ရန်ကုန်၊ ဒီဇင်ဘာ ၁ဝ
၂ဝ၁၁ ခုနှစ်အတွင်း အဂတိလိုက်စားမှု အမြင့်မားဆုံးနိုင်ငံများစာရင်း၌
မြန်မာနိုင်ငံအား အဂတိလိုက်စားမှု အမြင့်မားဆုံးလေးနိုင်ငံအနက်
တတိယနေရာ၌ရှိကြောင်း နိုင်ငံတကာအဂတိလိုက်စားမှု တိုက်ဖျက်ရေးအဖွဲ့
(Transparency International)၏ ဖော်ပြချက်မှနိုင်ငံရေးအရ
ဘက်လိုက်ဆုံးဖြတ်မှုများကြောင့် ဖြစ်နိုင်ခြေရှိသည် ဟု
နိုင်ငံတော်သမ္မတအကြံပေး ဦးကိုကိုလှိုင်က ပြောသည်။
”ဒီထုတ်ပြန်ချက်က
နိုင်ငံရေး အရ ဘက်လိုက်မှုတွေရှိတယ်လို့ ထင်တယ်။ ဘာကြောင့်လဲဆိုတော့
သူတို့တွေ ဆာဗေးလုပ်တဲ့ဟာက ဘယ်လိုအချက်အလက်တွေနဲ့ လုပ် လဲဆိုတာ
ဖော်မပြထားဘူး။ ဒီလို ပြောတဲ့အတွက် ကျွန်တော်တို့ နိုင်ငံမှာ
အဂတိလိုက်စားမှု ပြဿနာ မရှိဘူးလို့ ဆိုလိုတာ မဟုတ်ဘူး။
မြန်မာနိုင်ငံထက်ဆိုးတဲ့ နိုင်ငံတွေ လည်း အများကြီး ရှိတာပဲ။ ဥပမာ
အိန္ဒိယနိုင်ငံမှာဆိုရင် အမေရိကန်ဒေါ်လာ ဘီလျံနဲ့ချီပြီး အဂတိလိုက်
စားမှုတွေရှိပေမယ့် မြန်မာနိုင်ငံမှာ အဲဒီလောက် မဆိုးဘူး။ အခု လည်း
အစိုးရသစ်လက်ထက်မှာ ဟိုးအရင်ကတည်းကရှိခဲ့တဲ့ ဒီပြဿနာကို ပပျောက်သွားအောင်
လုပ်နေပြီ။ လက်ရှိအစိုးရအနေနဲ့က အပြောင်းအလဲတွေ အများကြီးကို
အချိန်တိုအတွင်း လုပ်ဆောင်နေတာဖြစ်တဲ့အတွက် လတ်တလောအနေနဲ့
ဒီအဂတိလိုက်စားမှုပြဿနာကို လုံးဝချုပ်ငြိမ်းသွားအောင်တော့
မဖြေရှင်းနိုင်သေးဘူး။ ဒါပေမဲ့ အဂတိလိုက်စားမှုတွေ မဖြစ်အောင်
စီးပွားရေးပိုင်းမှာ ပွင့်လင်းမြင်သာအောင် လုပ်ဆောင်နေတဲ့အပြင် တစ်ဖက်ကလည်း
အဂတိလိုက်စားမှုတွေကို ဝန်ကြီးဌာနတွေ အလိုက် အရေးယူအပြစ်ပေးမှုတွေ
စတင်နေပါပြီ။ ဒါ့အပြင် အဂတိလိုက်စားမှုတွေကို ပြည်သူတွေအနေနဲ့
တိုင်ကြားနိုင်အောင် ရုံးဌာနတွေမှာ တိုင်ကြားစာတွေကို လက်ခံ ပြီး
ဆောင်ရွက်ပေးနေတဲ့ အပြင် လူ့အခွင့်အရေးကော်မတီကို ဖွဲ့စည်းပြီး ဒီကိစ္စကို
အရေးယူ ဖြေ ရှင်းနေပါပြီ” ဟု ဆိုသည်။
အကယ်၍ မြန်မာနိုင်ငံအနေဖြင့်
အဂတိလိုက်စားမှုတိုက်ဖျက်ရေးကို ထိရောက်စွာဆောင်ရွက်နိုင်ရန်အတွက်
အောက်ခြေဝန်ထမ်းများ၏ စားဝတ် နေရေးပြေလည်စေမှုကို အဓိကဦးစားပေး
ဆောင်ရွက်သွားရမည်ဖြစ်ကြောင်း၊ ထို့အတွက် နိုင်ငံတော် သမ္မတကြီးကလည်း
အောက်ခြေဝန်ထမ်းများ၏ လစာနှုန်းထားများကို တိုးမြှင့်ပေးနိုင်ရေး အတွက်
စီစဉ်လျက်ရှိပြီး မကြာမီအကောင်အထည် ပေါ်လာဖွယ်ရှိကြောင်း၊ အလားတူ
အဂတိလိုက်စားမှု တိုက်ဖျက်ရာတွင် အစိုးရသီးသန့်ဖြင့် ဆောင်ရွက်၍မရဘဲ
ပြည်သူများ၏ ပူးပေါင်းပါဝင် ဆောင်ရွက်မှသာ တိုက်ဖျက်မှု
အောင်မြင်နိုင်မည်ဖြစ်ကြောင်း ၄င်းက ထပ်လောင်းပြောသည်။
ထိုအဖွဲ့သည်
ဂျာမနီနိုင်ငံ ဘာလင်မြို့တွင် အခြေစိုက်ပြီး နှစ်စဉ် ကမ္ဘာ့ နိုင်ငံအသီးသီး၏
အဂတိ လိုက်စားမှု၊ ရာသီဥတုပြောင်းလဲမှုနှင့် စီးပွားရေးဆိုင်ရာတိုးတက်မှုများ
အား စာရင်းကောက်ယူ၍ စစ်တမ်းများ ထုတ်ဝေလျက်ရှိသောအဖွဲ့ဖြစ်သည်။
၎င်းအဖွဲ့မှ အဂတိလိုက်စားမှုများကို ဖော်ပြရာ၌ ပြည်သူ့ဘဏ္ဍာငွေအား တစ်ဦးချင်း
ကိုယ် ကျိုးအတွက် အလွဲသုံး၊ ရုံးဌာနများ၌ လာဘ်ပေးလာဘ်ယူမှု၊ နိုင်ငံတကာမှ
လှူဒါန်းငွေများအပေါ် အလွဲသုံးမှုစသည့် အချက်များပေါ် အခြေခံ၍
စစ်တမ်းကောက်ယူခြင်း ဖြစ်ပြီး ယခုနှစ်အတွင်း နိုင်ငံပေါင်း ၁၈၃
နိုင်ငံ၏အဂတိလိုက် စားမှုညွှန်ကိန်းများအား ရမှတ် ဝ နှင့် ၁ဝ အကြား
သတ်မှတ်ထားကာ ရမှတ် ဝ ရှိသည့် နိုင်ငံများမှာ အဂတိ လိုက်စားမှု
အမြင့်မားဆုံးနိုင်ငံများ ဖြစ်၍ ရမှတ် ၁ဝ မှတ်ရရှိသော နိုင်ငံများမှာ
အဂတိလိုက်စားမှုအ နည်းဆုံးနိုင်ငံများအဖြစ် သတ်မှတ်ခြင်းဖြစ်ကြောင်း သိရ
သည်။
ထိုညွှန်ကိန်းပါရမှတ်များအရ အဂတိလိုက်စားမှု
အကင်းရှင်းဆုံးနိုင်ငံများအဖြစ် နယူးဇီလန်၊ ဒိန်းမတ်နှင့်
ဖင်လန်နိုင်ငံတို့အား ရွေးချယ်သတ်မှတ်ခံရပြီး အဂတိလိုက်စားမှု
အမြင့်မားဆုံးနိုင်ငံများအဖြစ် ဆိုမာလီယာနိုင်ငံက ပထမ၊
မြောက်ကိုရီးယားနိုင်ငံက ဒုတိယ မြန်မာနိုင်ငံက တတိယနေရာ၌
ရပ်တည်လျက်ရှိကြောင်း ဒီဇင်ဘာလ ၁ ရက် နေ့တွင် နိုင်ငံတကာအဂတိလိုက်စားမှု
တိုက်ဖျက်ရေးအဖွဲ့မှ ထုတ်ပြန်သောအစီရင်ခံစာ အရ သိရသည်။
Popular News
