစ်ရလို့ ကြေကွဲရတဲ့စိတ်ဟာ နိုင်ငံခြားထွက်တဲ့အခါ သိပ်သိသာပါတယ်။
ဘယ့်နှယ့် `ရွှေ´ ဆိုတာနဲ့ နှိမ်ချင်လိုက်ကြတာ။
ငါတို့မှာ မိုးပျံလမ်းကြီးတွေမရှိပါဘူး။ မိုးပျံနေတဲ့ တိုက်ကြီးတွေလည်း မရှိဘူး။
ဒါပေမဲ့ ကန်သင်းရိုးတွေကြား ရိုးပြတ်တောကြားမှာပဲ မိုးပျံနေတဲ့ စိတ်ဓာတ်တွေရှိတယ်။
အေး အခု၊ ဒီလို ရွှံ့ထဲမှာ နွားနဲ့ဖက်ရုန်းနေရတဲ့ အကောင်တွေက မင်းတို့ကို တီးလိုက်ပြီ။
ငါတို့ဟာ အာဆီယံမှာ ဘာအဆင့်မှ မရှိဘူးလို့ပြောချင်သေးသလား။
နို့မို့ဆို ပထမတောင်ရမှာ။ ဟိုနေ့က ငါတို့ချော်သွားလို့။ ဒီခြေနဲ့များ မလေးကို တီးခဲ့ရင်ဗျာ။
ငါတို့ မြန်မာတွေမှာ ဘာမှမရှိပါဘူး။
ငါတို့သမိုင်းကလဲ ဗိုလ်ချုပ်ကို ဦးဏှောက်မရှိတဲ့ကောင်တွေ လုပ်ကြံပြီးကတည်းက အကျည်းတန်ခဲ့ရတာပါ။
ဒါပေမဲ့ ငါတို့မှာ တစ်ခုတော့ ဘယ်သူမှ လိုက်မမီနိုင်တာရှိတယ်။ အဲဒါ စိတ်ဓာတ်ပဲ။
ငါတို့လောက် ဒုက္ခတွေ အခက်အခဲတွေကြားမှာ ငါတို့လိုပြုံးနေနိုင်တဲ့သူကမ္ဘာမှာ ဘယ်နေရာ တွေ့ဘူးသလဲ။
ငါတို့စားတဲ့ ထမင်းတစ်နပ်ဟာ မင်းတို့ရဲ့ ဆယ်ပုံတစ်ပုံလောက်တန်ဖိုးရှိချင်မှ ရှိမယ်။ ဒါပေမဲ့ ငါတို့မြိန်တယ်။
မင်းငတ်လာရင် ငါတို့ထဲက ဖဲ့ကျွေးလိုက်ဦးမယ်။
ငါတို့လို ကိုလိုနီက နယ်ချဲ့။ ဖက်ဆစ်က နှိပ်စက်။
ခုနောက်ဆုံး မြစ်ဆုံတောင်ပါမလိုဖြစ်တဲ့ဘ၀မှာ နေခဲ့ရသူတွေ။
ငါတို့လို ပြည်တွင်းစစ်မီးလျှံကြားမှာ နေခဲ့ရတဲ့သူတွေ။
ငါတို့လို ကွဲလိုက်ပြဲလိုက်။ စော်လိုက် နှက်လိုက်ကြားမှာ နေရသူတွေ။
ဒါပေမဲ့ ပြုံးပြီးနေနိုင်တာ ဘယ်နေရာရှိသလဲ။
ငါတို့ရဲ့ လောကကို မင်းတို့လာကြည့်။
တောလမ်းမှာ ၀တ်စရာမရှိလို့ အကျီင်္တောင်မပါတဲ့သူတွေ မင်းတွေ့ကောင်းတွေ့မယ်။
ဒါပေမဲ့ သူ့မျက်နှာကို တစ်ချက်ကြည့်လိုက်။
သေချာတယ် သူပြုံးနေမှာပဲ။
တောစပ်မှာ နေစရာမရှိလို့ ဓနိမလုံ့တလုံ့လေးမိုး ထရံကျိုးတိုးကျဲတဲလေးကာထားတဲ့အိမ်ကို မင်းတွေ့ကောင်းတွေ့မယ်။
ဒါပေမဲ့ အဲဒီအိမ်နား သွားကြည့်လိုက်။
တေးတကျော်ကျော် မင်းကြားရလိမ့်မယ်။
အဲဒါ မြန်မာပဲ။
ငါတို့ဟာ အကြိမ်ကြိမ် အလှဲချခံခဲ့ရတဲ့သူ။ ဒါပေမဲ့ အကြိမ်ကြိမ် ထူထနိုင်ခဲ့သူတွေဖြစ်တယ်။
အခု အဲဒီလိုကောင်တွေက မင်းတို့ကို တီးလိုက်ပြီ။
အဲဒါ မြန်မာ။ အဲဒါ ငါတို့။ ဒါကြောင့် ... ဒီ့အတွက် ငါတို့ဝမ်းသာတယ်။
ငါတို့ ဒီလိုနေ့ရက်တွေကို စောင့်ခဲ့ရတာ နှစ်ပေါင်းကြာပြီ။
ငါ မြန်မာကွလို့ အံကြီးကြိတ်ပြီး လူကြားအောင် မအော်နိုင်ခဲ့တာ နှစ်ပေါင်းကြာပြီ။
ကျနော် မြန်မာပါခင်ဗျာ။ မျက်နှာငယ်လေးနဲ့ ငါတို့ ညီအစ်ကို မောင်နှမတွေ၊ သူငယ်ချင်းတွေ ဖြတ်သန်းခဲ့ရတာ ကြာပြီ။
ဒီ့အတွက်ကျခဲ့ရတဲ့ ငါတို့မျက်ရည်တွေ ရင်ဘတ်တွေထဲက ဖွင့်ထုတ်လိုက်ရရင် ဧရာဝတီဟာ ရေတံခွန်ဖြစ်လောက်ရဲ့။
ဒါပေမဲ့ ငါတို့အားလုံး ရင်ထဲမှာ တိတ်တိတ်ပိတ်လှောင်ထားရတဲ့ အတွင်းသံတစ်ခုရှိတယ်။
အဲဒါ အားလုံးမှာတူညီတယ်။
ငါ မြန်မာကွ။ ငါတို့ဟာ မြန်မာကွ။
အခြေအနေအကြောင်းအရပ်ရပ်ကြောင့်။ ကံကြမ္မာဆိုးကြောင့်
ငါတို့ ၀ပ်ခဲ့ရတဲ့ ဦးခေါင်းတွေကို အခု ခဏတော့ မော့လှန်ပြီး
လောကကြီးကို ရဲရဲကြည့်မယ်။
ဘောလုံးကွင်းထဲမှာ ရင်ကော့ခေါင်းမော့နေတဲ့သူတွေဟာ မြန်မာဖြစ်တယ်။ ငါတို့ဖြစ်တယ်။
ဒါဟာ Warning ဖြစ်တယ်။ စိန်ခေါ်သံဖြစ်တယ်။ ကနဦး တပ်လှန့်သံဖြစ်တယ်။
လက်ခမောင်းခေါက်သံဖြစ်တယ်။
`ကျား´လို့ မာန်ဟိန်းဝံ့ကြွားသံဖြစ်တယ်။
နောက်ကို နေရာအစုံမှာ ဒီ့ထက် ဒီ့ထက် ပိုတိုးလာဦးမယ်။
သေချာတာက ...
ဟေ့ ...။
အားလုံး ... သတိထားကြ
မြန်မာလာပြီ။
ငါတို့လာပြီ။
တစ်ချိန်က အာရှရဲ့ သူရဲကောင်း။
အခု ပြန်လာပြီ။
[ ဒီစာမှာပါသမျှ စကားလုံး အားလုံးက ရည်ရွယ်တာ တစ်ခုတည်းပဲ။
ငါတို့နိုင်တယ်။ အဲ့ဒါကြောင့် ငါတို့ပျော်တယ်။
ဒီတော့ ... ဘာလို့ ရေးသလဲ မေးလာခဲ့ရင် တစ်ခွန်းထဲပြောမယ်။
ငါတို့နိုင်လို့၊ ငါတို့ပျော်လို့၊ ငါတို့ ရေးတယ်။]
သွန်းနေစိုး Thorn Nay Soe
