ရှေ့ဆင့်နောက်ဆင့် ဆိုသလို ဤ ရက်ပိုင်းအတွင်း ဆေးလောကနှင့်ပတ်သက်၍ ဝေဖန်သံများ ဆူညံနေသည်။ အွန်လိုင်းစာမျက်နှာများတွင် လွတ်လပ်စွာရေးခွင့်ရသမို့ အွန်လိုင်းတွင် ပိုကြမ်းပါသည်။ အဓိက ရသော အကြောင်း(Message)မှာ ဆရာဝန်များ ပေးသော အချိန်သည် နည်းပါးလွန်းသဖြင့် ကျေနပ်မှု မရှိဟူသော ကိစ္စနှင့် ငွေကုန်ကြေးကျမျာ...းသော ကိစ္စ နှစ်ခုကို ဦးတည်လျက် ဝေဖန်ကြခြင်းဖြစ်သည်။ ကျေနပ်မှုဟူသည်မှာ စိတ်ကျေနပ်မှု နှင့် ရောဂါ ပျောက် ကင်းသာသာရာမှ ၇သော ကျေနပ်မှုနှစ်မျိုးခွဲခြားကြည့်သည်။ လက်ရှိ တုန့်ပြန်သံများကို ကြားရသည်မှာ ရောဂါ ပျောက်ကင်းသက်သာမှု မရှိခြင်းထက် လူနာ၏ ခံစားရချက်များကို လစ်လျူရှုသည်၊ အချိန်ပေးနည်းလွန်းသည် ဟူ၍ ဖြစ်ရာ Customer Service ပိုင်းနှင့်ပတ်သက်၍ မကျေနပ် ဟု ယေဘုယျသဘောယူဆပါသည်။
ဒါအပြစ်လားကွယ်
လက်ရှိ စာရေးသူတို့ ကျင်လည်ဖြတ်သန်းခဲ့သော ဆေးလောက အသိုင်းအဝိုင်းတွင် အလွန့်အလွန်နည်းပါးလှသော Elite(လက်ရွေးစင်) ဆရာဝန်ကြီး အချို့မှလွဲ ၍ ကျန်သော ဆရာဝန်ကြီးငယ် အတော်များများသည် လူနာတစ်ယောက်လျှင် ကြည့်ရှုစမ်းသပ်ခ ငါးရာကျပ်မှ ငါးထောင်ကျပ်အထိသာ ယူကြပါသည်။ အီလစ်များကိုတော့ ထည့်မပြောစေချင်ပါ။ လက်ရွေးစင်ဟုပြောလျှင် လက်ချိုးရေ၍ ရကြောင်း သတိမူမိ မည်ထင်ပါသည်။ ကျန်သော ဆရာဝန်ကြီးများမှာ အထက်က ဆိုခဲ့သော ပမာဏကိုသာလျှင် ဆေးဝါးကုသခ အဖြစ် ယူကြပါသည်။ စာရေးသူ၏ ဆရာရင်းအချို့ဆိုလျှင် ထိုမျှထက်နည်းပါးသော ပမာဏဖြင့် လူနာများကို ကြည့်ရှုကုသပေးနေကြပါသည်။ (ထိုဆရာကြီးများမှာ နိုင်ငံခြားမှ ဘွဲ့များစွာ ရယူထားသူများဖြစ်ပါသည်။) ထိုဆရာကြီးများတွင် အလွန့်အလွန်ကောင်းမွန်သော ကားများလည်း မရှိပါ။ သူလိုငါလို သာမန်စီးပွားရေးသမား တစ်ယောက်စီးသော ကားမျှသာရှိပါသည်။ကောင်းမွန်ထည်ဝါလှပသော ကားကြီးများသည် ဆေးခန်းဆေးရုံများရှေ့ တွင်သာ ရှိပါသည်။ ထိုကားများမှာ လာရောက်ပြသသော သူဌေးလူနာများ၏ စီးတော်ယာဉ်များသာ အများအားဖြင့် ဖြစ်ကြပါသည်။ ထိုဆရာကြီးများသည် လက်ရှိပိုင်ဆိုင်ထားသော ဘွဲ့များကို ရရှိရင် နှစ်ပေါင်းများစွာ အပတ်တကုတ်အားထုတ် ခဲ့ကြရသည်။ဆယ်စုနှစ်အနည်းဆုံးနှစ်စု ရင်းခဲ့ရသည်။ ထိုမျှအားထုတ်ထားသော ဆရာဝန်ကြီး များသည် ‘ကြိုးစားမှုနှင့် ညီမျှသော” ခံစားခွင့် ကိုရယူလိုကြမည်မှာ သာမန်လူသားများ သာဖြစ်ကြ၍ ထူးဆန်းလှသည်ဟု ဆိုနိုင်ပါသလား။ ထို့အပြင် ကျန်းမာရေးဝန်ဆောင်မှု ကို ဈေးကွက် တစ်ခုအနေဖြင့်ရှုမြင်ပါက မြန်မာနိုင်ငံသည်ကြွယ်ဝသောာ နိုင်ငံတစ်ခု မဟုတ်သည့်အားလျော်စွာ လွန်စွာ မြင့်မားသော ဈေးနှုန်းဖြင့် ဝန်ဆောင်မှုပေးပါက လူနာများ လက်လှမ်းမှီမည်မဟုတ်ပေ။ ထို့ကြောင့် လူနာများလက်လှမ်း မှီလောက်သော ဈေးနှုန်း (ကျပ်ငါးထောင်ခန့်) ဖြင့် ကြည့်ရှုလျှင် မိသားစု သားသမီးများကို လူတန်းစေ့အောင် ဖြည့်ဆည်းပေးနိုင်ရေးအတွက် တစ်ရက်လူနာမည်မျှကြည့်ရပါမည်နည်း။ ဝေဖန်သမှု ပြုကြကုန်သော လူတို့ကိုလည်း မေးခွန်းတစ်ခုကို ရိုးသားစွာ မေးလိုပါသည်။ အကယ်၍ ဝေဖန်သူများသည် အနှစ်နှစ်ဆယ်ခန့် ဆင်းရဲပင်ပန်းစွာ ရုန်းကန်ခဲ့ရပြီး ‘ကိုယ့်ခေတ်’ရောက်သော အချိန်တွင် မည်သို့ ပြုကြပါမည်နည်း။ စာရေးသူ ဆိုလိုသည်မှာ လက်ရွေးစင် အခွင့်ထူးခံဆရာဝန်ကြီးများကို မဆိုလိုပါ။ သာမန် လူနာကြည့်ရှုနှုန်းဖြင့် ကြည့်နေကြသော ကိုးဆယ့်ငါးရာနှုန်းခန့်သော ဆရာဝန်များကိုသာရည်ရွယ်ပါသည်။ ဆိုက်ကား ဆရာများသည် ပင် ခရီးတစ်ခေါက်အတွက် အနည်းဆုံး လေးငါးရာ ခန့်တောင်းဆိုပါသည်။ သာမန် ဂျီပီဆေးခန်းတစ်ခုတွင် ဆရာဝန်ငယ်တစ်ယောက်သည် ထိုမျှသာယူရပါ သည်။ ဝေဖန်ကြသူ တို့အား ဝေဖန်ကြချိန်တွင် လူမှုဖူလုံရေးအတွက် ဆေးခန်းငယ်ကလေးများတွင် ရုန်းကန် လှုပ်ရှားနေကြသော ဆရာဝန်ငယ်များကို မြင်ယောင်ကြပါသလားဟု မေးခွန်းထုတ် လိုသည်။စီးပွားရေး သမားတစ်ယောက်ဖြစ်ရန်၊ ကျန်သော ပညာရှင် တစ်ယောက် ဖြစ်ရန် နှစ်ပေါင်းနှစ်ဆယ် ရင်းနှီးအားစိုက်ရပါသလား။ ဆရာဝန်များ လူနာများကို အချိန်နည်း ပါးစွာ ပေးလျက် ကြည့်ရှုခြင်းမှာ ကောင်းသည်ဟု လုံးဝ မဆိုလိုပေ။ ခေတ်နှင့် စံနစ်အရ ထိုသို့ဖြစ်နေရသည်ကို သာ ထောက်ပြလိုခြင်းဖြစ်သည်။ အကယ်၍ သာ ကြွယ်ဝချမ်း သာသော နိုင်ငံကြီးများကဲ့သို့ တစ်ရက်လူနာဆယ်ယောက်ခန့် သာကြည့်ရသောငြား မိမိနှင့် မိသားစုနောင်ရေးစိတ်အေးရအောင် ထောက်ပံ့ထားပါက ထိုဆရာဝန်ကြီးငယ်အပေါင်းတို့သည် မိမိတို့ ၏ အားလပ်ချိန်များကို မိုက်မဲစွာဖြင့် ရောင်းချငွေရှာမည် ဟု ယူဆပါသလား။ တစ်ခု ထောက်ပြလိုသည်မှာ ဆရာဝန်များသည် စီးပွားရေးသမားများမဟုတ်ကြပါ။ သူတို့၏ ရည်ရွယ်ချက်သည် ဆေးကုသခြင်း၊ လူ့အသက်ကို ကယ်တင်ခြင်းဖြစ်ပြီး ထိုက်သင့်စွာပေးကမ်း အပ်သော အခကြေးငွေကိုသာ လိုချင်ကြသူများဖြစ်ပါသည်။ ဆရာဝန်များ၏ ဦးနှောက်ထဲတွင်၊ သွေးထဲတွင် စီးဆင်းနေသော ဆာလောင်မွတ်သိပ်မှု သည် ငွေကြေး မဟုတ်ပါ(အများအားဖြင့်)။ ခေတ်သစ်ဆေးပညာကုထုံးများ၊ ခေတ်ပေါ်ဆေးဗဟုသုတများကိုသာလျှင် ဆရာဝန်အများစု မက်မောကြပါသည်။လုပ်ငန်းသဘာဝအရပင်လျှင် ‘ငွေပထမ’ မဟုတ်ရာ ဆရာဝန်များသည် ငွေမက်နေကြသည်ဟု ဆိုလာလျှင် “မလုံလောက်သေး၍’ဟု ပြန်လည်ချေပပါသည်။ ‘ဘယ်တော့လုံလောက်မှာလဲ’ ဟုမေးလျှင် လူနေမှုအဆင့်အတန်းမီစွာ၊ မိသားစုအရေး၊ သားသမီးပညာရေး၊ နောင်ရေးကို စိတ်အေးရလျှင် လုံလောက်ပြီ ဟု ဖြေပါသည်။ ထိုအဖြေသည် ဆရာဝန်အများစု၏ ဆန္ဒကို ကိုယ်စားပြုသော အဖြေလည်းဖြစ်ပါလိမ့်မည်။
ဆေးကုသစရိတ်မြင့်တယ်ဆိုတာ
လွန်ခဲ့သော နှစ်နှစ်ခန့်က ဗြိတိန်ဆေးပညာ ဂျာနယ်(BMJ)တွင် ဆောင်းပါး တစ်ပုဒ်ဖတ်ရှုလိုက်ရသည်။ ထိုဆောင်းပါးက ဆေးပညာတွင် တကယ့်အလှအပဖြစ်သော လူနာစမ်းသပ်မှု အရည်အသွေးများ ခေတ်သစ်ဆရာဝန်များတွင် ကျဆင်းလာနေသည် ဟု ဝေဖန်ထားပါသည်။ ရင်ဘတ်ဓါတ်မှန်ရိုက်ရုံ၊ လူနာကို စမ်းသပ်ရုံနှင့် အဖြေရှာနိုင်သော ရောဂါတစ်ခုကို စီတီစကင် အဆင့်အထိ ရိုက်နေကြသည်ဟု ဝေဖန် ထားသည်။ဆရာဝန်တွေ လူနာစမ်းသပ်မှုအပိုင်းတွင် အားနည်းလာနေကြပြီဟု ထောက်ပြသည်။ သို့ရာတွင် Science of Uncertainty ဟု တင်စားကြသော ဆေးပညာတွင် ထိုအနောက်နိုင်ငံများမှာ တရားစွဲဆိုမှုများ များပြားလွန်းသဖြင့် မတို့ရဲ၊ မထိရဲ ဖြစ်နေကြရာ ကိုယ့်ဖက်က သေချာအောင်လုပ် လိုသော ဆရာဝန်များကိုလည်း အပြစ်ဆို၍ မရချေ။ အဓိက ပြောလိုသည်မှာ ဆေးပညာကုထုံးများ၏ Trend သည် လူနာကိုစမ်းသပ်ကုသမှုအပြင် ဓါတ်ခွဲစမ်းသပ်မှု၊ ဓါတ်မှန်ရိုက်စမ်းသပ်မှု စသော စမ်းသပ်မှုများ၏ အကူအညီအပေါ်တွင် ယနေ့ အထူး မှီခိုလာခြင်းဖြစ်သည်ကို ဆိုလိုပါသည်။ လူနာတစ်ဦးလာပြီဆိုလျှင် အလွန်အဆင့်မြင့်ပါသည် ဆိုသော နိုင်ငံများတွင်ပင် Baseline Investigations(အခြေခံ သွေးစစ်ဆေးမှု) စသည်ကို လုပ်ရပါသည်။ ငွေကုန်ကြေးကျခံကာ ‘အထူးကုဆေးခန်း’ ဟူသော နာမည်အောက်တွင် တတ်နိုင်သမျှ အကောင်းဆုံး လုပ်ချင်သော လူနာများနှင့် တတ်စွမ်းသမျှ ပညာကို အသုံးချသော ဆရာဝန်များသည် ခေတ်သစ် မော်ဒန် ဆေးပညာ တွင် ပြုလုပ်သည့် စစ်ဆေးမှုများကို မရှိမဖြစ်အနေဖြင့်လုပ်ကြပါသည်။ ကျသင့်ငွေကို ဆေးခန်းကြီးများမှ ယူပါသည်။ထို့ကြောင့် ဆရာဝန်စရိတ်ထက် သွေးစစ်ဆေးသော စရိတ်စက များက ကြီးမြင့်နေတတ်သည်ကိုလည်း အချက်တစ်ချက် အနေဖြင့် သတိမူလိုပါသည်။ ထို့အပြင် ဆေးရုံကြီးများတွင် ပေးရသော အခန်းလခများသည် ဟိုတယ်တွင် တည်းခိုနေသကဲ့သို့ စရိတ်ကြီးမြင့်နေတတ်ပါသည်။ ထိုကိစ္စများသည် ရှယ်ယာဝင် ဆရာဝန်ကြီးအချို့မှလွဲ၍ ကျန်သောဆရာဝန်ကြီး အများစုက မစွမ်းဆောင်နိုင်သော ဆေးခန်းပိုင်ရှင်များ ကိစ္စ သာဖြစ်ပါသည်။ ထို့အပြင် ယနေ့ ခေတ်သစ် ဆေးဝါးများသည် ပြည်ပ မှတင်သွင်းလာသော ဆေးများ ဖြစ်ရာ ထိုဆေးဝါးများ၏ စရိတ်စက အထူးကြီးမြင့်ခြင်းကို အထူးပြောရန်မလိုချေ။ ထိုသို့အချက်များ ရှိနေရာ ဆေးကုသစရိတ်ကြီးမြင့်ရခြင်း၏ အကြောင်းရင်းများကို ခွဲခြမ်းစိတ်ဖြာ သုံးသပ်ခြင်းမရှိဘဲ ဆရာဝန်များအပေါ်သာပုံချခြင်းသည် တရားမျှတသည်ဟု မဆိုနိုင်ချေ။
မပြည့်စုံတဲ့ Customer Service၊ နှစ်သိမ့်ဆွေးနွေးခြင်း နဲ့ မကျေနပ်မှုတွေ
နောက်တစ်ချက်အနေဖြင့် လူနာများကို အချိန်ပေးမှုနည်းလွန်းခြင်းကြောင့် ပြဿနာများ တက်ရသည်ဟုဆိုသည်။ ဆရာကြီး မဟုတ်သေးသော အငယ်တစ်ယောက်အနေဖြင့် မြင်သည်ကို ပြောလိုပါသည်။ လူနာတစ်ယောက်ကို ရောဂါရှာဖွေရာတွင် လူနာခံစားရသည် များကို မေးမြန်းကာ လူနာကို ဆရာဝန်ကိုယ်တိုင်စမ်းသပ်ပြီးနောက် သွေးစစ်ဓါတ်ခွဲမှုများဖြင့် တိုက်ဆိုင်ညှိနှိုင်းလျက် အတည်ပြုရပါသည်။ ထိုသို့ ဖြစ်ရာ ဆရာဝန်များသည် လူနာနှင့်စကားပြောလျက် ခံစားရသည်များကို မေးမြန်းရာတွင် သင့်လျော်သော အချက်အလက် များကို ရွေးထုတ်ရပါသည်။ လက်တွေ့နယ်ပယ်တွင် လူနာများသည် ဆရာဝန်ကြီးများကို အားကိုးတကြီးဖြင့် ခံစား၇သည်များကို လူသားဆန်စွာ ဖွင့်ဟ ပြောပြ လိုကြပါသည်။ သို့ရာတွင် သူတို့ပြောကြသည်များမှာ များသောအားဖြင့်ရောဂါ နှင့် ဆက်စပ်ဆီလျော်သည်မှာ နည်းပါးပါသည်။ ထိုအခါ ဆရာဝန်ကြီးများက သူတို့၏ လမ်းကြောင်းကိုတည့်မတ်ပေးကာ အဓိက အချက်အလက်များ မလွတ်သွားရလေအောင် မေးမြန်းရပါသည်။ သိလိုသော အချက်များကို ရရှိအတည်ပြုပြီးသည်နှင့် နှစ်ပေါင်းများစွာရှိထားသော အတွေ့အကြုံအရ ဆရာဝန်ကြီးများသည် အထက်တွင်ဆိုခဲ့သော စံနစ်နှင့် လိုအပ်ချက်အရ လူနာအား စကားစ ဖြတ်ရလေ့ရှိပါသည်။ ထိုအခါ လူနာက မကျေမနပ် ဖြစ်လာခြင်းမှာ အလွန်သဘာဝကျပါသည်။ လူနာများဖက်မှ အမြင်သည် ငွေကြေးများစွာ ပေးထားရပါလျက် ဂရုမစိုက် ဟူသော အမြင်ဖြစ်ပါသည်။ ဆရာဝန်ကြီးသည် စကား သေချာစွာမပြောဆိုသောကြောင့် ရောဂါကြီးကြီးမားမားများကို လွတ်သွားခဲ့လျှင် ထိုဆရာဝန်ကြီးသည် အလွန် အပြစ်ကြီးပါသည်။ သို့သော်လည်း လက်ရှိဆေးလောကတွင် လုပ်ကိုင်နေသော ဆရာဝန်ကြီးများ၏ အတွေ့အကြုံနှင့် ‘သဘာ’အရ ထိုသို့ အဖြစ်အပျက်မျိုးမှာ အလွန်နည်းပါးမည်ဟု ထင်မြင်ယူဆပါသည်။ ဥပမာ တစ်ခုကို ကိုးကားရလျှင် စာရေးသူ အလုပ်သင်ဘဝက တရုတ်ပြည် ကူမင်းမြို့ဆေးရုံကြီးတွင် ကုသမှုခံယူလာသော အမျိုးသမီးတစ်ဦး ဆေးရုံသို့ရောက်ရှိလာပါသည်။ ဝမ်းချုပ်ကာ ဗိုက်ထဲတွင် နေ၍မကောင်းဟူသော လက္ခဏာဖြင့်လာခြင်းဖြစ်သည်။ စီတီစကင်ကိုလည်း တရုတ်ဆေးရုံကြီးမှ ဆွဲပေးလိုက်ပါသည်။ တရုတ်လိုရေးထားသော ဆေးမှတ်တမ်း ကိုကြည့်လိုက်ရာ ရောဂါအမည်တွင် Lymphadenopathy(ပြန်ရည်ဂလင်းများ ကြီးသောလက္ခဏာစု) ဟုေ၇းသားထားသည်ကိုတွေ့ရသည်။ ထိုအခါ မိမိ၏ အထက် အတိုင်ပင်ခံဆရာဝန်မကြီးက HIV ကိုသံသယရှိသည်။ စစ်ဆေးပါဟုဆိုသည်။ မိမိက အကြောင်းရင်းကို မေးမြန်းရာ လူနာ၏ ပိန်ခြင်းဝခြင်း၊ နယ်စပ်ဒေသမှလာခြင်း၊ စီတီကြည့်လိုက်သောအခါ ပြန်ရည်ဂလင်းများ ကြိးသည်ကိုတွေ့ရခြင်း ကြောင့် စစ်ခိုင်းသည်ဟု ပြောပါသည်။ စစ်လိုက်သောအခါ အကယ်ပင် HIV positive ဖြစ်နေ သည်ကို တွေ့ရပါသည်။ ထို့ကြောင့်နှစ်ထပ်ကွမ်း ကြည်ညိုမိပါသည်။ နှစ်ထပ်ကွမ်းဟု ဆိုရခြင်းမှာ ပထမ အချက်အနေနှင့် လူနာကို ငွေကုန်ကြေးကျ အလွန်မများစေဘဲေ၇ာဂါကို တစ်ခါတည်း ရှာတွေ့ခြင်းနှင့်ထိုသို့ရှာနိုင်လောက်အောင် ပြည့်စုံကြွယ်ဝသော အတွေ့အကြုံ၊ဆေးပညာ ဗဟုသုတ အပြင် တရုတ်ဆေးရုံကြီးမှ သေချာစွာ ကုသမှုမပေးလိုက်သော လူနာကို အထူးဝါယမစိုက်စရာမလိုဘဲ ရောဂါတွေ့ရှိ ကုသ မှုပေးလိုက်နိုင်ခြင်းပါ။ ထို့ကြောင့် အချိန်နည်းပါးသည်ဟု စောဒက တက်သော ပုဂ္ဂိုလ်များကို ပြန်လည် တုန့်ပြန်လိုသည်မှာ အချိန်ပေးမှုနည်းပါးခြင်းသည် မကောင်းပါ။ လူနာစိတ်ကျေနပ်မှုအပြည့်ရခြင်းဟူသော ရှုထောင့်မှ သုံးသပ်သော် အလွန်ပင် အရည်အသွေးညံ့ဖျင်းသော ဝန်ဆောင်မှုဖြစ်ပါမည်။ သို့သော် ဆေးကုထုံး၏ အနှစ်သာရ ဖြစ်သော ရောဂါမှန်ကို ရှာဖွေတွေ့ရှိကာ ကုသမှုပေးနိုင်ခြင်း တည်းဟူ သော အရည်အသွေး အလွန်နိမ့်ကျနေခြင်းမရှိ သေးသောကြောင့် လူသားဆန်စွာ မိမိအရေး၊မိသားစုအရေးအတွက် အားလပ်ချိန်များကို ငွေကြေးအတွက် စတေးနေကြသော ခေတ်နှင့် စံနစ်၏သားကောင် ဆရာဝန်ကြီးများ ကိုယ်စား အနူးအညွတ်ပင် မေတ္တာရပ်ခံအပ်ပါသည်။ခေတ်ကောင်း၍ စံနစ်များ ပြောင်းလျှင်ဖြင့် ဝေဖန်သူတို့ မြင်တွေ့လိုသော ဝန်ဆောင်မှုမျိုးကို မြင်တွေ့ရမည်ဟု ရဲဝံ့စွာ ယုံကြည်ပါသည်။ ယခု ကဲ့သို့ ခနော်နီခနော်နဲ့ တစ်လှေတည်းစီး တစ်ခရီးတည်းသွားနေချိန်တွင် တစ်ယောက်ကိုတစ်ယောက် လက်ညိုးထိုးမပြီးပါက ဆုတ်ယုတ်နိမ့်ကျခြင်းသည်သာလျှင် အဖတ်တင်မည်ဖြစ်ပါသည်။ ထို့အပြင် တစ်ခု ရှင်းပြလိုသည်မှာ လက်ရှိ မြန်မာပြည်တွင် အထူးကုအနေဖြင့် တာဝန် ထမ်းဆောင်နေကြသော ဆရာဝန်ကြီးများသည် နိုင်ငံရပ်ခြားတိုင်းပြည်များတွင် သူတို့၏အတွေ့အကြုံ၊ဘွဲ့များဖြင့် အလုပ်ရှာပါကမြင့်မားသော ကိုယ်ပိုင်ဝင်ငွေ၊ ကိုယ်ပိုင် အားလပ်ချိန်ဖြင့်နေထိုင်နိုင်မည် ဆိုခြင်းဖြစ်ပါသည်။ မိသားစုသံယောဇဉ်၊ တိုင်းပြည်အပေါ်ရှိသော မြတ်နိုးမှု၊ မြန်မာလူမျိုးကိုချစ်သော ဆန္ဒတို့ဖြင့် နေထိုင်နေခြင်း ဖြစ်သည်ကို ပြည်ပရောက် မြန်မာဆရာဝန်အများနှင့် ဆက်ဆံထိတွေ့လျက်ရှိသော စာရေးသူသည် ‘ကိုယ်တွေ့’ ဖြင့် ရည် ညွန်းပြောဆိုလိုပါသည်။
သစ်မရှိတော့ဝါးပေါင်းကွပ် ဆိုသလို
သို့ဖြစ်ရာ လက်ရှိ ဆေးလောက သည် လိုအပ်ချက်များရှိနေသည့်အားလျော်စွာ အားနည်းချက်များကို ဝေဖန်လာပါက ခုခံချေပနိုင်စွမ်းနည်းလှပါသည်။ သို့သော်ငြားလည်း တစ်ခါက ဆိုခဲ့ဖူးကဲ့သို့ပင် ‘ရှိတာနှင့် ဖြစ်အောင်လုပ်” နေကြသော ခေတ် တွင် ဖေးဖေးမမ ဝေဖန်ကာ အပြုသဘောဆောင်သည့်အနေဖြင့် ထောက်ပြစေလိုလှပါသည်။ လက်ရှိဆရာဝန်ကြီးများ တာဝန်ထမ်းဆောင်ခြင်းမရှိတော့ပါက မျိုးဆက်သစ်များကို ဆေးပညာ လက်ဆင့်ကမ်းမည့် သူများ ရှိတော့မည်မဟုတ်ပါ။ ထိုအခါ မြန်မာနိုင်ငံတွင်ဆရာဝန် ဆိတ်သုန်းသွားပါမည်။ ထိုသို့ အဖြစ်မျိုးကို နောင်ရေးကိုကြိုတွေးလျက် ကာကွယ်သည့်အနေဖြင့် ဆိုရေးရှိက ဆိုအပ်လှ၏ ဆိုသလို ပြောလည်းပြောစေချင်ပါသည်။ပြောသူ၏ စေတနာကိုလည်း မှန်စေလိုလှပါသည်။ ထိုသို့ ညီညာဖျဖျ လက်တွဲမှ သာလျှင် လိုအပ်ချက်များကို ပြည့်စုံအောင် ဖြည့်ဆည်းနိုင်မည်ဖြစ်ပါသည်။
ရေးသားသူ
မောင်မိုးဝေ(ဆေး-မန်း)
