မန္တလေး ဈေးချိုအနီးမှပေါက်ကွဲမှု ( ဓါတ်ပုံ The Voice Weekly )
မန္တလေး
မန္တလေးဈေးချိုတော်ရှေ့တွင် ဇွန် ၂၄ ရက်၊ မွန်းတည့် ၁၂ နာရီ ခန့်က
ရပ်ထားသော ကားတစ်စီးပေါ်၌ ပေါက်ကွဲမှုဖြစ်ပွားခဲ့သည်ဟု သတင်း ရရှိသည်။
မန္တလေးမြို့ ချမ်းအေးသာစံမြို့နယ်၊ ဈေးချိုတော် ၈၄ လမ်း ၂၇ လမ်းနှင့် ၂၈
လမ်းကြား မန်းမြန်မာ ပလာဇာနှင့် မျက်နှာချင်းဆိုင်ရှိ ဈေးချိုဟိုတယ်
မြေညီထပ်ရှေ့တွင် ရပ်ထားသော ကားတစ်စီးပေါ်၌ ယနေ့ မွန်းတည့် ၁၂ နာရီခန့်
အချိန်တွင် ပေါက်ကွဲခြင်း ဖြစ်သည်ဟု မျက်မြင်ကိုယ်တွေ့များထံမှ သိရှိရသည်။
လောလောဆယ်တွင်မူ အဆိုပါ ကားအနီး ကုန်ပစ္စည်း သယ်ပို့လုပ်သားတစ်ဦး
ထိခိုက်ဒဏ်ရာ ရရှိသွားကြောင်းနှင့် ပေါက်ကွဲမှုကြောင့် မျက်နှာချင်းဆိုင်ရှိ
ဈေးချိုပလာဇာ အပေါ်ထပ်မှ မှန်အချို့ ကွဲကာ ပြုတ်ကျခဲ့ကြောင်း သိရှိရသည်။ အဆိုပါကား၏ ယာဉ်အမှတ်မှာ ၃ခ/ ၁၉၀၄ ဖြစ်ကြောင်းနှင့် ထိခိုက်မှုအသေးစိတ်ကိုမူ သက်ဆိုင်ရာမှ စုံစမ်းဆဲဖြစ်ကြောင်း သတင်းရရှိပါသည် ။
မန္တလေး ဒေသခံတစ်ဦးက " ဈေးချိုဘက်မှာ ၁၂ နာရီလောက်ကကွဲတယ် ဒီတော့သက်ဆိုင်ရာက ၈၄ လမ်းကို ၂၆ ကနေ ၂၈ ထိ ပိတ်ပြီး စစ်ဆေးမှုတွေလုပ်နေတုန်း ထပ်ကွဲတာ ..စိန်စံပယ်ဖူး ရွှေဆိုင် နားလောက်မှာ "ဟု ပြောကြားသွားပါသည် ။
နေပြည်တော်
မန္တလေးမြို့ပေါ်တွင် ဗုံးပေါက်ကွဲမှု ဖြစ်ပွားပြီး
မိနစ်ပိုင်းအတွင်းမှာပင် အစိုးရအဖွဲ့ ရုံးစိုက်ရာ နေပြည်တော်
သပြေကုန်းဈေးတွင် ဗုံးပေါက်ကွဲမှုတစ်ခု ထပ်မံဖြစ်ပွားခဲ့ကြောင်း နေပြည်တော်
ဒေသခံများက ဆက်သွယ်ပြောကြားကြောင်း ၊ နေပြည်တော် သပြေကုန်းဈေး
ဗုံးပေါက်ကွဲမှုနှင့် ပတ်သက်၍ ဒေသခံ တစ်ဦးကို ဆက်သွယ်မေးမြန်းရာ
ဗုံးပေါက်ကွဲသည်မှာ မှန်ကန်ပြီး ပိတ်ထားသည့် ဈေးဆိုင်ခန်းမှ
ဗုံးပေါက်ကွဲခြင်း ဖြစ်ပြီး ဆိုင်ခန်းအမိုး ပွင့်ထွက်သွားကြောင်းပြည်တွင်းထုတ် The Voice Weekly ၏ အင်တာနက်စာမျက်နှာတွင်ဖေါ်ပြသည် ။
ပြင်ဦးလွင်
မန္တလေးတိုင်းဒေသကြီး ပြင်ဦးလွင် မြို့တွင်လည်း ပေါက်ကွဲမှုတစ်ခုဖြစ်ပွားခဲ့ကြောင်း ရပ်ကွက်ကြီး ၄ ထောက်ပို့ပန်းခြံအနီးတွင်ဖြစ်ကြောင်း သိရှိရပါသည် ။
ပြင်ဦးလွင်ဒေသခံတစ်ဦးက " ထောက်ပို့ပန်းခြံနားမှာဖြစ်တာ..ဗုံကွဲတာလား ဘာကွဲတာလဲတော့မသိဘူး ဗုံးဆိုရင်တော့တော်တော်ပြင်းတဲ့ဗုံး ဖြစ်မယ် ဘာလို့လဲဆိုတော့ အဲဒီအိမ်တစ်ခုလုံးနီးပါးပြိုသွားတာ " ဟုပြောကြားသွားခဲ့ပါသည် ။
