ရန်ကုန်မြို့ ကမာရွတ်မြို့ နယ် ၊ ထန်းတစ်ပင်လမ်းရှိ နေအိမ်တစ် အိမ်တွင် မွေ့ရာ ၊ အင်္ကျီ ၊စောင် အစရှိသော ပစ္စည်းများမှ အလိုလျောက် မီးထလောင်မှု ဖြစ်ပွားခဲ့ကြောင်း ၊ မတ်လ ၂၄ မှ ၂၆ ရက်အတွင်း ၇ ကြိမ် ဆက်တိုက် ဖြစ်ပွားခဲ့သဖြင့် မိသားစုများနှင့် ပတ်ဝန်းကျင်မှ စိုးရိမ်မှုများ ဖြစ်ပေါ်ကာ အိမ်ရှင်များနှင့်အတူ ရပ်ကွက် တာဝန်ရှိသူများ အရန်မီးသတ် မှ တာဝန်ရှိသူများက စောင့်ကြည့် နေရ ကြောင်းထူးခြား ဖြစ်စဉ် ဖြစ် ပါက အချိန်နှင့် တပြေးညီ ကူညီဆောင်ရွက်နိုင်ရေး စီစဉ်ဆောင်ရွက်ထားကြောင်း သိရပါတယ်။
အဆိုပါကိစ္စနှင့် ပတ်သက်၍ အိမ်ရှင်ဖြစ်သူ မဖြူဖြူက "လောလောဆယ်တော့ ထူးခြားဖြစ်စဉ်အနေနဲ့ ထပ်ဖြစ်တာ မရှိသေးပါဘူး။ ၂၆ ရက်နေ့မှာ
လောင်ပြီးတဲ့နောက်ပိုင်း အခုချိန်ထိ ထပ်လောင်တာမျိုးတော့ မကြုံရသေးဘူး။
၂၄ ရက်နေ့ကတော့ မြို့နယ်အဆင့် မီးသတ်အရာရှိ ကိုယ်တိုင်လာပါတယ်။ သူတို့
ကိုယ်တိုင်လည်း ကိုယ်တွေ့ တွေ့သွားတဲ့အတွက် ထူးခြားဖြစ်စဉ် အနေနဲ့
မှတ်တမ်းရေးယူသွားပါတယ်။ ကျွန်မတို့ ကိုယ်တိုင်ကတော့ လောလောဆယ်
ထိတ်လန့်တာရယ်၊ ပစ္စည်းတွေဆုံးရှုံးတာကြောင့် စိတ်ညစ်တာရယ်ပဲ ရှိပါတယ်။
ဘေးပတ်ဝန်းကျင်က အထင်အမြင်လွဲမှာလည်း စိုးရိမ်မိပါတယ်။ ဒါကြောင့်
သက်ဆိုင်ရာ ရပ်ကွက်ရုံးကိုသွားပြီး အကျိုးအကြောင်းပြောထားတဲ့အတွက် အခုလို
စောင့်ကြည့်ပေးတာမျိုး တွေလုပ်ပေးတာပါ။ လူအင်အားလေးရှိနေတော့
ကျွန်မတို့တစ်စုံတစ်ခု ထပ်ဖြစ်လည်း အင်အားရှိတာပေါ့လေ။ ကျွန်မတို့
ဒီအိမ်မှာနေလာတာ အနှစ်နှစ်ဆယ်ကျော်နေပါပြီ။ ကန်ထရိုက်တိုက်
ဆောက်ဖြစ်တာကတော့ သိပ်မကြာသေးဘူးပေါ့လေ။ အခုလိုဖြစ်ရပ်မျိုး ကြုံရတာ
အရမ်းကို အံ့သြပါတယ်။ စိုးရိမ်ပူပန်တဲ့စိတ်ကတော့ ပိုများပါတယ်"ဟု ပြောကြားခဲ့ပါသည်။
မတ်လ ၂၄ ရက်နေ့ ဖြစ်စဉ်တွင် ကိုယ်တွေ့မြင်တွေ့ခဲ့ရသည့် ဒါရိုက်တာ
မောင်မျိုးမင်း(ရင်တွင်းဖြစ်)က "ဦးမျိုး တို့ အခုမီးသတ်တပ်ဖွဲ့ ဂုဏ်ပြု
ဇာတ်ကားရိုက်နေတာပါ၊၊ အဲဒီအတွက် မီးလောင်တဲ့နေရာတိုင်းကို
ချက်ချင်းသွားပြီး ရိုက်ကူးနိုင်ဖို့ ပြင်ဆင်ထားပါတယ်။ အဲဒီနေ့ကလည်း
မီးလောင်တယ် သတင်းကြားလို့ လိုက်သွားတော့ အံ့သြစရာ
အဲဒီသတင်းကြားလိုက်ရတာပါ။ အလိုလိုနေရင်း ဟိုနေရာက မီးထလောင်လိုက်၊
ရေတွေလောင်းထား ရင်းကပဲ မီးထလောင်လိုက်ဆိုတော့ တော်တော်ထူးဆန်းပါတယ်။
ဒါမျိုးကတော့ အရင်ကလည်း ကြားဖူးပါတယ်။ မျက်မြင်ကိုယ်တွေ့ဆိုတော့
ပိုစိတ်ဝင်စားတာပေါ့လေ။" ဟုပြောကြားခဲ့ပါသည်။
စမ်းချောင်းမြို့နယ်မီးသတ်မှ ဌာနမှူး ဦးရဲအောင်က "ကျွန်တော်တို့ ၂၄
ရက်နေ့က ဘေးပတ်ဝန်းကျင်ကလည်း ဖုန်းဆက်လာတာနဲ့ ဖြစ်တဲ့နေရာကို
သွားခဲ့ကြပါတယ်။ မီးက သိပ်အများကြီး မဟုတ်ပေမယ့်
မီးတော့ငြှိမ်းသတ်ခဲ့ရပါတယ်။ အဲဒီနေ့က ပထမတော့ဖြစ်စဉ်ကို ပေါ့ဆမီးလို့
သတ်မှတ်ထားပေမယ့် ငြှိမ်းသတ်ပြီးထားတဲ့ အ၀တ်တွေမှာမှ မီးထပ်လောင်တာမျိုး၊
လူမနေတဲ့ သုံးလွှာအခန်းက အ၀တ်စက မီးထလောင်တာမျိုးတွေကျတော့ ဘေးပတ်ဝန်းကျင်
သက်သေတွေလည်း ရှိနေတဲ့အတွက် ထူးခြားဖြစ်စဉ်အနေနဲ့ပဲ သတ်မှတ်ထားပါတယ်။
လောလောဆယ်ကတော့ ရပ်ကွက် ရ.ယ.က ရုံး က တာဝန်ရှိသူတွေရော၊ အရန်မီးသတ်
တပ်ဖွဲ့တွေရောကို စောင့်ကြည့်ခိုင်းထားပါတယ်၊၊ သူတို့ကိုယ်တိုင် က
ထူးခြားဖြစ်စဉ်အနေနဲ့ တွေ့မှပဲ ကျွန်တော်တို့ စမ်းချောင်းမီးသတ်ကို
အကြောင်းကြားဖို့တော့ ညှိနှိုင်းထားပါတယ်။ ဒီလိုဖြစ်ရပ်မျိုးကတော့
ထူးဆန်းတယ်လို့ပဲ ပြောရမှာပါပဲ။ မနှစ်ကတုန်းကလည်း စမ်းချောင်း
မြို့နယ်အတွင်းမှာ ဒီလိုထူးခြား ဖြစ်စဉ်တစ်ခု ဖြစ်ခဲ့ဖူးတယ်လို့ ကြား
ဖူးတယ်"ဟု လတ်တလော ဆောင်ရွက်ထားမှုနှင့် ပတ်သက်၍ ရှင်းပြခဲ့သည်။
ထန်းတစ်ပင်လမ်းအတွင်းရှိ အသက် ၅၀ အရွယ် အိမ်နီးချင်း တစ်ဦးကလည်း "ကျွန်မတို့ကဖြစ်ဖြစ်ချင်းတော့ ထိတ်လန့်တာပဲရှိတယ်။ ညှော်နံ့တွေ ထွက်လာလိုက်၊ မီးလန့်သလိုဖြစ်လိုက်နဲ့ ဆိုတော့စိတ်ပူတာပေါ့နော်။ နောက်တော့ ကာယကံရှင်တွေ ရ.ယ.က ရုံးကိုသွားနေပြီး အိမ်မှာတစ်ယောက်မှ မရှိတဲ့အချိန်တို့၊ သူတို့ အခန်းရဲ့အပေါ်သုံးလွှာက လူမနေတဲ့ အခန်းတို့မှာ ဖြစ်တဲ့အခါကျမှ တော်တော်လေး ထူးဆန်းနေတာ ကို သတိထားမိတာ။ တစ်ခါမှလည်း မကြုံဖူးဘူး။ အသက် ၅၀ မှာ ဒါပထမဆုံးမြင်ဖူးတာပဲ။ ဗုဒ္ဓဘာသာတရားတော်အရ ပရိတ်တွေ ဘာတွေရွတ်ဖို့တော့ အကြံဥာဏ်ပေးဖြစ်တယ်။ အခုတော့ ဘာမှဆက်မဖြစ်တော့ တော်သေးတာပေါ့လေ" ဟု သူတွေ့ကြုံခဲ့ရသည်များကို ရှင်းပြခဲ့ပါသည်။
ရန်ကုန်မြို့ လှည်းတန်းဈေးအနီး ထန်းတစ်ပင်လမ်းရှိ နေအိမ်မှ ပစ္စည်းများ
အလိုအလျောက် မီးလောင်ကျွမ်းမှုဖြစ်စဉ် မဖြစ်ပွားမီ တခြားထူးခြားသည့်
ဖြစ်စဉ်မျိုး မရှိကြောင်း၊ နေအိမ်တွင် ကိုသိန်းထွန်းအောင်၊ မဖြူဖြူနှင့်
ကလေး ငယ်တစ်ဦးနေထိုင်ပြီး မတ်လ ၇ ရက်နေ့မှ စတင်ကာ အိမ်တွင်းရှိပစ္စည်း
အချို့ စတင်မီးလောင်ကျွမ်းမှု ဖြစ်ပေါ်ခဲ့သည်ဟု သိရသည်။ မတ်လ ၈ ရက်နေ့တွင်
တစ်ကြိမ်ဖြစ်ပွားပြီး မတ်လ ၂၄ ရက်နေ့ နှင့် ၂၆ ရက်များတွင် ယခုကဲ့သို့ ထပ်မံ ဖြစ်ပွားခဲ့ ခြင်းဖြစ်ကြောင်း သိရှိရပါတယ်။
Credit : ELEVEN MEDIA
