ကချင်ပြည်နယ်
ဖားကန့်မြို့နယ် ပြည်သူ့လွှတ်တော်မဲဆန္ဒနယ်မှ ရွေးကောက်တင်မြှောက်ခံရသူ
ဦးအုန်းမြင့်အပေါ် ယင်းမဲဆန္ဒနယ်တွင် ၀င်ရောက်ယှဉ်ပြိုင် အရွေးခံခဲ့သည့်
ဒေါ်ဘောက်ဂျာက ရွေးကောက်ပွဲ ကန့်ကွက်လွှာ တင်သွင်းခဲ့သည့် အတွက် ပြည်ထောင်စု
ရွေးကောက်ပွဲ ကော်မရှင်သည် ရွေးကောက်ပွဲ ခုံအဖွဲ့ကို ဖွဲ့စည်းလျက်
စုံစမ်းစစ်ဆေးမှု ပြုလုပ်ခဲ့ကြောင်း ယနေ့ထုတ်ကြေးမုံသတင်းစာတွင် ဖေါ်ပြထားပါသည် ။
ရွေးကောက်ပွဲ
ခုံအဖွဲ့သည် ယင်းအမှုကို မေ ၃၀ ရက်က ရုံးချိန်း ခေါ်ယူစစ်ဆေးခဲ့ရာ
လျှောက်ထားသူ ဒေါ်ဘောက်ဂျာမှ ၎င်း၏ ကန့်ကွက်လွှာ အမှုအား တရားမ ကျင့်ထုံးဥပဒေ
အမိန့် ၂၃၊ နည်း ၁ တို့အရ ရုပ်သိမ်းခွင့်ပြုရန် ခုံအဖွဲ့သို့ တင်ပြ
လျှောက်ထား ခဲ့သည်။ ရွေးကောက်ပွဲ ခုံအဖွဲ့အနေဖြင့် လျှောက်ထားသူသည် ၎င်း၏
လွတ်လပ်သော သဘောဆန္ဒအရ ရုပ်သိမ်းလွှာ တင်သွင်းကြောင်း ယုံကြည်သဖြင့်
ပြည်သူ့လွှတ်တော် ရွေးကောက်ပွဲ နည်းဥပဒေ ၉၆(က)အရ ကန့်ကွက်လွှာကို
ရုပ်သိမ်းခွင့် ပြုခဲ့ကြောင်း သတင်းရရှိသည်။
Voice Of Myanmar
