မြန်မာနိုင်ငံရဲ့ လူဦးရေဟာ အခု ၂ဝ၁ဝ ပြည့်နှစ်မှာ သန်း ၆ဝ နီးပါးရှိ နေပြီလို့ သိရတယ်။ ၁၉၆ဝ ခုနှစ် ဆီလောက်က လူဦးရေ သန်း ၂ဝ ကျော်ရှိရာကနေ နှစ်ပေါင်း ၅ဝ အ တွင်းမှာ သန်း ၄ဝ တိုးတက်လာ တဲ့သဘောဖြစ်တယ်။
သမိုင်းမှာ အများဆုံးပဲ
စီးပွားရေးသမားမဟုတ်လို့ ငါးရှဥ့်ဘယ်လောက်ပို့တယ်၊ကဏန်း ဘယ်လောက်ရောင်းရတယ်ဆိုတဲ့ အကြောင်းတွေ ရေးမလို့ မဟုတ်ပါ ဘူး။ စာနယ်ဇင်းသမား တစ်ယောက် ဖြစ်လို့ စာနယ်ဇင်းတွေအကြောင်း စဉ်းစားမိတာပါ။ ဒီနေ့ထုတ်ဝေနေ တဲ့ ဂျာနယ်ပေါင်းစုံ ၁၅ဝ ဝန်းကျင် ရှိသလို မဂ္ဂဇင်း ‘သဗ္ဗနံ’ပေါင်းစုံ လည်း ၁၅ဝ ဝန်းကျင်ရှိတယ်။ မြန်မာနိုင်ငံစာနယ်ဇင်းသမိုင်းမှာ ဘယ်ခေတ် ဘယ်အခါကမှ ဒါ လောက် များပြားတဲ့ဂျာနယ် မဂ္ဂဇင်း တွေ တစ်ချိန်တည်း တစ်ပြိုင်တည်း မထွက်ဖူးလေတော့ အရေအတွက် အနေနဲ့တော့ အားရစရာ အလွန် ကောင်းတယ်။ ဝမ်းသာစရာ ဖြစ် တယ်။ ဒါပေမဲ့ အရည်အသွေးအနေ နဲ့ပြောရရင်တော့ ဝမ်းသာလောက် တဲ့ အနေအထားထိ မရောက်သေး ဘူးလို့ ပြောရလိမ့်မယ်ထင်ပါတယ်။
၅ဝဝ ကုန်အောင် မရောင်းရ
ဘာကိုကြည့်ပြီး ဒီလိုပြောတာ လဲဆိုတော့ ဂျာနယ် မဂ္ဂဇင်းတွေ ရောင်းရတဲ့စောင်ရေကိုကြည့်ပြီး ပြောတာပါ။ မဂ္ဂဇင်းတွေကို အရင် ဆုံးပြောပါမယ်။ အရေအတွက် အားဖြင့် ၁၅ဝ လောက်ရှိပေမယ့် အဲဒီထဲက ငါးပုံလေးပုံမကတဲ့ မဂ္ဂဇင်း တွေဟာ စောင်ရေ ၁ဝဝဝ တောင် ကုန်အောင်မရောင်းရကြပါဘူး။ အုပ် ရေ ၅ဝဝ ပဲရိုက်ပြီး လက်ဆောင် ပေးတာအပါအဝင် အုပ်ရေ ၂ဝဝ လောက်ပဲကုန်တဲ့မဂ္ဂဇင်းတောင်ရှိ ပါတယ်။ လုံးချင်းစာအုပ်တွေလည်း အလားတူပါပဲ။ ၆ဝ ခုနှစ်၊ ၇ဝ ခုနှစ်တွေ အတွင်းကလို ဘာစာအုပ်ပဲ ရိုက်ရိုက် အနည်းဆုံးအုပ်ရေ ၂ဝဝဝ ရိုက်တဲ့ခေတ်မရှိတော့ပါဘူး။ အုပ်ရေ ၁ဝဝဝပဲရိုက် ကြတော့တယ်။ တချို့ အုပ်ရေ ၅ဝဝ ပဲ ရိုက်ကြတယ်။ ဒါတောင် ကုန်အောင်ရောင်းရတာ မဟုတ်ဘူး။
လူတစ်ရာ တစ်ယောက်ဝယ်ရင် ၆ သိန်း
ဂျာနယ်တွေလည်း သိပ်မထူး ပါဘူး။ အများစုက ထောင်ဂဏန်း လောက်သာရိုက်ကြရပါတယ်။ အ များဆုံးရောင်းရတယ်ဆိုတဲ့ ဂျာနယ် တွေတောင် ၁ သိန်းရိုက်ရတယ်လို့ မရှိသေးပါဘူး။ လေးငါးခြောက် သောင်းလောက်ပဲရောင်းရပါတယ်။ အများစုက ကြော်ငြာကို မျှော်ကိုး ပြီး မှေးလုပ်နေကြတာဖြစ်တယ်။ မျှော်ရင်းမျှော်ရင်း နဲ့ ကြော်ငြာမရလို့ ဆယ့်လေးငါးစောင်ထုတ်ပြီး ရပ် သွားတာတွေလည်း မနည်းတော့ ပါဘူး။ လူဦးရေသန်း ၆ဝ လောက် ရှိတဲ့နိုင်ငံမှာ စောင်ရေ ၆ဝဝဝဝ လောက်ပဲ ရောင်းရတယ်ဆိုတော့ အတော့်ကို နည်းပါတယ်။ လူ ၁ဝဝ မှာ ၁ ယောက်နှုန်းဝယ်ဖတ်တယ် ဆိုရင်တောင် သန်း ၆ဝ ဆိုရင် စောင်ရေ ၆ သိန်းလောက်ထုတ်ရ မှာ ဖြစ်တယ်။ အခု စောင်ရေ ၆ သောင်းလောက်ဆိုတော့ လူ ၁ဝဝ မှာ ဝယ်ဖတ်သူဟာ ဒသမ ဝ၁ သာ ရှိတဲ့သဘောဖြစ်ပါ တယ်။ စိတ်မကောင်း စရာပါပဲ။
လက်တစ်ဆုပ်စာ အတွက်သာ လုပ်လို့
အကြောင်းတွေက တော့ အများကြီးရှိမှာပါ။ အဲဒီထဲကတစ်ခု ကတော့ ဂျာနယ်မဂ္ဂဇင်းတွေက တိုင်းပြည်ရဲ့ လူများစုကြီး အတွက် ဦးတည်ရည်စူးပြီး ထုတ် တာ မဟုတ်ဘဲ မြို့နေပညာတတ် လက်တစ်ဆုပ်စာအတွက်ပဲ ရည် ရွယ်ထုတ်ဝေတဲ့သဘောဖြစ်နေတာ လို့ပဲထင်မြင်ယူဆတယ်။ လက်တစ် ဆုပ်စာအတွက်ပဲ လုပ်တဲ့ အတွက် လက်တစ်ဆုပ်စာလောက်ကပဲ ဝယ် ဖတ်ကြတာနေမှာပေါ့။ လက်တစ် ဆုပ်စာအတွက်ပဲ ရည်ရွယ်တယ်လို့ ပြောရတာကဒီလိုပါ။ မြန်မာနိုင်ငံ လူဦးရေရဲ့ ၈ဝ ရာခိုင်နှုန်းလောက်က မြို့ငယ်လေးတွေနဲ့ကျေးလက်ဒေသ တွေမှာ နေထိုင်ကြပြီး လယ်ယာ စိုက်ပျိုးရေးလုပ်ငန်းနဲ့ ဒါမှမဟုတ် သီးနှံကုန်သွယ်ရေး လုပ်ငန်းနဲ့ အသက်မွေးကြသူတွေဖြစ်ပါတယ်။
ဖိနပ်ဝယ်တာ၊ စကတ်ဝယ်တာ
ကျေးလက်ဒေသနေ လူတွေ က မော်ဒယ်တွေ ဖိနပ်ဝယ်ထွက် တာ၊ စကတ်ဝယ်ထွက်တာမျိုးတွေ ကို စိတ်မဝင်စားပါဘူး။ အလှူမှာ ရှင်လောင်းလှည့်ဖို့ မြင်းငှားရင် ဘယ် ဈေးရှိတယ်၊ ဆင်ငှားရင်ဘယ်ဈေး ပေါက်တယ်၊ ဘယ်သူ့အလှူမှာ ဘာကျွေးပြီး ဘယ်ဆိုင်းငှားမယ်၊ ဘုရားပွဲကျရင် ဘယ်အငြိမ့်၊ ဘယ် ဇာတ်ငှားမယ် ဆိုတာမျိုးတွေပဲ သူ တို့အတွက် အရေးကြီးတာပါ။ လေးဖြူတို့၊ ဖြူဖြူကျော်သိန်းတို့ကို သဘောကျပေမယ့် သူတို့ဆီ ရောက်တာမှမဟုတ်တာ။ ငှက်ပျော တော မင်းသားနဲ့ ဆိုင်းမင်းသမီးကို ပဲ သူတို့က မျှော်ကြတယ်။
မအပ်မရာတွေ
ဂျာနယ်တွေထဲမှာပါတဲ့ ကုန် ပစ္စည်းဈေးနှုန်းတွေကလည်း သူတို့ နဲ့ မအပ်မရာတွေဆိုတော့ ဝယ် ဖတ်ပြီး ဘာလုပ်ရမှာလဲ။ သူတို့ စိတ်ဝင်စားတာက မြေဆီဈေး၊ ပိုး သတ်ဆေးဈေး၊ ကောက်စိုက်သမ ဈေး၊ ရေစုပ်စက်ငှားခဈေး၊ နွားဈေး၊ ကျွဲဈေး၊ ဆိတ်ဈေး၊ ဝက်ဈေး။ ဂျာနယ်တွေထဲပါတာက LED တီဗီ၊Flat TV ၊ လေအေးစက်၊ အဝတ် လျှော်စက်၊ ရေခဲသေတ္တာ၊ ဒစ်ဂျစ် တယ်ကင်မရာ၊ အမ်ပီသရီး၊ အမ်ပီ ဖိုး၊ မိုဘိုင်းဖုန်းဆိုတာတွေရဲ့ဈေးနှုန်း တွေချည်းပဲ။ ဝယ်ဖို့၊ စိတ်ဝင်စားဖို့ ဆိုတာထား LED တို့ Flat တို့ ဆို တာတွေဟာ ဘာမှန်းတောင် သိ တာ မဟုတ်ကြဘူး။
ခေါင်းစဉ်ကစမဖတ်တတ်
တခြားသိစရာတွေပါတယ် ဆိုပေမယ့် ခေါင်းစဉ်ကစပြီး ဘာ တွေမှန်းမသိတော့ ဖတ်ချင်စိတ် ဘယ်ရှိမှာလဲ။ UMFCCI နဲ့ JICA တွေ့ဆုံဆွေးနွေးတDesigner Juliet နဲ့ One Second Interview တဲ့။ ဂရပ်စ်ရု(တ်)ကို အ ရောက်သွားပါတဲ့။ Infrastructure တွေ မပြည့်စုံသေးတဲ့။ ကဲအဲဒါတွေ က ဘာတွေလဲ။ မြန်မာအများစု နားလည်ပါ့မလား။ မြို့က ပညာ တတ်တစ်ယောက်တောင် စီးပွား ရေး လောကထဲကမဟုတ်ရင်UMFCCI ဆိုတာ ဘာမှန်းသိမယ် မထင်ဘူး။ ကုန်သည်ကြီးများနဲ့ စက်မှုလုပ်ငန်းရှင်ကြီးများအသင်းကို မြန်မာလို အတိုကောက်ရေးလို့ မရ ဘူးလား။ သူတို့အသင်းကပေးမ ထားလည်း စာနယ်ဇင်းတွေက ပေး လိုက်ပေါ့။ ရှေးက ဖဆပလတို့၊ မဆလတို့ဆိုတာ သတင်းစာတွေ က ရေးရင်းနဲ့ တွင်သွားကြတာတွေ ပဲ။ UMFCCI ကို ‘ကစလသ’ လို့ ပေးလိုက်ရင် မဖြစ်ဘူးလား။ ဒါမှ မဟုတ်လည်း ကုန်သည်ကြီးများနဲ့ ဂျပန်အဖွဲ့ တွေ့ဆုံဆွေးနွေးလို့ ရေး ရင်လူတိုင်း နားလည်နိုင်တာပေါ့။
မန်းလေပြဲလေ
ဂျာနယ်နာမည်တွေ ဘိုလို မှည့်ကြတာကို ရေးရင်းရေးရင်းနဲ့ အခုဆို သတင်းခေါင်းစဉ်တွေအထိ ဘိုလိုရေးပြီး တပ်ကုန်ကြပြီ။ ‘ပြော လေကဲလေ၊မန်းလေပြဲလေ’ ဆိုတဲ့ ကိန်းဆိုက်နေပြီ။ ဒါလောက် ဘို ဖြစ်ချင်ကြရင် တစ်စောင်လုံး ဘိုလို ရေးပြီး ထုတ်ကြပါတော့လား။ ပြော တဲ့လူကပဲ လွန်သလား။ ကြည့် ပါဦး။ ‘ဂရပ်စ်ရု(တ်)’တဲ့။ ရေးထားပုံက။ အမှတ်တမဲ့ ဖတ်ပြီးကြောင်သွားတယ်။ နောက်မှါမျေမသသအ ဆို တာကို မြန်မာအသံထွက် ပြီး ရေးလိုက်တာပါလား လို့ သိလိုက်တယ်။ အခြေ ခံတို့၊ အောက်ခြေတို့ ရေး လို့မရဘူးလား။ မြန်မာစာ သတ်ပုံမှားတာတွေတောင် ပြောမကုန်နိုင်ဖြစ်နေတဲ့ အထဲ အင်္ဂလိပ်စာလုံးပေါင်းတွေပါ သတ်ပုံမှားကြတော့ ဘာအဓိပ္ပာယ်မှ ကို မှန်းကြည့်လို့မရနိုင်တော့ဘူး။
ဘိုယိမ်းကနေကြလို့
နာဂစ်ဘေးဆိုးကြီးကြုံတွေ့ရ ပြီးနောက်ပိုင်းမှာ ရေကြောင်း ကူး သန်းသွားလာနေသူတွေနဲ့ ကျေး လက်ဒေသကတောင်သူလယ်သမား တွေ၊ ရေလုပ်သားတွေဟာ မိုးလေဝ သသတင်းကို ရေဒီယိုကတစ်ဆင့် မပျက်မကွက် နားထောင်လာကြ တယ်။ အဲဒီမတိုင်ခင်ကဆိုရင် မိုး လေဝသသတင်းကို ဘယ်သူမှ စိတ်ဝင်စားတာ မဟုတ်ပါဘူး။ အခု တော့ မိုးလေဝသသတင်းဟာ နား ထောင်ဖို့ လိုအပ်တယ်ဆိုတာ သိ လာကြတဲ့အတွက် နားထောင်လာ ကြတယ်။ မြန်မာစာဖတ် ပရိသတ် က ဂျာနယ်တွေအပေါ်မှာ မိုးလေ ဝသသတင်းလောက် စိတ်ဝင်စား လာကြပြီဆိုရင် စောင်ရေ ၆ သိန်း ထုတ်ရဖို့ မခက်တော့ပါဘူး။ ဒါပေမဲ့ အခုလို ဂျာနယ်တွေ ဘိုစိတ်ပေါက် ပြီး ဘိုယိမ်းကနေလို့ကတော့ ဒသမ ဝ၁ ကနေတက်လာစရာအကြောင်း မမြင်မိပါဘူးလို့ပဲ ပြောလိုက်ချင်ပါ တယ်။
လူထုစိန်ဝင်း
