ပစ်ခတ်မှု ဖြစ်ပွားအပြီး အာဖဂန်စစ်သည်များ ကဘူးလေဆိပ်အနီး စောင့်ကြပ်နေပုံ
အာဖဂန်နစ္စတန်နိုင်ငံ ကဘူးလ် (Kabul)
မြို့တော်မှာ အာဖဂန် စစ်လေယာဉ်မှူးတစ်ဦးက နိုင်ငံခြား တပ်ဖွဲ့တွေကို ပစ်ခတ်လို့ ညွန့်ပေါင်းတပ်ဖွဲ့ဝင် ၈
ဦးနဲ့ အငှားတပ်ဖွဲ့ဝင် ၁ ဦး သေဆုံးသွားခဲ့ကြောင်း အရာရှိတွေက ပြောပါတယ်။ ယခုဖြစ်ရပ်ဟာ အာဖဂန်စစ်ပွဲ စတင်တဲ့ ၂၀၀၁ ခုနှစ်နောက်ပိုင်း ကြုံရတဲ့ ဒီလို
တိုက်ခိုက်မှုတွေထဲမှာ အပြင်းထန်ဆုံး ဖြစ်ကြောင်းသိရှိရပါတယ် ။
တာလီဘန်တို့ကတော့ ဒီတိုက်ခိုက် မှုဟာ မိမိ တို့လက်ချက်ဖြစ်ကြောင်း ၊ ယူနီဖေါင်းဝတ် ထားတဲ့ စစ်သွေးကြွတစ်ဦးက တိုက်ခိုက်ခဲ့တာဖြစ်ကြောင်းပြောကြားပါတယ် ။
အာဖဂန် ကာကွယ်ရေး ၀န်ကြီးဌာနကတော့ ကဘူးလ်မြို့တော်မှာရှိတဲ့ အာဖဂန် လေတပ်စခန်းမှာ ဗုဒ္ဓဟူးနေ့က
စကားအချေအတင် ဖြစ်ကြပြီး ဝါရင့် လေယာဉ်မှူးတဦးက ပစ်ခတ်ပြီး
ညွန့်ပေါင်းတပ်ဖွဲ့ဝင်တွေ သေဆုံးသွားရတာ ဖြစ်ကြောင်း အဲဒီလေယာဉ်မှူးလည်း
ပစ်ခတ်မှုအတွင်း သေဆုံးသွားကြောင်း ပြောဆိုပြီး သူဟာ စစ်ဝတ်စုံ ဝတ်ထားတဲ့
စစ်သွေးကြွဖြစ်တယ် ဆိုတဲ့ တာလီဘန်တို့ရဲ့ အပြောကို တော့ ကာကွယ်ရေး ဝန်ကြီးဌာန
အရာရှိတွေကငြင်းဆိုသွားပါတယ် ။
သေဆုံးသွားတဲ့ တပ်ဖွဲ့ဝင်တွေ ဘယ်နိုင်ငံကဖြစ်တယ် ဆိုတာကို နေတိုး (NATO) ကတရားဝင်ထုတ်ပြန်ကြေငြာခြင်းမရှိသေးကြောင်းလဲသိရပါတယ်။ညွန့်ပေါင်းတပ်ဖွဲ့တွေကို တိုက်ခိုက်မှုတွေ အတော်များများ ရှိခဲ့ပြီး
အာဖဂန်စစ်တပ် ဒါမှမဟုတ် အာဖဂန် စစ်ဝတ်စုံ ဝတ်ဆင်သူ တယောက်ယောက်က
တိုက်ခိုက်တာတွေ ဖြစ်ပါတယ်။
ဒီလ အစောပိုင်းတုန်းကပဲ ဖာယပ်ဘ် (Faryab) ပြည်နယ်မှာ အာဖဂန် နယ်ခြားစောင့် တပ်ဖွဲ့ဝင် တဦးက အမေရိကန်စစ်သား ၂ ဦးကို ပစ်ခတ်ခဲ့ပြီး ဖေဖော်ဝါရီလတုန်းကတော့ ဘာ့(ဂ်)လန် (Baghlan) ပြည်နယ်မှာ အာဖဂန်
စစ်ယူနီဖောင်း ဝတ်ဆင်ထားသူ တဦးက ဂျာမန်စစ်သား ၃ ဦးကို ပစ်ခတ်ခဲ့ပြီး
တခြား ၆ ဦးလည်း သူ့ကြောင့် ဒဏ်ရာရသွားခဲ့ဘူးကြောင်းလည်းသိရှိရပါတယ် ။
