အနာဂတ်မြန်မာ့နိုင်ငံရေးတွင် ဒေါ်စုကြည်၏အခန်းကဏ္ဍ သူမအပေါ်တွင်သာမူတည်ဟု ဦးကိုကိုလှိုင် ပြောကြား

 

ဦးကိုကိုလှိုင်

 

အနာဂတ်မြန်မာ့နိုင်ငံရေးမှာ ဒေါ်အောင်ဆန်းစုကြည်ရဲ့နိုင်ငံရေးအခန်းကဏ္ဍနဲ့ မြန်မာအစိုးရသစ်ရဲ့ အမျိုးသား ပြန်လည်သင့်မြတ်ရေး ကိစ္စ ဖြစ်ပေါ်လာရေးဟာ ဒေါ်အောင်ဆန်းစုကြည် အပေါ်မှာပဲ ပိုပြီးမူတည်နေတာဖြစ်ကြောင်းသမ္မတဦးသိန်းစ်ိန်ရဲ့ နိုင်ငံရေးအကြံပေးအဖွဲ့ ခေါင်းဆောင်ဦးကိုကိုလှိုင် က RFA သတင်းဌာန နဲ့တွေ့ဆုံဆွေးနွေးခန်းတစ်ခုမှာထုတ်ဖော် ပြောကြားလိုက်ကြောင်းသိရပါတယ်။

အစိုးရအဖွဲ့ရက်ပေါင်း ၁၀၀ အတွင်းဆောင်ရွက်မှုတွေအတွက် ဝေဖန်မှုတွေနဲ့ပတ်သက်ပြီး အမေးကို ဖြေကြားရာတွင် ဦးကိုကိုလှိုင် က"ဝေဖန်တယ်ဆိုတာကတော့လွယ်တာပေါ့ဗျာ.. ဘောလုံးပွဲလိုပေါ့ ...၀င်ကန်ဘို့ကတော့ဘယ်လွယ်မလဲ..ဟုတ်တယ်မဟုတ်လား..ဆိုတော့ကျွန်တော်တို့နှစ်ပေါင်း၅၀ လောက် ခိုင်ခံ့လာတဲ့ ပြသနာပေါင်းစုံနဲ့ အခင်းအကျင်းကြီးကိုခုမှစပြင်ရတယ်ဆိုတော့ ..လုပ်ရကိုင်ရတဲ့ သူကလဲမျက်လှည့်ဆရာမှမဟုတ်ဘဲ..ဟုတ်တယ်မလား..သူလဲသူတတ်နိုင်သလောက် ဘယ်လောက်လုပ်နိုင် သလဲ လုပ်နိုင်သလောက်လုပ်ရမှာပေါ့ဗျာ..အဲလိုပဲမြင်ပါတယ်.."

ရက်၁၀၀ အတွင်းအစိုးရ၏ဆောင်ရွက်ချက်များထဲမှ ထင်သာမြင်သာရှိတဲ့ပြောင်းလဲမှုတွေနဲ့ ပတ်သက်ပြီးအမေးကို ဖြေကြားရာမှာ

"ထင်သာမြင်သာရှိတဲ့ပြုပြင်ပြောင်းလဲမှုဆိုတာတော့..ရှင်းပါတယ်ဗျာ..အရင်တုန်းကတော့အာဏာရှင်စံနစ် ကိုး ဗျ ခုကတော့ ဒီမိုကရေစီ အင်စတီကျူးရှင်းက၀င်လာပြီလေ အဲဒီတော့သူ့ရဲ့အုပ်ချုပ်မှုစံနစ်ရှိမယ် လွှတ်တော် ဥပဒေပြုစံနစ်ရှိမယ် ၊ တရားစီရင်ရေးရှိမယ် အာဏာခွဲဝေမှု ၃ ခုက သီးခြားခွဲသွားပြီပေါ့ဗျာ..အဲဒီဥစ္စာက ထင်သာမြင်သာရှိတဲ့ပြုပြင်ပြောင်းလဲမှု နံပါတ်တစ်ပေါ့. .နောက်..နံပါတ်နှစ်တော့ အဲဒီဥစ္စာတွေက သူ့အလုပ်ကိုသူလုပ်ကြတယ် ဇာတ်တွေလိုပေါ့ဗျာ..ဇာတ်ဆိုတာတော့..ဇာတ်တွေကြည့်ရင်တွေ့မှာပေါ့ ပထမဦးဆုံးတော့ ဘာလုပ်ရသလဲဆိုတော့ ..ပြည်တည်ရတာကိုး...သူကဘယ်တိုင်းပြည်ကဘာလုပ်ပါတယ် ညာလုပ်ပါတယ် .ရှင်ဘုရင်ကဘာလုပ်ပါတယ်..အဲလိုမျိုးပေါ့ဗျာ..ရက် ၁၀၀ ဆိုတာက အဲဒီပြည်တည်ရတဲ့အလုပ် ပဲရှိသေးတာကိုး..ဆိုတော့ ချက်ချင်းကြီး ဥုံဖွဆိုပြီးတော့မှ တစ်ခုခုကို ချက်ချင်းဘွားကနဲပေါ်လာအောင်လုပ်ဘို့ကတော့မဖြစ်နိုင်ဘူးလေ..ဒါပေမယ့်လည်း..အဲဒီထဲမှာလုပ်လို့ရတဲ့ အပိုင်းလေးတွေတော့သူတို့ လုပ်လာတာတော့တွေ့တာပေါ့ ဥပမာအားဖြင့်ဆိုရင် လွှတ်တော်နဲ့ကျန်တဲ့မီဒီယာတွေနဲ့ အကုန်လုံးပြောကြတဲ့အထဲမှာပါတဲ့ ပင်စင်လစာတွေဘာတွေတိုးပေးမယ် သမ္မတရဲ့မိန့်ခွန်းမှာလဲပါတယ်ပေါ့ အဲဒါဆိုရင်လဲ သူတိုးပေးလို့ရတယ် ပေးလိုက်တာပေါ့ နော်.. အဲလိုပဲကျန်တဲ့ဥစ္စာကတော့ ခုမှကွင်းစပြီးတော့မှပြင်ရတာဆိုတော့ ဥပမာဆင်းရဲနွမ်းပါးမှုတိုက်ဖျက်ရေး ဆိုလို့ရှိရင် စပြီးတော့မှ workshop တွေလုပ်တယ် Action plan ပေါ့နော် လုပ်ငန်း အစီအစဉ်တွေလုပ်တယ် ဖွဲ့စည်းတယ် စပြီးတော့မှလုပ်နေတယ်ပေါ့နော်..အဲလိုပဲမီဒီယာဆိုလို့ရှိရင်လဲ တော်တော်များများ လျော့လျော့ပေါ့ပေါ့ နဲ့ ပြောနိုင်ဆိုနိုင်တယ်..တစ်သက်လုံးက လွန်ခဲ့တဲ့ ၂နှစ် ၃ နှစ်လောက်က လေသံလောက်ပြောလို့ရှိရင်တောင် ဒုက္ခရောက်သွားနိုင်တဲ့ကိစ္စမျိုးတွေအားလုံးဟာ ခုပုံနှိပ်စာလုံးတွေနဲ့ပေါ်လာတာမျိုးတွေရှိတယ် ဒါတွေ ကတော့ ပြောရင်တော့နည်းနည်းလေးပဲလို့ထင်ရပေမယ့် စရွှေ့တဲ့ အရွေ့မှာတော့တော်တော် များများအရေးကြီးတယ်လို့ ကျွန်တော်ကတော့ထင်တာပဲ...ဟုဖြေကြားသွားပါသည်။

အနာဂါတ်မြန်မာ့နိုင်ငံရေးမှာဒေါ်အောင်ဆန်းစုကြည်ရဲ့ နိုင်ငံရေး အခန်းကဏ္ဍနဲ့ပတ်သက်ပြီး သတင်းထောက်ရဲ့အမေးကိုဖြေကြားရာမှာတော့

“အဲဒီဟာလည်းပဲ ဒေါ်အောင်ဆန်းစုကြည် အပေါ်မှာပဲ မူတည်လိမ့်မယ်လို့ ထင်ပါတယ်။ လုပ်ရကိုင်ရမယ့် ဘယ်တိုင်းပြည်မှာမဆို Game တခု ကစားတယ်ဆိုရင် Game ရဲ့ Rule ထဲမှာ ဝင်ပြီး ကစားလို့ကတော့ ဘယ်လိုပဲလုပ်လုပ် အားလုံးက ခွင့်ပြုမှာပါပဲ။ ပြည်ထဲရေးဝန်ကြီးဌာနရဲ့ ကြေညာချက် ပေးစာ ထဲမှာလည်း တွေ့တာတော့… လူမှုရေး လုပ်ချင်တယ်ဆိုရင်လည်း လူမှုရေးအရ အသင်းအဖွဲ့ မှတ်ပုံတင်ပြီးလုပ်ပါ သူတို့လုပ်ပေးပါ့မယ်… တကယ်လို့ ပါတီအဖြစ်နဲ့ပဲ မှတ်ပုံတင်ပြီး ပြန်ပြီးတော့ ပါမယ်၊ ပြည်သူလူထုရဲ့ အဆုံးအဖြတ်ကို ယူပြီးတော့မှ ရွေးကောက်ပွဲဝင်မယ် ဆိုရင်လည်း ဖွင့်ပေးမယ်… ဆိုတာ သမ္မတကြီး မိန့်ခွန်းထဲမှာလည်း ပါပြီးသားပါ။ ဆိုတော့ ဒါကတော့ သူ့အပေါ်မှာပဲ ပိုပြီးတော့ မူတည်လိမ့်မယ်လို့ ကျနော် ထင်ပါတယ်”

ဒါ့အပြင် နိုင်ငံရေးအကျဉ်းသားလွတ်မြောက်ရေးနဲ့ လွတ်ငြိမ်းချမ်းသာခွင့်ပေးခဲ့တဲ့ ကိစ္စနဲ့ပတ်သက်တဲ့အမေး ကိုတော့ ဦးကိုကိုလှိုင်က အခုလို ပြောကြားပါတယ်။

“ဒီဟာတော့ ချက်ခြင်းကြီး၊ ဟို… ဒီ… နိုင်ငံရေးအကျဉ်းသားဆိုတဲ့ ပုဂ္ဂိုလ်တွေပေါ့ဗျာ၊ အဲဒီအထဲမှာဆိုရင်လည်း လူမျိုးစုံ ပါတာပေါ့နော်။ တကယ့်ကို သူတို့ဟာသူတို့ ယုံကြည်ချက်နဲ့ လုပ်ကြတယ်၊ သူတို့ဟာသူတို့ ဟိုဒင်း ဖြစ်ပြီးတော့မှ အထဲရောက်သွားကြသူတွေ ရှိသလို တချို့ကျတော့လည်းပဲ ဆူပူအောင် လှုံ့ဆော်တယ်၊ ဒါမှမဟုတ်ရင်လည်းပဲ အကြမ်းဖက်ကြတယ်ပေါ့နော်။ အကြမ်းဖက်တဲ့အုပ်စုတွေနဲ့ ဆက်သွယ်တယ်၊ အကြမ်းဖက်ဖို့ လုပ်တဲ့ထဲမှာ ပါတယ်၊ အဲလိုမျိုးတွေလည်း ဝင်သွားတာတွေ ရှိတယ်။ ဆိုတော့… အကုန်လုံးကို ခြွင်းချက်မရှိ လွှတ်ပေးရမယ် ဆိုလို့ရှိရင် ဒီလို နိုင်ငံ စပြီး ထူထောင်ခါစ အချိ်န်မှာ ဗြောင်းဆန်သွားနိုင်တဲ့ အနေအထားမျိုးရှိတယ် ဆိုတာလည်းပဲ သတိထားရမှာပေ့ါနော်။ တဘက်မှာလည်းပဲ သမ္မတက လွတ်ငြိမ်းချမ်းသာခွင့် လုပ်ပိုင်ခွင့်ကို ဆုတ်ကိုင်ထားနိုင်တယ် ဆိုပေမယ့်လည်း နိုင်ငံတည်ငြိမ်ရေးကလည်း သူ့ရဲ့ တာဝန်ခံ ဖြစ်နေတာကိုး။ အဲဒီတော့ ဒါက အပြင်ဘက်က Pressure ပေးတိုင်း လိုက်လုပ်နေရမယ့် အနေအထားမျိုး မဟုတ်ဘူးလေ”

နိုင်ငံတော်သမ္မတ၏ နိုင်ငံရေးအကြံပေးပုဂ္ဂိုလ် ဦးကိုကိုလှိုင်သည် ယခင်တပ်မတော်ထောက်လှမ်းရေးညွှန်ကြားရေးမှူးရုံးလက်အောက်ခံ စစ်မဟာဗျူဟာလေ့လာရေးဌာနတွင် ၁၉၉၁ ခုနှစ်မှ ၂ဝဝ၄ ခုနှစ်ထိ စစ်ဦးစီး(ပထမတန်း) သုတေသန အဖြစ် နိုင်ငံတာဝန်များ ထမ်းဆောင်ခဲ့ပြီး (နောက်ပိုင်းတွင် အဆိုပါဌာနကြီးသည် တပ်မတော်လေ့ကျင့်ရေးအရာရှိချုပ်ရုံး လက်အောက်သို့ပြောင်းလဲဖွဲ့စည်းခဲ့သည်) ၂ဝဝ၄ ခုနှစ်မှ ယနေ့အထိ အကြံပေးအရာရှိ အဖြစ် သတင်းနှင့် စာနယ်ဇင်းလုပ်ငန်း၊ ပြန်ကြားရေး ဝန်ကြီးဌာနတွင် တာဝန် ထမ်းဆောင်ခဲ့သူတစ်ဦးဖြစ်ကြောင်းသတင်းရရှိပါသည်။