(အမေရိကန် အထက်လွှတ်တော် နိုင်ငံခြားရေးရာ ကော်မတီဥက္ကဌ
ဂျွန်ကယ်ရီရဲ့ Supporting change in Burma ဆောင်းပါးကို ဆီလျော်အောင် ဘာသာပြန်ဆို တင်ပြလိုက်ပါတယ်။
)
နှစ်ငါးဆယ်ကျော် စစ်အာဏာရှင် အုပ်ချုပ်ရေးအောက်မှာ နေခဲ့ရပြီးတဲ့နောက်
အခုအချိန်မှာတော့ မြန်မာနိုင်ငံဟာ သူ့တို့ အနေနဲ့ အမေရိကန် နိုင်ငံနဲ့ ဆက်ဆံရေး ပိုမိုကောင်းမွန်အောင်
လုပ်ဖို့ ဆန္ဒရှိတယ် ဆိုတာ အချက်ပြလာ ခဲ့ပါပြီ။ သမ္မတ ဦးသိန်းစိန်က မြန်မာနိုင်ငံကို
စောင့်ကြည့်နေသူတွေ စိတ်လှုပ်ရှားစေတဲ့၊ စဉ်းစားစရာတွေ အများကြီး ဖြစ်စေတဲ့ ပြုပြင်
ပြောင်းလဲမှုတွေ တစ်သီတစ်တန်းကြီး လုပ်ခဲ့တယ်။ အခု အဲဒီနိုင်ငံက ဒီမိုကရေစီ လှုပ်ရှားသူတွေ
အနေနဲ့ ဆယ်စုနှစ်များစွာ အတွင်း ပထမဆုံးအကြိမ် စိတ်အားတက်စရာတွေ တွေ့လာနေရပြီ ဖြစ်တယ်။
ပြီးခဲ့တဲ့ သြဂုတ်လမှာ သမ္မတနဲ့ ဒေါ်အောင်ဆန်းစုကြည် တွေ့ပြီး
ကထဲက ပြုပြင်ပြောင်းလဲရေး လုပ်ငန်းတွေ အရှိန် ရလာခဲ့တယ်။ နိုဝင်ဘာမှာ နိုင်ငံခြားရေးဝန်ကြီး
ကလင်တန်က မြန်မာနိုင်ငံကို သမိုင်းဝင်ခရီး သွားခဲ့ပြီး ဆက်ဆံရေး ကောင်းဖို့အတွက် ဘာတွေလိုတယ်
ဆိုတာ ရှင်းရှင်းလင်းလင်း ပြောပြခဲ့တယ်။ သမ္မတ ဦးသိန်းစိန် အစိုးရက အိုဘားမား အစိုးရရဲ့
မဟာဗျူဟာမြောက် ထိတွေ့ဆက်ဆံရေး ကိစ္စကို အပြုသဘော ဆောင်ပြီး တုန့်ပြန်ခဲ့တယ်။
မြန်မာ ခေါင်းဆောင်တွေက အပြောနဲ့မဟုတ် အလုပ်နဲ့ သက်သေ ပြခဲ့တဲ့အတွက်
တိုးတက်မှုအချို့ ဖြစ်လာခဲ့တယ်။ ပြီးခဲ့တဲ့ ရက်သတ္တပတ်တွေ အတွင်းမှာ အစိုးရက ရာချီနဲ့
နိုင်ငံရေး အကျဉ်းသားတွေကို ပြန်လွှတ်ပေးခဲ့တယ်၊ လာမည့် ဧပြီလမှ ရွေးကောက်ပွဲလုပ်ဖို့
သတ်မှတ်ပေးတယ်၊ တိုင်းရင်းသားအဖွဲ့ တွေနဲ့ ဖြစ်နေတဲ့ နှစ်ပေါင်းများစွာ ကြာတဲ့ ပဋိပက္ခတွေကို
အဆုံးသတ်နိုင်ဖို့ အပစ်အခတ် ရပ်စဲရေး ဆွေးနွေးပွဲတွေ လုပ်ခဲ့တယ်။ အခု အမေရိကန် မူဝါဒ
ချမှတ်သူ တွေနဲ့ ဥပဒေပြုသူတွေ အတွက် မေးခွန်းက ဘာဆက်လုပ်မလဲ၊ အစိုးရရဲ့ ရည်ရွယ်ချက်တွေကို
သိရအောင် ဘယ်လို လုပ်နိုင်သလဲ၊ ပြုပြင် ပြောင်းလဲ လိုသူတွေ ဘယ်လို အကောင်းဆုံး ကူညီနိုင်မလဲ
ဆိုတဲ့ မေးခွန်းပဲ။
အစဉ်အလာအရ အမေရိကန်ရဲ့ မြန်မာနိုင်ငံဆိုင်ရာ မူဝါဒကို ကွန်ဂရက်က
ချုပ်ကိုင်ထားတာ ဖြစ်တယ်။ တင်းကျပ်တဲ့ ပိတ်ဆို့မှုတွေ ချထားတယ်၊ အမေရိကန် အစိုးရရဲ့
မြန်မာမူဝါဒကို အနီးကပ် စောင့်ကြည့်တယ်၊ ငွေသုံးစွဲမှု တွေကို ထိန်းချုပ်ထားတယ်။ လွှတ်တော်
အမတ်တွေရဲ့ နှစ်ပေါင်းများစွာ ရှိလာတဲ့ မြန်မာနိုင်ငံ အပေါ် သဘောထားကို နေ့ချင်း ညချင်း
ပြောင်းလိုက်ဖို့တော့ မဖြစ်နိုင်ဘူး။ ဒါမေမယ့် မြန်မာအစိုးရ ဘက်က တိုးတက်မှုတွေ ရှိလာရင်တော့
အရင်တုန်းက ပြုပြင် ပြောင်းလဲမှုတွေ လုပ်ခဲ့တဲ့ အစိုးရတွေကို ဆက်ဆံသလိုပဲ ဆက်ဆံရေး တိုးတက်ဖို့
အတွက် လုပ်ဆောင်ဖို့ အသင့် ရှိပါတယ်။
အဲဒီလို ဖြစ်ဖို့အတွက် ဆိုရင် ရွေးကောက်ပွဲဟာ ဘက်မလိုက်တဲ့
နိုင်ငံတကာ စောင့်ကြည့် လေ့လာသူတွေ ပါပြီး လွတ်လပ် တရားမျှတဖို့ လိုတယ်။ ရွေးကောက်ပွဲသာ
အဆင်ပြေမယ် ဆိုရင် ကျွန်တော်တို့ဟာ ဒေါ်အောင်ဆန်းစုကြည်၊ တစ်ခြား ဒီမိုကရေစီ လှုပ်ရှားသူများ၊
နိုင်ငံတကာ မိတ်ဆွေများနဲ့ တိုင်ပင်ပြီး ပြုပြင်ပြောင်းလဲမှု တွေကို အားပေးရာ ရောက်အောင်၊
မြန်မာပြည်သူတွေ ဘဝ တိုးတက်လာအောင် ပိတ်ဆို့မှုတွေကို လျှော့ပေါ့ပေးဖို့ စဉ်းစား ဆောင်ရွက်
သွားမှာ ဖြစ်ပါတယ်။
ကျွန်တော်တို့ အနေနဲ့ တစ်ခြားနေရာ တွေမှာလည်း တိုးတက်မှုတွေ
ရတာ မြင်ချင်တယ်။ ပထမဆုံး အနေနဲ့ အစိုးရဘက်က ကျန်နေသေးတဲ့ ယုံကြည်ချက်ကြောင့် အကျဉ်းကျခံ
နေရသူတွေ အားလုံးကို လွှတ်ပေး စေချင်တယ်။ ဒုတိယ အနေနဲ့ တိုင်းရင်းသား လူနည်းစုတွေနဲ့
ဖြစ်နေတဲ့ တိုက်ပွဲတွေကို ရပ်ပြီး အမျိုးသား ပြန်လည် သင့်မြတ်ရေး အတွက် ဆွေးနွေးနိုင်မယ့်
နည်းလမ်းတွေကို ရှာရမယ်။ တတိယ အနေနဲ့တော့ ကျွန်တော်တို့ဟာ မြန်မာ-မြောက်ကိုရီးယား စစ်ရေး
ဆက်ဆံမှုနဲ့ ပတ်သက်ပြီး အများကြီး စိုးရိမ်ခဲ့တယ်။ အထူးသဖြင့် ဒုံးပျံ နည်းပညာနဲ့ အနုမြူ
နည်းပညာ ဆိုင်ရာ ပူးပေါင်း ဆောင်ရွက်မှုတွေ ဖြစ်တယ်။ အဲဒါနဲ့ ပတ်သက်ပြီး ယုံကြည်မှု ရဖို့အတွက်
မြန်မာဘက်က နိုင်ငံတကာ အနုမြူစွမ်းအင် အေဂျင်စီရဲ့ အနုမြူဆိုင်ရာ ကိစ္စတွေကို စောင့်ကြည့်
စစ်ဆေးမယ့် နောက်ဆက်တွဲ သဘောတူညီချက်ကို လက်မှတ် ထိုးတာကို ကျွန်တော်တို့ မြင်ချင်တယ်။
အဲဒါတွေဟာ ကွန်ဂရက်က မြန်မာနိုင်ငံ အပေါ် အမြင်တွေ ပြောင်းသွားစေဖို့ အတွက် လိုအပ်တဲ့
အခြေခံ ပြောင်းလဲမှုတွေပဲ ဖြစ်ပါတယ်။ မြန်မာဘက်ကသာ ရှေ့တိုး လုပ်ဆောင်ခဲ့မယ် ဆိုရင်
ကျွန်တော်တို့ ဘက်က အပြန်အလှန် လုပ်ပေးဖို့ နည်းလမ်းတွေ အများကြီး ရှိပါတယ်။
ဥပမာအားဖြင့် အစိုးရမှာ နှစ်ပေါင်းများစွာ အထီးကျန် နေခဲ့တဲ့အတွက်
စွမ်းဆောင်ရည် မြှင့်တင်ရေးတွေ လုပ်ဖို့ လိုနေတယ်။ လွှတ်တော်ကလည်း လုပ်ငန်းတွေ လုပ်နိုင်ဖို့
အကူအညီတွေ လိုနေတယ်။ ဒေါ်အောင်ဆန်းစုကြည် ခေါင်းဆောင်တဲ့ အမျိုးသား ဒီမိုကရေစီ အဖွဲ့ချုပ်က
နိုင်ငံရေး လုပ်ငန်းစဉ်မှာ ပြန်ပါလာနေပြီး သူအနေနဲ့ လွှတ်တော် နေရာအတွက် ဝင်ပြိုင်ဖို့
ရှိနေတယ်။ တကယ်လို့ အစိုးရဘက်က အပြုသဘော ဆောင်တဲ့ ပြုပြင် ပြောင်းလဲမှုတွေကိုသာ ဆက်လုပ်မယ်
ဆိုရင် မကြာခင်မှာ ကျွန်တော်တို့ အနေနဲ့ အဆင့်မြင့် လွှတ်တော် ကိုယ်စားလှယ်တွေကို ပထမဆုံး
အကြိမ်အဖြစ် ကွန်ဂရက်ကို လေ့လာဖို့ ဖိတ်ခေါ်မှာပါ။ နောက်ပြီး အရှေ့ ဥရောပမှာ ဘာလင် တံတိုင်းကြီး
ပြိုကျသွားပြီး နောက်လုပ်ခဲ့သလို လွှတ်တော် လုပ်ငန်းဆိုင်ရာ အကူအညီ တွေလည်း ပေးလို့
ရပါတယ်။
မြန်မာ့ စီးပွားရေးဟာလည်း နိုင်ငံတကာ ငွေကြေး အဖွဲ့အစည်းများ
ဆီကနေ အကြံဉာဏ်နဲ့ အကူအညီတွေ ရလာ နိုင်ပါတယ်။ အခုအချိန်မှာတော့ ဒီလိုပေးတာကို လွှတ်တော်
ဥပဒေအရ တားဆီးထားတယ်။ ဒါပေမယ့် အစိုးရကသာ ပြောင်းလဲမှုတွေ ဆက်လုပ်ခဲ့ရင် ကျွန်တော်တို့
အနေနဲ့ ဒီပိတ်ဆို့ တားဆီးထားမှု တွေကို ပြန်ပြီး သုံးသပ်မှာပါ။ နောက်ပြီး ယုံကြည်မှုကို
တည်ဆောက် နိုင်ဖို့နဲ့ ပြုပြင် ပြောင်းလဲရေးတွေကို အားပေးနိုင်ဖို့ အတွက် အထက်လွှတ်တော်
အနေနဲ့လည်း အိုဘားမား အစိုးရက မြန်မာနိုင်ငံကို သံအမတ်အဆင့် ပြန်ထားဖို့၊ မြန်မာ သံအမတ်ကို
လက်ခံဖို့ ဆုံးဖြတ်တာကို အတည်ပြုဖို့ လိုတယ်လို့ ယုံကြည်ပါတယ်။
သံအမတ် အဆင့် ပြန်ဆက်သွယ်တာဟာ မြန်မာအစိုးရကို ဆုချတာ မဟုတ်ဘူး။
သံအမတ် အဆင့်ကို တိုးမြှင့်နိုင်တဲ့ အတွက် မြန်မာနိုင်ငံထဲက အဖြစ်အပျက်တွေကို ပိုပြီး
ထိထိရောက်ရောက် စောင့်ကြည့်နိုင်မယ်၊ လူ့အခွင့်အရေး တွေကို မြှင့်တင်နိုင်မယ်၊ အမေရိကန်
နိုင်ငံရဲ့ အကျိုးစီးပွားနဲ့ တန်ဘိုးတွေကို ဖော်ဆောင်နိုင်မှာ ဖြစ်တယ်။ ပြီးရင် လူထု
အခြေပြု အဖွဲ့အစည်းတွေ၊ တိုင်းရင်းသားတွေရဲ့ လှုပ်ရှားမှုတွေကို ပိုပြီး ကူညီနိုင်မှာ
ဖြစ်တယ်။
ဆက်ဆံရေး တိုးတက်ဖို့အတွက် လုပ်ဆောင်ဖို့ လိုတဲ့ အချက်တွေ
အပြင် မြန်မာအစိုးရ အနေနဲ့ သူ့ပြည်သူတွေကို ပိုပြီး ဂရုစိုက်တာကို လုပ်မယ်ဆိုရင် ကွန်ဂရက်ရဲ့
အမြင်ကို ပြောင်းစေမှာ ဖြစ်ပါတယ်။ ဆင်းရဲမှုနဲ့ အခက်အခဲတွေကို ဖြစ်စေတဲ့ ဥပဒေတွေကို
ပြင်ဆင်ခြင်း၊ နိုင်ငံရေးမှာ အားလုံး ပါဝင်ခွင့် ပြုခြင်းတို့ဟာ မြန်မာအစိုးရ အပေါ်
ယုံကြည်မှုတွေ ပိုရစေမှာ ဖြစ်ပါတယ်။
အစိုးရက လယ်မြေတွေ သိမ်းတာကို ဆန့်ကျင်တဲ့ လယ်သမားတွေကို
အရေးယူမှု မျိုးဟာ အစိုးရကို အထင်မှားစေတယ်။ ကျေးလက် စီးပွားရေး၊ ပညာရေး၊ ကျန်းမာရေးနဲ့
အခြေခံ အဆောက်အအုံတွေမှာ ပိုပြီး ရင်းနှီးမြှုပ်နှံခြင်းဟာ အစိုးရကို ပိုပြီး ယုံကြည်မှု
ရစေမှာ ဖြစ်တယ်။
မြန်မာနိုင်ငံဟာ လမ်းဆုံလမ်းခွမှာ ရောက်နေပြီ။ အခု မြင်နေရတဲ့
အပြောင်းအလဲ တွေဟာ မခိုင်မာသေးဘူး။ ကျွန်တော်တို့ ဘက်ကတော့ လွှတ်တော် အနေနဲ့ အပြောင်းအလဲတွေကို
အားပေးမယ်၊ မြန်မာအစိုးရ ဘက်က သူ့ပြည်သူတွေ အတွက် ကဏ္ဍသစ် ဖွင့်လှစ်ဖို့ အတွက် တကယ် ဆောင်ရွက်နေသလား
ဆိုတာကိုလည်း စောင့်ကြည့် သွားမှာ ဖြစ်ပါတယ်။
ပိတောက်မြေ
