Iran's Intelligence Minister Heydar Moslehi speaks with journalists in Tehran May 21, 2011.
အမေရိကန် ဗဟိုထောက်လှမ်းရေး အေဂျင်စီ ( CIA ) ၏ထောက်လှမ်းရေး ကွန်ယက်ကြီးတစ်ခုကို စုံစမ်းဖေါ်ထုတ် ဖြိုခွင်းနိုင်ခဲ့ကြောင်း နဲ့ ဆက်စပ်ပတ်သက်နေသူ ၃၀ ဦးကိုဖမ်းဆီးခဲ့ကြောင်း အီရန်ထောက်လှမ်းရေးဌာနကစနေနေ့မှာ ကြေငြာခဲ့ကြောင်းသတင်းရရှိ ပါတယ် ။
ဖမ်းဆီးခဲ့တဲ့ စပိုင် ၃၀ ဦးဟာ အမေရိကန် စီအိုင်အေ ကွန်ယက် ၄၂ ခုနဲ့ ဆက်စပ်ပြီး သူလျှိုလုပ်ငန်းတွေ လုပ်ဆောင်ခဲ့တဲ့ အထောက်အထားတွေကို အခိုင်အမာတွေ့ခဲ့ရတယ်လို့ အီရန် ထောက်လှမ်းရေးဌာန ကပြောပါတယ် ။
ထောက်လှမ်းရေးဌာနရဲ့ပြောခွင့်ရပုဂ္ဂိုလ် က ဆက်လက်ပြောကြားရာမှာ အမေရိကန်နဲ့ ဆက်စပ်နေတဲ့ သူလျှိုတွေဟာ အီရန်လူမျိုးတွေ အထူးစိတ်ဝင်စားတဲ့အလုပ်အကိုင် ရှာဖွေရေးလုပ်ငန်းတွေ ၊ ပညာရေးနဲ့ အလုပ်အကိုင် အခွင့်အလမ်း ဆိုင်ရာ အေဂျင်စီတွေ ၊ အမေရိကန် ပြည်ဝင်ခွင့်ရရှိရေး အကျိုးဆောင်လုပ်ငန်းတွေမှာ မြှုတ်နှံပြီး သူလျှိူလုပ်ငန်းတွေကို လုပ်ဆောင်နေ တာဖြစ်ကြောင်း ပြောကြားသွားပါတယ် ။
ဒီကွန်ယက်ဟာ နိုင်ငံတော်တော်များများက အမေရိကန်သံရုံးတွေ ၊ ကောင်စစ်ဌာနတွေ ရဲ့ ဒေတာဘေ့စ်တွေ ကို ကျယ်ကျယ်ပြန့်ပြန့် သုံးပြီးထောက်လှမ်းရေးနဲ့ တန်ပြန်ထောက်လှမ်းရေး လုပ်ငန်းတွေကို လုပ်ဆောင်နေတာဖြစ်ကြောင်း အထူးသဖြင့်တော့ UAE မလေးရှားနဲ့ တူရကီနိုင်ငံတွေဖြစ်ပါကြောင်း ၊ အမေရိကန်သူလျှိုတွေဟာ အီရန်နိုင်ငံရဲ့ သိပ္ပံပညာဆိုင်ရာ အချက်အလက်များ ၊ ညူကလီးယား စွမ်းအင်ဆိုင်ရာ သုတေသန အချက်အလက်များ ၊ သတင်း အချက်အလက်များ ၊ လေကြောင်းရန်ကာကွယ်ရေးဆိုင်ရာ သတင်းအချက်အလက်များကို စုံစမ်းထောက်လှမ်းနေတာဖြစ်ပါကြောင်း အီရန်ထောက်လှမ်းရေးဌာနရဲ့ ထုတ်ပြန်ချက်မှာဖေါ်ပြ ထားပါတယ် ။
ဒါ့အပြင် အမေရိကန်သူလျှိုတွေဟာ အီရန်ရဲ့ ရေနံနဲ့ သဘာဝဓါတ်ငွေ့ဆိုင်ရာ အချက်အလက်တွေ ၊ စွမ်းအင်နဲ့ ဆက်သွယ်ရေးဆိုင်ရာ အချက်အလက်တွေ ၊ အကောက်ခွန်ဌာနက အချက်အလက်တွေ ၊ ဘဏ်တွေရဲ့ အချက်အလက်တွေကိုပါ စုံစမ်းထောက်လှမ်းနေတာဖြစ်ကြောင်း ပြောကြားခဲ့တယ်လို့ သတင်းရရှိပါတယ် ။
Voice Of Myanmar
