လာမယ့်ကြားဖြတ်ရွေးကောက်ပွဲဝင်ဘို့ ပါတီတွေပြင်ကြဆင်ကြတဲ့ အထဲမှာ ပြာယာအခတ်ဆုံးပါတီ ကို ပြပါဆိုရင် ကမ္ဘာကျော် NLD ပါတီကိုပြရမှာပါဘဲ.....။ဘာလို့လဲဆိုတော့ ပထမဆုံးရွေးကောက်ပွဲဝင်မယ့် ကိုယ်စားလှယ်လောင်းရွေးတာကိုပဲကြည့် တည်တည်ငြိမ်ငြိမ်နဲ့ အကောင်းဆုံးဖြစ်အောင်အချိန် ယူပြီးရွေးလို့ရနိုင်ပါရက်နဲ့ ပြာယာခတ်ပြီး အစောတလျှင်ရွေးခဲ့တယ် ၊ သတ်မှတ်ရက်ထက် အစောကြီးစောပြီး သွားတင်တယ် ၊ ဒီတော့ပြိုင်ဘက် တစ်ဘက်ပါတီက ပြင်ဆင်ချိန်ရသွားတယ် NLD ကဒီလူပြိုင်မယ့်နေရာကို တို့က ဒီလူနဲ့ပြိုင်မယ် ၊သူနဲ့ဆိုရင် သူနဲ့ပြိုင်မှရမယ် စသည်ဖြင့် ပြင်ဆင် ချိန်ရသွားပြီး စံနစ်တကျပြင်ဆင် ထွက်လာနိုင်တာကိုတွေ့ရတယ် ။
ဒီလိုပြာယာခတ်ပြီးလုပ်တဲ့အတွက် အမှားတွေပါလာတယ် ၊ အောက်ခြေကမကျေနပ်မှုတွေ ဖြစ်လာတယ် ၊ ခုပဲ ကသာခရိုင်ကနေပြိုင်မယ့် ဦးစောလှိုင်ဟာ ဒေလီမှာ အသည်းအစားထိုးကုနေတယ် တစ်ချိန်တည်းမှာပဲ ကော်မရှင်ကလည်း သူမွေးတဲ့အချိန်မှာ သူ့အဖေဟာ မြန်မာနိုင်ငံသားမဟုတ်လို့ ကိုယ်စားလှယ်လောင်းစာရင်းကပယ်ဖျက်ခံထား၇တဲ့အတွက် မပြိုင်ခင်ထဲက တစ်နေရာရှုံးနေပြီ ၊ ဇဗ္ဗူသီရိကပြိုင်မယ့် ဒေါ်စန္ဒာမင်းဟာလည်း ကျောင်းသားခေါင်းဆောင်ကိုဌေးကြွယ်နဲ့ ပုဂံမှာ အတူအိပ်ခဲ့ကြတဲ့ ဇာတ်လမ်းကအတော်လေးပျံ့နေတဲ့အတွက် သိက္ခာကအတော်ကျနေပြီ ၊ လူမှုရေးဖေါက်ပြန်တာဟာ မြန်မာမှုမှာအတော်ကြီးတဲ့ ပြဿနာဖြစ်တယ် ၊ နောက်မီးလင်းနေတဲ့သူကိုမဲတွေ ပုံပေး၇လောက်အောင် ပြည်သူတွေ' အ ' မယ်မထင်ဘူး၊ဒီကြားထဲ ဘာနိုင်ငံရေးအရောင်အသွေး အရည်အချင်းမှမရှိတဲ့ ဟစ်ဟော့ အဆိုတော်ကလည်းပါသေးတယ် ၊ အလားတူပဲ မြောင်းမြ ၊ ပခုက္ကူ ၊ မိတ္ထီလာ စတဲ့မြို့တွေမှာလည်း အောက်ခြေနဲ့အဆင်မပြေဘူး ၊ ကျွန်းစုမှာလည်း ဒီအတိုင်းပဲ ဒေါ်တင်တင်ရီကို ဘာကြည့်ပြီးရွေးထားတယ်မသိဘူး ။
သူများကို ကူဘို့နေနေသာသာ ကိုယ့်ဖာသာကိုယ်တောင်မရပ်နိုင်လို့ တွဲထားရတယ် တွဲထားတဲ့သူကိုလည်းကြည့်ဦး အရည်းကြီးလိုလိုဘာလိုလို
တစ်ဘက်က ပြည်ခိုင်ဖြိုးပါတီဟာ စစ်ဗိုလ်ချုပ်ဟောင်းတွေ ဖြစ်တဲ့အတွက် ဘယ်အရာမဆို စစ်ပြင်သလိုပြင်နေတာကိုသတိပြုမိတယ် တစ်ဘက်ရဲ့လှုပ်ရှားမှုကိုကြည့်ပြီး အကောင်းဆုံးပြင်ဆင် တာထွက်လာတာကိုတွေ့ရတယ် ၊ပညာတတ်တွေကို ပွဲထုတ်လာတယ် ၊ သူတို့ဟာနိုင်ငံရေး အရ ဒေါ်စုနဲ့အဖွဲ့ကို အထိုက်အလျှောက်နေ ရာပေးလိုတာမို့ နေရာတိုင်းကိုနိုင်ဘို့လုပ်မနေဘူး NLD အားနည်းတဲ့အချို့နေရာလေးတွေကနေပဲ ၂၅ %လောက် နိုင်ရင်တော်ပြီဆိုပြီး လုပ်နေပုံရတယ် ၊ ပြည်ခိုင်ဖြိုးပါတီသာ တစ်ကယ်အင်တိုက်အားတိုက်လုပ်ရင် မလွယ်ဘူးဆိုတဲ့အတွေး NLD ကိုသိယုံလောက်လုပ်နေတယ် ။NLD ဒေါ်စုတို့ လူအုပ်ကြားမအားမလပ်ဖြစ်နေချိန်မှာ သူတို့က တစ်အိမ်တက်ဆင်း အသာလေးလုပ်နေတာကို သတိထားကြည့်ရင်တွေ့နိုင်တယ် ။
နောက်ပြီးတော့ NLD ဟာ ဒေါ်စုတစ်ယောက်ထည်းကို ဗဟိုပြု အားထားနေတာကို ပိုပြီး အရှိန်ရအောင် မသိမသာလေး လုပ်နေတာကို ကြည့်ရင် မြင်နိုင်တယ် ၊ အောက်ခြေမှာNLD နဲ့ ဌာနဆိုင်ရာတွေကြားပဋိပက္ခလေးတွေ မသိမသာရော..သိသိသာသာရောလုပ်တယ် နောက်ဆုံးဒေါ်စု နဲ့ထိပ်တိုက်တွေ့ရင် အသာလေးလျှော့ပေးလိုက်တယ် ဒါကို NLD ပါတီဝင်တွေက တို့အမေစုတော့ အာဏာပိုင်တွေကိုနိုင်လိုက်ပဟဲ့လို့ ပျော်နေကြတယ် ၊ ဒါပေမယ့် ဒေါ်စုဗဟိုပြုစံနစ်ကြီးသည်ထက်ကြီးလာ တာကို သူတို့သတိမပြုမိကြဘူး ။
တစ်ချိန်က သာမညတောင် ၊ ရွှေပေါ်ကျွန်း ၊ ကုံလုံ အစရှိတဲ့ ဆရာတော်ကြီးတွေ သတင်းသုံးခဲ့ကြတဲ့နေရာတွေဟာ မြန်မာပြည်တစ်လွှားဟိုးလေးတစ်ကျော်ကျော် ဖြစ်ခဲ့ကြတယ် ၊ ရွှေပေါ်ကျွန်းမှာသက်သတ်လွတ်မစားဘူးရင်ပဲ ခေတ်နောက်ကျနေသလိုလို ၊ သာမညတောင် ဆရာတော်ကြီးကိုမဖူးဘူးရင်ပဲ ဗုဒ္ဒဘာသာမစစ်သလို ဖြစ်ခဲ့ကြတယ် ၊ ဘုရားဘူးတွေနေ့ညမပြတ် တိုးမပေါက်အောင် စည်ကားခဲ့ကြတယ် ၊ ဆရာတော်ကြီးတွေ ဘ၀နတ်ထံပျံလွန်သွားပြီးနောက်ပိုင်း ဒိနေရာတွေကို သွားတဲ့သူမရှိသလောက် ရှားသွားတယ် ၊ စာနယ်ဇင်းစာမျက်နှာပေါ်တွေ ကပျောက်သွားတယ် ၊ဒီခေတ် ဆယ်ကျော်သက်တွေဆို သိတောင်မသိတော့ဘူး ၊ တစ်နေ့မှာ NLD ပါတီဟာ ဒေါ်စုမရှိရင် ဒီလိုဖြစ်သွားမယ်ဆိုတာကို ပြည်ခိုင်ဖြိုးက စစ်ဗိုလ်ချုပ်ဟောင်းတွေက သိနေတယ် ။ ၂၀၁၅ ရွေးကောက်ပွဲ ကျရင်ဒီနေ့ NLD လူကြီးတွေဖြစ်တဲ့ ဦးတင်ဦး ၊ ဦးဝင်းတင်စတဲ့ ၀ါရင်ပုဂ္ဂိုလ်တွေဟာ အသက်အရွယ်အရ မသေသေးရင်တောင် ဘာမှ လုပ်နိုင်တော့မှာမဟုတ်ဘူး ၊ ဒီအခါမှာ အသက် ၇၂ နှစ်အရွယ်ဒေါ်စုနဲ့ မျိုးဆက်ခါးပြတ်နေတဲ့ NLD ပါတီအခြေအနေကို မှန်းကြည့်လို့ရတယ် ။
နောက်ဆုံးတင်ပြချင်တာက လူတွေကနုံတုံတုံ အတတကြီးလို့ထင်နေတဲ့ ဗိုလ်ချုပ်မှူးကြီးသန်းရွှေရဲ့ အကွက်ဖြစ်တယ် ၊ ဗိုလ်ချုပ်မှူးကြီးသန်းရွေဟာ ၂၀၀၈ ဖွဲ့စည်းပုံကိုရေးဆွဲပြီး ၂၀၁၀ ရွေးကောက်ပွဲနဲ့ ပြုပြင်ပြောင်းလဲရေးသမား ဦးသိန်းစိန်ကို စင်တင်ပေးခဲ့တယ် ဒီလိုစင်တင်နိုင်အောင် ဦးသိန်းစိန်ကို ၀န်ကြီးချုပ်ဘ၀နဲ့ လေ့ကျင့်ပေးထားလိုက်သေးတယ် ၊ ပြီးမှ ကျန်တဲ့ ပါဝါချိန်ခွင်တွေကို သေချာချိန်ပြီးမှ အနားးယူသွားတာဖြစ်တယ် ၊သူနေရာချသွားတာတွေကိုကြည့်လိုက်ရင် သူဟာအင်မတန်အကွက်စေ့သူဖြစ်တယ်ဆိုတာပေါ်နေတယ် ။
ထူးခြားတာက ၂၀၀၈ ဖွဲ့စည်းပုံထဲမှာ နိုင်ငံတော်ရာထူးတွေရယူသွားတဲ့သူတွေကို သက်ဆိုင်ရာပါတီစွဲတွေက ကင်းသွားအောင်ဆိုတဲ့အကြောင်းပြချက်နဲ့ နိုင်ငံတော်ရာထူးယူတာနဲ့ ပါတီကနေထွက်ရမယ် လို့ ပြဌာန်းထားတဲ့ အကွက်ဖြစ်တယ် ။ ခုဦးသိန်းစိန်နဲ့ အစိုးရအဖွဲ့ဝင်တွေဟာ လည်း ပါတီကိစ္စတွေမဆောင်ရွက်ရတော့ဘူး ၊ ပါတီကနေထွက်လိုက်ရတယ် ။ ဒါကြောင့်လည်း ခုကြားဖြတ်ရွေးကောက်ပွဲဆိုတာ ပေါ်လာတာပေါ့ ၊ ဒီလိုကြားဖြတ်ရွေးကောက်ပွဲပေါ်လာ လို့လဲ ဒေါ်စုတို့ခုလိုရွေးကောက်ပွဲထဲမှာပါလာတာဖြစ်တယ်.....၊ မပါပါအောင်လည်း အစိုးရကဆွဲခေါ်ခဲ့တယ် ၊အလျော့တွေပေးခဲ့တယ် ၊ ဒီကြားဖြတ်ရွေးကောက်ပွဲမှာ ကျန်တဲ့ကိုယ်စားလှယ်လောင်းတွေသာမသေချာတာ ဒေါ်စုကတော့နိုင်မှာ သေချာတယ် ။ဒေါ်စုနိုင်လို့ လွှတ်တော်ထဲရောက်လာတဲ့အခါ အစိုးရက ဒေါ်စုကိုနေရာပေးမှာပဲ နိုင်ငံတကာကလည်း ဒါကိုပဲတောင်းဆိုနေကြတယ် ၊ ဒီတော့အစိုးရကသာ ဒေါ်စုကိုအစိုးရအဖွဲ့ထဲမှာ နိုင်ငံတကာက လက်ခံလောက်တဲ့ ရာထူးတစ်ခုသာပေးခဲ့လိုက်ရင် နိုင်ငံတကာကလည်းသဘောကျသွားမယ် တစ်ချိန်တည်းမှာပဲ ဒေါ်စုဟာ NLD ကထွက်ရမယ် သိပ်လှတဲ့အကွက်ပါဘဲ ။ နိုင်ငံတကာကလည်းသဘောကျ ၊ NLD လည်းခေါင်းပြတ် ၊ ဒေါ်စုအရှိန်နဲ့ အစိုးရရဲ့ ပြုပြင်ပြောင်းလဲရေးတွေလည်း အရှိန်တက် ၊ တစ်ချက်ခုတ် ၃ ချက်ပြတ်ဖြစ်မယ့်ကိန်းပါဘဲ.....။
ဒေါက်တာဆိတ်ဖွား
